NAGDAHILAN NA lang ako kay Anika na biglang sumakit ang ulo ko upang ‘di na niya ako isama sa court kung saan naroon ang grupo na magbibigay ng financial assistance. Nalukot lang ang mukha niya ng ilang sandali at pagkatapos ay nginitian din ako agad. Hindi na ako interesado pa sa resulta ng sinagutan kong form dahil makakapasok naman ako sa Santillian University. Kung libre ang dormitory, kailangan ko na lang maghanap ng mapapasukang trabaho kahit part-time upang may panustos ako sa pang-araw-araw. Hindi biro ang pagpasok sa kolehiyo kaya mainam na ang maging handa.
Mas pipiliin ko na lang ang maghanap ng maghanap ng mapagkakakitaan kaysa naman umasa sa financial assistance na si Marcus mismo ang makikita ko. ‘Di bale na lang.
Pagkatapos kong magtanghalian ay inayos ko na ang mga gaga
