NANG malamnan ang sikmura ay nakaramdam ng antok ang lalaking pipi. Ilang ulit itong naghikab at ang mga mata ay pilit na idinidilat upang hindi tuluyang magsara.
Nangiti si Ada nang makitang malinis na ang kanilang pinagkainan. Nahugasan na ito ng kaibigan kahit hindi niya iniutos.
''May alam siya sa mga gawaing bahay, siguro ay naturuan siya ng kanyang lola noong nabubuhay pa. Hindi nga lang akma sa kanyang edad ang kanyang pagkilos ngunit hindi siya baliw.'', bulong niya habang pinagmamasdan ito.
Hinayaan na lamang niya ang kaibigan na makatulog. Nakaupo ito sa duyan na ginawa niya. Ilang saglit pa at nakita niyang nakapikit na ito. Bahagya pang nakanganga ang bibig. Muli siyang napangiti.
"Ganito pala kapag may totoong tao akong kasama, nakakatuwa.", nasabi niya.
Pumasok siya sa
