Ilang oras ding nakababad si Flora sa tubig bago niya naisipang umahon. Naunang umahon si Clinton dahil aayusin nito ang kanilang pagkain. Pagdating ni Flora sa kanilang unit, nakahanda na nga ang mga pagkain nila. Doon lang niya naramdaman ang gutom.
"Let's eat!" nakangiting wika ni Clinton.
Napangiti na lamang din si Flora bago nagtungo muna sa banyo para makapagbihis. Hindi nawala ang ngiti niya sa labi habang nagbibihis dahil naiisip niyang iba pala ang saya kapag ikaw mismo ang inaasikaso ng lalaki. Iba ang saya kapag maalaga at maasikaso ang lalaki na para nang prinsesa kang talaga. Noon kasing mag-asawa pa sila ni Jack, siya ang nag-aasikaso. Bihirang-bihira lang siyang asikasuhin ni Jack. Kapag may sakit lang siya.
"Kumusta ang paliligo mo? Nag-enjoy ka ba ng husto?" malambing
