What's Wrong With My Fan

Nakangiting ni-screenshot ko ang bago kong wallpaper na syempre mukha na naman ni Brace Angeles. Pumunta ako sa i********: at Twitter at pinost ito. “Mukhang 'di nakakasawa. Hashtag new wallpaper, hashtag Brace Angeles,” sambit ko sa caption at minention ko pa ang account ni Brace sa IG at Twitter. Nag-scroll pa ako sandali sa IG at walang pakundangang pinupusuan lahat ng lumalabas sa feeds ko. Naka-follow ako sa halos lahat ng fan accounts ni Brace at syempre sa account niya rin. At halos lahat ng lumalabas sa feeds ko ay mukha niya. Content blessings everyday. Kapag badtrip ako, bukas lang ako ng IG at mapapawi iyon. Some people banned themselves from social media to get away from toxic people while I get in touch into it to find my peace. Brace Angeles is my peace of mind, strength, confidence, and literally my angel. Ironically, we are called Angels, his fansclub's name. But no, he's our angel. He looks like an angel na pinababa sa lupa para magpalaganap ng kagwapuhan at i-share ang umaapaw niyang talento. I-exit na sana ako nang may nag-DM sa akin. Ten Ramirez ang pangalan ng account. Binuksan ko ang mensahe na nasa message request at binasa ito. Hi, I am Ten Ramirez, a staff from SKC Network and a casting coordinator of soon to be aired show. We are to produce a show named “Prints of my Idol”. We will feature famous celebrities here and we need three of the artist's fans for the main appearances. Our first guest celebrity is Mr. Brace Angeles. I have found your account and have been tracking you for weeks. You are the one with the two other fans who suit to appear in this show for Brace. May I invite you to appear in the show and have a 1-week pre-recording shoot? Your appearance will also be paid. We are hoping for your positive response to appear in the show. Thank you. “Mmmpp...kyaah! Pucha!” Hindi ko na napigilan ang magkahalong excitement, kaba, at kasiyahan na nararamdaman ko. Lumundag-lundag ako sa kama, nagtitili at pinaghahampas ang unan. “Brace Angeles!” sigaw ko pa gaya ng pagsigaw ko kada may concert siya. Matapos ko maitili lahat, pinaypayan ko ang sarili. Wait, ang init. Bumaba ako sa kama at pinalakasan ang aircon sa kwarto ko. I inhale and exhaled to calm myself. “Hoo! Wait lang Delartheece Van, kalma self,” sambit ko sa sarili. Sumampa ako muli sa kama at kinuha ang cellphone. Kailangan kong kumpirmahin na legit ito bago pa magsilaglagan ang mga tumaas kong kasiyahan. Binasa kong muli ang mensahe. Pinindot ko ang pangalan niya para mapunta sa account niya. Nag-scroll ako at anak ni Brace! Legit talaga ito! May pictures siya while working sa SKC Network. May mga pictures pa siya kasama ang iba ring sikat na artista at ang recent post niya ay ang poster ng “Prints of my Idol” show. Sa caption niya, coming soon pa at wala pang exact date. Sheets. Legit talaga 'to. Magre-reply na sana ako nang maisip ko ang trabaho ko. I'm a graphic artist sa Advance Publishing Company. Hmp, bahala na. I can ask for a 1 week leave, kapag hindi nila ako papayagan, magre-resign ako! Char, lakas ng loob pero sana huwag. Hindi ko rin mahindian ito. Never! This is just a once in a lifetime opportunity! Ay teka mame-meet ko ba si Brace sa show? Wala kasing sinabing together with him. Pero siguro naman, kahit off cam lang. I typed my reply. “Hi, thank you for reaching me out. I'm so so glad that you've found me. Yes, I'm an Angel. I will be willingly appear for the show and for Brace,” sambit ko sa mga tinitipa ko. “kahit hindi niyo na ako bayaran.” Napailing ako. Binura ko ang last sentence. Hindi pwede, baka hindi ako payagan ng 1 week leave para sa shoot. Magagamit ko 'yong pera habang maghahanap ng bagong work. Grabe Brace,'pag ako tatanggalin sa trabaho dahil dito, you will literally change my life and career. But anything for you David Brace Meinrich. It's his real name. Brace Angeles is just his screen name. Nilapitan ko ang malaki niyang poster na nakadikit sa dingding ng kwarto ko. “Wait for me, Brace. I will be your no. 1 angel sent from above to love you to infinity and beyond!”