Isang malalim na buntong-hinga ang pinakawlan ni Arkine. Nanatili muna siya sa loob ng kaniyang opisina nang mga ilang minuto upang humupa ang tensyon ng nakaraang pagtatalo bago siya tuluyang lumabas. Inayos niya ang kaniyang sarili at naglakad na patungong front desk upang balikan ang kaniyang mga responsibilidad sa resort.
Ngunit sa hindi kalayuan, bago pa man siya makarating sa counter, nakita niya si CJ. Lilingap-lingap ito sa paligid, tila may hinahanap at halatang hindi mapakali habang hawak ang kaniyang cellphone.
Agad siyang nilapitan ng engineer, pinalitan ng malambing na pag-aalala ang seryosong mukha nito kanina. "Wifey? Akala ko gusto mo magpahinga... Okay ka na ba?" wika ni Arkine sabay hawak nang banayad sa siko ni CJ upang alalayan ito.
Napaangat ng tingin ang doktora at
