Tumatahip ang dibdib ni Ruthanya habang sakay ng kotse ni Luther at binabagtas nila ang daan patungong Altieri Construction. Nasa malaking bahay lang sa talampas ang tatlo nilang anak, at hindi naman mukhang nababagot ang mga ito. Kinuha ni Luther mula sa Villa ang mga lumang photo albums ng pamilya Altieri at dinala sa bahay nito sa talampas. Tuwang-tuwa ang triplets at hindi magkamayaw sa pagtingin sa bawat litrato.
Wala sina Señor Giuseppe at Señora Eutropia sa Villa nang tumungo si Luther doon, kaya hindi pa nito nasasabi sa dalawa ang tungkol sa mga bata.
Pagkahimpil ng sasakyan sa parking ng kompanya ay hinawakan niya ang kamay ng lalaki. “Luther, teka lang,” pigil niya sa akmang pagbaba nito.
Kumunot ang noo nito, at hinaplos ang pisngi niya. “Bakit? May problema ba?”
“Puwede ba
