10 years ago...
Napatingala ang isang batang lalaki habang nakatingin sa madilim na kalangitan. Mag-isa lamang siya sa madilim na parteng iyon ng parke. Napatingin siya sa mga batang kasama ang sariling magulang habang masayang hawak ang kamay ng mga ito.
Mapait siyang napangiti saka napahigpit ang pagkakahawak sa suot na jacket. Madilim at napakalamig na ng paligid kaya naman naisipan na niyang bumalik sa kanila. Habang naglalakad ay hindi niya maiwasang mapaisip kung mayroon bang nag-aalala sa kanya at aligaga sa paghahanap.
Pitong taong gulang pa lang noon si Kael kaya naman inabot siya ng halos kalahating oras sa paglalakad hanggang sa makauwi sa kanilang bahay. Kahit na hindi karaniwan para sa isang bata na gaya niya ang gumala sa gabi lalo pa at wala itong kasamang nakakatanda,
