Patuloy na nagtatampisaw sa dagat ang dalawa at tuwang-tuwa na kasama ang isa't isa. May pagkakataong nahahawakan ni Alexander ang kamay nito at minsan ay napapayakap sa kanya ang dalaga dahil sa paghahabulan nila sa tubig. Kaya naman hindi nila namalayan ang oras.
Hindi alam ni Alexander na hinahanap na siya ng kapatid niya. Habang hinahanap ni Alexa ang kuya niya ay nasalubong niya si Venice na tila may hinahanap din. Napatingin ito sa kanya at bahagyang nagulat.
"A-Alexa," tawag nito sa dalaga. Hindi sumagot si Alexa at bahagyang umirap dito at nilagpasan.
Ngunit hinabol siya ni Venice.
"Wait, Alexa," pigil ni Venice sa kanya.
"What now?" mataray na sabi ni Alexa dito.
Hindi agad nakapagsalita si Venice dahil nagulat siya nang makita ito. Bahagya pa siyang tumingin sa paligid dah
