ORLENE
"Sir?"
Agad kong nasambit pagkakita ko kay Sir Lorenzo Clyde na nakatayo sa harap ko at nakatingin sa akin. Dumako agad ang mata ko sa mukha nito. Tinignan ko ang ekspresyon nito. Napansin ko ang kaseryosohan at mukhang galit din nang makita ako rito. Agad kong iniwas ang tingin ko. Hindi ko kayang tignan ito. Bigla rin kasi akong natakot dito. Hindi ako naging komportable sa presensya nito. Iba ang pakiramdam ko kaya ito nandito. Hindi ko rin inaasahan na susulpot ito bigla. Hindi naman kasi ito nagagawi rito kaya naman nakakapagtaka lang na narito ito ngayon. Itong stock room pa naman ang isa sa mga safe spot para sa mga gustong magtago o pumetiks saglit. Balak ko pa man din sana na magpahinga muna saglit rito bago sumunod kay Marian. Baka kasi sakaling umokay naman ang pakiram
