“SA IYO BA ito, Mira?” tanong ni Tito Arquil.
Hindi ko alam kung ano na ang mangyayari kung aaminin ko sa kanya na sa akin ang kwintas na hawak niya. Hindi rin naman ako pwede magsinungaling dahil palagi itong nakikita ni Atlas sa tuwing nagtatalik kaming dalawa. Araw-araw kong sinusuot ang kwintas at tinatago ko lang ito sa damit ko. Kaya kapag naghuhubad ako, malaya si Atlas na makita ang kwintas na nakasabit sa leeg ko.
Muling nagsitayuan ang mga balahibo ko nang maalala na nakita rin pala ito ni Tito nang dumalaw siya sa puntod ni Mommy. Pero sana lang ay hindi niya iyon naalala.
“Sa kanya iyan, Dad,” sabi ni Atlas.
“Padaan, Dad. May kukunin lang ako sa labas,” sabi ni Thea sabay labas ng kwarto.
Napangiti ako. “Yes po, Tito. Akin po iyan.”
“May ganito si Helga,” seryosong sabi
