"Bukas, anong balak mo? Anong gagawin mo?" tanong niya, habang nakatitig sa mga mata ni CJ na tila ba ayaw niyang may masayang na sandali sa pananatili nito sa isla.
"Hmmmn... hindi ko pa alam," sagot ni CJ, sabay sandal sa malambot na couch. Ramdam na niya ang bahagyang hilo ngunit kasama nito ang kakaibang gaan ng loob. "Depende kung maaga ako magigising."
Nangiti si Arkine at mas lalong lumapit, sapat na para maramdaman ni CJ ang init ng kanyang hininga. "Well, kung maaga kang magigising, may alam akong magandang spot para panoorin ang sunrise. Pero kung tanghali na..." binitin niya ang pangungusap at hinaplos ang buhok ni CJ. "Handa akong maghintay sa sala ng quarters ko hanggang sa mamulat ang mga mata mo."
Natawa nang mahina si CJ. "Masyado ka namang hands-on na manager, Engineer
