Wala naman ni isa ang umimik sa kanila nang makaalis si Trina.
“Hindi ka dapat nakikipag-usap sa kaniya,” sambit ni Yoa. Kumunot naman ang noo ni Adriana.
“Dahil ano? Dahil malalaman ko kung ano ang plano mo sa ‘kin?” sagot niya rito. Kaagad na natigilan naman si Yoa.
“Adriana, you don’t understand,” anito.
“Paano ko maiintindihan eh pare-pareho lang kayo. Binibilog niyo ang ulo ko. Ano ba talaga Yoa? Napapagod ako lalo sa mga ginagawa niyo. Ano ba ang problema niyo? Bakit niyo ba ako pinag-iinitan?”
“Hindi ‘yon ganoon Adriana!”
“Then what? Ang hirap sa inyo kapag may nalalaman ako para akong batang ayaw niyong paliwanagan. Nililihis niyo, iniiwasan niyo para ano? Para hindi ko malaman? Yoa, ano ba talaga? Ano ba ang kasalanan ko sa ‘yo ha? Kaya ba naging mabait ka sa ‘kin? Sigu
