Hindi lubos maisip ni Kael ang mga katagang sinabi ni Charmy sa kanya kahapon. At ang mas ikinagulat pa niya ay nang malaman niyang ang sariling kapatid pala ni Charmy ang tinutukoy nito. Halos hindi siya makatulog kagabi dahil sa paulit-ulit na pagre-play nito sa kanyang isipan. Napapaisip rin tuloy siya kung magagawa rin ba niya ang ginawa ng kapatid ni Charmy-san.
Napangiti na lamang siya habang nakatingin sa kanyang daraanan. Kasalukuyan na kasi siyang pabalik sa classroom nila galing sa restroom. Ilang minuto na lamang kasi at mag-uumpisa na rin ang klase. Habang naglalakad ay ramdam ni Kael ang kakaibang tingin ng mga tao sa paligid. Maya-maya ay napansin niya kung saan nakatingin ang mga ito. Agad na napatingin sa kanyang likuran at nakita roon sina Rogue at Jazz.
‘Ano naman ganap
