Iniisip ni Clinton kung saan magpunta ang dalaga kahapon at ginabi na ito ng uwi. Iniisip niya kung pinuntahan ba nito ang dating asawa at balak na makipagbalikan. Sumasakit ang ulo niya habang iniisip iyon. Ayaw niyang magkabalikan pa ang dalawa.
"Good morning, darling! Puwede ba akong mag-overnight dito?" nakangiting wika ni Rosa nang dumating siya sa bahay ni Clinton.
Nanlaki ang mata ng binata at saka napakamot sa kanyang ulo. "Ahm... bakit kailangan mo pang mag-overnight dito? Puwede ka namang bumisita na lang."
Humagikhik si Rosa bago nagdire-diretso ng pumasok sa loob ng kanyang bahay at saka inilapag ang dala niyang bag sa tabi. Nilapitan niya si Clinton at saka hinawakan sa magkabilang balikat.
"Bakit? Ayaw mo ba na nandito ako? Wala naman akong gagawin sa iyo. Hindi naman ki
