اسميتها مريم

الفصل الخامس 🧡

محمد : خلاص يا احمد خليك قاعد طالما مش عايز تكلم براحتك بس اهدي و متضايقش بالمنظر ده . .

يمسك احمد بيد محمد و يضغط عليها بأسف و يقول له . .

احمد : معلش يا محمد انا مخنوق و الله و مش عارف أنا شكلي اتسرعت البنت كويسه وكل حاجه بس انا مش عارف ليه مش حاسس بيها هي برده مش بنتي يا محمد انا كان نفسي يكون ليا طفل مني فرحانه و كل حاجه بس والله انا مش قادر اعيش دور اب مع حد مش من صلبي انت راجل واكيد فاهم قصدي اي كويس وربنا يجعل قلبي يتغير من ناحيتها يا محمد . . .

محمد : لا يا احمد النصيحه يا صاحبي طالما مش حاسس بيها و لا صعبت عليك و هي مرميه في دار ايتام ملهاش حد يسال عليك و محركتش قلبك يبقي عمرها ما متحركه تاني ولا هتعرف تحركه احمد انت غلط و كان لازم متستلمش لبنت لمصلحتها هي دي لسه اول يوم وانت عامل كده اومال بقي لما توقع حاجه او ت**ر حاجه هتعمل فيها اي ربنا يستر من اللي جاي انا بجد مش صعبان عليا غير البنت دي لانها اكيد هتخس بعدم حبك ليها حاول يا احمد تهدا شويه وسبب الأمور تمشي يمكن ربنا يجعل في قضاه رحمه و تحبها أو ربنا يرزقك بطفل بس ساعتها اوعي تمشي البنت من الببيت لانك هتبقي قضيت عليها . . .

بيستوقف احمد محمد ولكن محمد بيرفض الوقوف عن الحديث . .

احمد انت لازم تكون قد الخطوه اللي انت اخدتها مينفعش ترجع في كلامك دي طفله بريئه جميله جدا مش لعبه في ايدك يا صاحبي . . .

احمد : ماشي يا محمد ربنا يسهل و يعدي الموضوع ده علي خير . . . انا هقوم بقي علشان اروح زمان مني علي نار عايزه تعرف فيا اي لاني سيبتها ومشيت من غير ما اقول حاجه سلام يا صاحبي. . .

محمد : سلام يا احمد . . .

احمد .. . متزعلشي مني انت عارف انا بحبك وبحب مراتك مني اد أي وفعلا بريد ليكوا الخير والضاحية ليه عنده صاحبه اي . . النصيحه يا صاحبي . .

احمد : سلام يا احمد ...

بيركلي احمد عربيته و بيرجع بيها علي الفيلا بتكون مني مستنياه في الليفينج روم . ..

احمد : مساء الخير يا حبيبتي اي اللي مصحيكي لحد دلوقتي . . .

مني : مساء النور يا حبيبي اكيد يعني مش هناك و انت مش موجود في البيت و انا كمان معرفش عنك حاجة و مكنتش عايزه اتصل بيك تكون مع حد و تكون مش عايز تكلم . . .

احمد : لا يا حبيبتي مفيش حاجه أنا كويس الحمد لله انا كنت قاعد مع محمد بس شويه بندردش مع بعض ااه صحيح محمد بيباركلك علي البنوته و فرحان جدا من الخطوه اللي انتي اخدتيها دي . ..

مني : مش مهم محمد يكون فرحان المهم انت اللي تكون فرحان يا احمد .. .

احمد : و انتي مين قالك إن انا مش فرحان بالبنت انا مبسوط بس انتي عارفه انا مش بعرف ابين فرحتي هو انا جديد لسه عليكي يعني يا حبيبتي . ..

