Matapos niya iyong sabihin pareho kaming natahimik. Mukhang maging siya ay hindi inaasahang masabi iyon. Bahagya akong ngumiti sa kanya.
"Alam kong hindi ka matutulad sa akin," tanging sabi ko sa kanya.
Napatingin siya sa akin.
"Masyado akong nabulag noon at halos sa kanya lang umikot ang mundo ko. Hindi ko na nga minsan naiisip na may responsilidad ako sa pamilya natin. Mas inuuna ko iyong sarili ko, iyong para sa aming dalawa. Tapos biglang iba pala ang hinahangad niya. Masyado akong nagtiwala kaya hindi ko na makita ang maling ginawa niya noon," sabi ko sa kanya.
Hinawakan niya ang kamay ko.
"Kuya, hindi mo kasalanan iyon at wala kang kasalanan. Minahal mo siya nang totoo at nakikita ko iyon. Siya ang may mali at may kasalanan saiyo. Dapat nga humingi siya nang tawad saiyo pero
