“Jessica Louisse! Bumangon ka na d’yan! Napakatamad mo talaga! Manang-mana ka sa pinagmanahan mo! Sikat na sikat na ang araw at nand’yan ka pa rin, natutulog! Bumangon ka na d’yan!”
Umagang-umaga, sigaw na agad ni Lola sa akin ang narinig ko. Ang sakit ng ulo ko! Argh! Gusto ko sanang sabihin na, five minutes na lang, pero kapag ginawa ko ‘yon, baka ibato niya sa akin yung baston niyang ginagamit kapag naglalakad-lakad siya sa umaga.
“Ako na lang po, Lola. Pabababain ko na po si Jessy,” rinig kong sabi ni Kuya Dexter.
“Sige, apo at nang makapag-almusal na tayo,” sagot ni Lola.
Ang bait niya talaga kay Kuya Dexter. Haaay.
Narinig kong bumukas ang pintuan at naramdaman ko na naupo siya sa gilid ng bed ko. Gising na naman na ako. Tinatamad lang akong bumangon kasi ang sakit ng ulo ko. A
