SHORT STORIES COMPILATION

TAHIMIK nang umagang iyon para kay Aling Sabel, walang ulan at tahimik na nagdaan ang gabi. Kasalukuyan syang nagwawalas sa harapan ng kanyang tindahan nang makita nya ang isang traysikel na papalapit- puno iyon ng mga gamit “May lilipat na siguro kila Noel”, aniya sa sarili habang itinatabi ang walis tingting na hawak at sinalubong ang paparating na sasakyan. Napanganga ang ginang nang makita ang sakay na dalaga ng guguray-guray na tricycle ni Mang Kaloy. “Aba’y kagandang bata naman ire, magandang umaga ne, ikaw na ba yung lilipat diyan kila Noel?” Salubong ni Aling Sabel sa kabababa lang na dalaga. Maputi ito, katamtaman ang tangkad, at may mga malalalim na mata- malamlam ngunit tilla may ningas ng apoy na kahit kailan ay tila di na mawawala. “Opo. Kalis po, Kalista.” Magalang na pagbati ng dalagang may malamig na tinig, sabay mano sa ginang na nagbitbit ng kakaunitng gamit na dala nya. Sabay-sabay na naglakad ang tatlo bitbit ang mga gamit ng bagong lipat. Tumigil lamang sila noong sila ay nasa tapat na ng isang maliit na kongkretong bahay- malamlam na kulay asul ang kulay, kaaya-aya sa paningin ang disenyong napilii ng may-ari bago ito ipaupahan. May maliit na bakuran kung saan may dalawang kahoy na upuan at isang bakal na lamesang bilog. Kulay puti ang hanggang bewang na gate. “Dito nalang ho, maraming salamat po sa tulong”, ani Kalista makaraang mailapag ng dalawang matanda ang mga gamit na binitbit ng mga ito para sa kanya. Inabutan na ng dalaga ang matandang Kaloy ng kanyang pamasahe, nakangiti namang umalis ang matanda at nagpaalam na, samantalang naiwan ang matandang babae at umabistre sa dalaga habang ito ay patuloy na nagbuhat ng mga gamit.