Chapter 48
“BIGYAN mo ng pagkakataon ang sarili mo, anak. Sa tingin ko ay hindi rin naman matutuwa ang Tiya Monica mo na ganyang ibinuburo mo ang sarili mo dito sa bahay.” “Ma, masaya naman ako dito. Dati naman akong nakatira dito at hindi ako maiinip kung iyon ang inaalala ninyo.” “Hindi iyon ang inaalala ko, anak.” Kinuha nito ang tuwalyang hawak niya at siyang nagtuloy ng pagpupunas ng kanyang basang buhok. “Ang iniisip ko ay ang tinapos mo. Sayang naman kung hindi mo iyon gagamitin, hindi ba?” “Secretary ang hinahanap ni Vincent, Mama, hindi po Nurse.” Rumehistro ang guilt sa anyo ng kanyang ina. “Naku, sorry, anak…hindi ko nasabi sa iyo na nabanggit ko kay Vince na kumuha ka muna ng dalawang taong kurso sa Business Management bago ka nag-aral ng pagiging Nurse.” Napabuntong-hininga na lang
- Writer
