HINDI naman pwedeng laging masaya ang pagsasama. S'yempre, may mga araw din na hindi kayo nagkakasundo. Dala na rin ng pressure na isang buwan na lang ang natitira sa akin ay nagiging mainitin na rin ang ulo ko. Ewan ko ba kung anong nangyayari sa akin. Madalas short fuse ako kay Jay. Naroong nanonood lang kami ng tv sa kwarto n'ya at tanong ito ng tanong kaya nasisinghalan ko s'ya. Noong nakaraan ay napikon na yata ito kaya mabilis na tumayo at iniwan ako sa kwarto.
Agad naman akong nagsisi sa ginawi ko at hinintay s'yang bumalik pero hanggang makatulog ako ay wala s'ya. Nagising na lang ako ng madaling araw na wala pa s'ya sa tabi ko kaya bumaba ako at hinanap s'ya. I found him in the study at nakabaluktok ang higa. Mukhang nilalamig at siguradong masakit ang katawan kinabukasan kung h
