PAPAUWI NA AKO sa bahay nila Atlas. Hindi ko naman maitago ang saya sa mukha ko nang makausap ko sila Kuya Aiden at Daddy Hector. Naging emosiyonal naman si Kuya nang masabi ko sa kanya na labis ng nangungulila sa kanya ang pamilyang iniwan niya rito. Hindi ko rin naman siya masisisi kung bakit siya nagkanoon. Naiintindihan ko ang pinaghuhugutan niya.
Labis naman ang saya ni Daddy sa mga sinabi kong impormasyon. Ang sabi niya, may aayusin lang siya sa kumpanya bago bumalik dito sa Pilipinas. Handa na talaga siyang magpakita kay Tito. Ito rin talaga ang gusto niyang mangyari dahil alam niya na makatutulong ito sa paghahanap ng hustisya kay Mommy.
Nang papalapit na ako sa bahay nila Atlas, panay kuha na ako ng selfies. Kung tutuusin, ang dami ko ng nakuhang magagandang larawan. Hindi ko in
