“Ang ganda-ganda mo naman madam! Nako, maraming manliligaw sayo ang mahuhumaling nito.”
Pagbibiro ng bakla na stylist. Hindi ako umimik at nanatili na nakatitig sa malaking salamin. Parang maaliwalas ang mukha ko ngayon. Parang bigla ay gumaan ang ulo ko.
Ang kalat at makapal na kilay ko, ngayon ay maganda na at kurteng-kurte na. Ang lampas sa pang-upo na haba ng aking buhok na kulay itim, ngayon ay kulay chestnut brown na at abot na lang sa balikat. Lalong nabigyan ng pansin ang aking nakalubog na collarbone.
“May asawa na ako, ano ka ba. Ito, may tip ka na diyan. Ikaw na lang ang bahala na magbayad doon. Kanina pa kasi ako nandito.”
Sabi ko sa bakla na señior stylist ng salon. Nakakatuwa naman at binigyan niya ng hustisya ang buhok ko.
Pagkalabas ko sa salamin na pintuan. Kaagad
