ALEXANDER'S POV
Nakarating ako sa apartment ko habang dala-dala pa rin ang nangyari kanina. Tsk! Bakit ba kasi pumayag na pumasok pa, wala pa sa plano kong sabihin sa kanila na nililigawan ko si Charmien. Nilapag ko ang gamit sa couch at napapikit na lang. Mayamaya ay may narinig akong paghinto nang isang sasakyan. Napabuntong-hininga na lang ako dahil mukhang alam ko na kung sino ito. Ilang mabibilis na katok ang nagpaingay sa pinto ko. Hindi agad ako tumayo upang pagbuksan siya. Kaya naman narinig kong isigaw niya ang pangalan ko.
"Alexander! Mag usap tayo!" sigaw niya sa labad ng pinto. Napapikit ako at tumayo. Binuksan ko ang pinto kaya naman hindi ko naiwasan ang pagtulak sa akin ni Venice. Siya na ang nagsara ng pinto at galit na galit na tumingin sa akin.
"What the hel
