Pagkalabas na pagkalabas ni Arkine ng kwarto, hindi na nag-aksaya ng panahon si CJ. Agad siyang nagtungo sa banyo para maligo. Kahit pa kumikirot at masakit ang kaniyang ulo gawa ng nainom na alak kagabi, pinilit niyang basain ang kaniyang katawan. Umaasa siya na sa pamamagitan ng malamig na tubig ay mabawasan man lang kahit kaunti ang matinding hiya na nararamdaman niya ngayon kay Arkine—ang isiping halos nakita at naramdaman na ng engineer ang hubog ng kaniyang katawan dahil sa nipis ng t-shirt na suot niya kanina ay sapat na para mag-init muli ang kaniyang mga pisngi.
Matapos ang mabilis na pag-shower, naghanap siya ng komportableng kasuotan sa kaniyang maleta. Nagsuot lang siya ng isang maikling dress, ang usual na simpleng kasuotan na madalas niyang gamitin kapag nagpapalipas ng oras
