Lumipas ang tanghalian nang tahimik, ngunit hindi ito ang klase ng katahimikan na nakakabingi o nakaka-ilang. Ito ang katahimikang nagbibigay-daan sa paghinga ng kanilang mga puso. Sa bawat subo ng pagkain, pakiramdam ni CJ ay unt-unting bumabalik ang lakas niya—hindi lang dahil sa pagkain, kundi dahil sa presensya ng lalaking nasa harap niya.
Pinagmamasdan ni CJ si Arkine habang kaswal itong kumakain. Napagtanto niya kung gaano kalaki ang ipinagbago ng disposisyon niya simula nang dumating siya sa isla. Dati, ang tingin niya sa sarili ay isang sirang piyesa na kailangang itago sa trabaho, pero ngayon, mas magaan na ang loob niya.
Salamat sa isang Arkine James na nakaintindi at umintindi sa kanya sa mga panahong maski ang sarili niya ay hindi na niya maintindihan. Noong mga oras na pakir
