Hindi ko alam kung ano ang pumasok sa isip ko at no’ng bandang 11:00 p.m. ay tumakas ako. Umalis ako ng bahay nang walang paalam at pumunta sa bahay nila Jasper. Hindi naman ako maglalayas. Babalik rin ako maya-maya. Gusto ko lang talaga makita si Jasper.
Ilang beses akong nag-doorbell hanggang sa pagbuksan ako ng katulong nila.
“P-Pwede ko po bang makausap si Jasper?”
“Hija, gabing-gabi na ‘yung punta mo. Sige, pasok ka muna. Gigisingin ko lang siya.”
“Hindi po. Dito na lang po ako. Hihintayin ko na lang po siya.”
Tumango naman si Manang bago pumasok sa loob ng bahay. Inikot ko ang paningin ko sa paligid ni village at nakita ko ang bahay nila Kuya Miko. Bukas pa ang isang ilaw sa second floor ng bahay nila. Do’n sa bandang kwarto ni Kuya Miko. Bigla akong kinabahan. Pero naputol rin