مني : لا يا حبيبي علشان انت مش جديد عليا انا بقولك انت متغير و فيك حاجه مش طبيعيه من يوم ما روحت انا وانت جبنه البنت من الدار و انت مش كويس مع اني مجبتش البنت غير بعلمك انت و كنت معايا في كل خطوه اي اللي غيرك في أي يا احمد صارحني انا مراتك حبيبتك فهمني يا حبيبي انت مش عايزها . .. .

احمد : يووووه يا مني لا عايزها طالما انتي عايزاها خلاص يا حبيبتي وانا مش عايز حاجه و الله و مفيش حاجه في دماغي خلاص بقي متزوديش الموضوع عليا بالله عليكي انا يومين وهبفي كويس جدا خلاص متقلقيش عليا . . ..

مني : ماشي يا حبيبي زي ما تحب انت حر انا هقوم انام مش هتنام و لا هتعمل ايه . ..

احمد : لا انا هنام برده لاني عندي تقارير الصبح لازم ابعتها وارجعها كويس و لازم اكون فايق يالا يا حبيبتي نطلع ننام صحيح البنت نامت ولا لا . . .

مني : نامت اه اكلت و لعبت شويه و ببص عليها لقيتها نامت وهي بتلعب ربنا يخليها لينا كانت شبه الملاك وهي بتنام من كتر اللعب . .. .

احمد : كويس أنها مغلبتكيش لحد ما نامت انا كنت بقول أول كام يوم هيبقوا صعبين بالنسبه ليها وليكي لحد ما تاخد علي المكان و الجو الجديد بالنسبالها .. .

مني : لا متقلقش هي فرحانه جدا بالمكان و عماله كمان تخطط النهارده هعمل اي و بكره هعمل اي يعني هي بكره خطتها انها تنزل شويه البيسين و بعد كده تلعب في الجنينه و هتفعد ترسم شويه . ..

احمد : طيب كويس شكلها اجتماعيه و هتبقي عسوله زي شكلها كده. ... . .

مني : نفسي تحبها يا احمد و متعملهاش وحش بجد دي بنت طيبه اوووي و انت عارف انت علي كول مسافر و انا لو حدي صدقني هيفرق معايا كتير وجودها في حياتي و في حياتك كمان يا حبيبي . ..

احمد : متقلقيش يا حبيبتي أنا موجود معاكي اهو و هي مش هتسيبنا يالا بقي نامي يا مني انا عايز انام علشان الحاجات اللي ورايا انتي بكره مش راحه المستشفى ولا اي . ..

مني : لا انا واخده اجازه اسبوع علشان اكون مع مريم علي ما تاخد علي البيت و كده . . .

احمد : ماشي ياحبيبتي تصبحي علي خير . . .

مني : و انت من اهل الخير يا حبيبي .. .. . . .

بتنام مني و احمد و مريم نايمه مثل الملاك في حجرتها لا تدري ما يخبئ لها الزمن و لكنها طفله صغيره سعيده بكل لحظه بتمر بها و تدري ان بكره بالنسبه لها افضل من اليوم الذي تعيشه في الحياه . . . . .

بيستيقظ احمد في السابعه صباحا حتي يرسل التقارير عبر الانترنت و يلاحظ حركه في حجره مريم و يدخل ليعرف ماذا يحدث في الحجره يجد مريم مستيقظة و تقوم بترتيب حجرتها الجديده بكل سعادة و فرح و يدخل عليها ويقول لها صباح الخير يا مريم ماذا تفعلين يا صغيرتي . . . . ..

مريم : بابا صباح الخير انا بس بنضف اوضتي علشان لازم تكون نضيفه علي طول . . . .

احمد : طيب ليه مستنتيش الداده تيجي تنضفها . . .

مريم : لا يا بابا انا متعوده لازم اوضتي انضفها و اكون شاطره و نضيفه علشان الكل يحبني و محدش يعاقبني من الدار أو ارجع الدار تاني لما ماما الجديده تشوف الاوضه بتاعتي مش منظمه . . . . .

يتبع . . . . . .