NASA KUSINA AKO para magluto. Mabuti na lang at wala na sila Bridgette at ang kanyang ama. Ang sabi sa akin ni Tito, panay iyak daw ito nang malaman ang totoo sa amin ni Atlas. Hindi ko inaasahan na hindi lang pala mukha ang habol niya sa mapapangasawa ko. Mahal niya pala talaga ito. Paano niya ito minahal? Sa kwento sa akin ni Thea, hindi naman daw pinapansin siya ni Atlas.
Kasama ko si Atlas dito sa kusina at nakanguso lang siyang nakatingin sa akin. Naghihiwa lang naman ako ng mga sangkap ng lulutuin ko. Minsan ay hindi ko mapigilan na manggigil sa nguso niya. Kaya kung darating man ang araw na bibe na ang tingin ko sa kanya, hindi na ako magtataka.
“Mas mabuti pang tulungan mo ako kaysa ngumuso ka lang diyan,” sabi ko.
“Para nga akong na-suffocate habang tinitingnan ka. Paano mo gin
