SABAY-SABAY na tumili ang buong departamento ng education course pagkatapos i-confirm ang aming pagtatapos. Kasunod niyon ay ang sabay-sabay din naming pagtapon sa ere ng toga hat. Tuluyan na akong natalo ng aking damdamin. Tumulo na ang luha ko sa labis na kasiyahan. Nagyakap sina Paul at Anika gayundin ang iba kong mga kaklase.
Graduate na rin ako sa wakas!
May maipagmamalaki na ako. Napatungo ako saka naramdaman ang init na sanhi ng luha ko. Dahan-dahan kong pinahid ang mga mga iyon subalit patuloy pa rin sa pagtulo. Halu-halong emosyon ang umaalipin sa dibdib ko. Sa labis na kasiyahan ko ay ramdam ko pa rin ang lungkot.
Natupad ko ang pangarap ko na makapagtapos ng kolehiyo na walang pamilyang nasa tabi ko. Nilukob ako ng malalim na kalungkutan na ngayon ko lang naramdaman.
“Z
