"Flora... gusto ko sanang humingi ng tawad sa iyo. Matagal ko ng kaibigan si Jack. At alam ko kung ano ang tunay niyang pagkatao. Alam kong magagalit ka sa akin ngayon at may karapatan kang magalit pero sana intindihin mo rin ang sitwasyon ko. Syempre, kaibigan ko si Jack kaya hindi ko masabi sa iyo ang totoo..." nakayukong wika ni Bruce.
Bumuntong hininga si Flora. "Naiintindihan naman kita. Kahit ako rin naman kung may ganyan sa kaibigan ko, hindi ko rin masasabi sa asawa nito. Pero... ang ibig mo bang sabihin dati pa talagang bakla si Jack?"
"Hindi naman talaga siya bakla pa noong mga binata pa lang kami. Pero no'ng magsimula kaming maging busy, nagulat na lang ako nang umamin siya sa akin. Na may nagugustuhan siyang lalaki. Pero ang sabi niya, ayaw niyang maging bakla. Pipigilan niya
