“ALAM MO, MIRA, ang dami kong gusto kong gawin sa buhay ko. Gusto ko mag-aral na may kaklase. Gusto ko magkaroon ng maraming kaibigan,” sabi ni Atlas. Napangiti siya at saka nagpatuloy sa sasabihin, “Gusto kong ihatid nina Mom at Dad sa school. Gusto kong pagalitan ng teachers. Gusto kong matutong magmaneho ng sasakyan. Gusto kong pumunta sa kung saaan. Gusto kong makapunta sa dagat.” Nilingon niya ako habang patuloy pa rin sa pagpatak ang luha sa kanyang mga mata. “Hindi ko na mabilang lahat ng gusto kong gawin, pero lahat iyon ay hindi ko magagawa. Isipin mo, ang dami kong pera, may half billion na nga ako sa bank account ko. Naipon ko iyon simula noong bata pa ako. Pero ano ang gagawin ko roon? Kung hindi ka pa dumating sa buhay ko, baka ang lungkot pa rin siguro ng Atlas mo.”
Napangit
