“Sino ang kapamilya ng pasyente?” tanong ng doktor.
“Ako!” sambit ni Ruthanya. “Ako ang ina ng bata!” dugtong nito.
Napuno ng pagkalito ang utak ni Luther. Alam niya kung ano ang narinig niya. Sinabi ni Ruthie sa doktor na ito ang ina ng bata.
Ng bata?
May anak ito?
Kanino?
Bahagya niyang naiyuko ang ulo at nasapo ang sentido. Hindi na niya maintindihan kung ano ang nangyayari. Muli na namang sumagila sa gunita niya ang imahe ng tatlong batang nakita niya sa restaurant. Isa ba sa tatlong iyon ay anak ni Ruthie?
Sino ang ama ng bata?
Si Frank ba? No, it's impossible.
Oo nga at naisip niya ang posibilidad na may anak si Ruthanya, kaya nga sa inisyal na hagupit ng pagdaramdam ay nagdesisyon pa siyang pakawalan ito. Pero nang muli niyang maangkin ang katawan ni Ruthie ay sinabi na nit
