Inayos ko muna ang ilang gamit ko na nasa side table. Narinig ko kanina kay Alexa na magluluto siya para sa dinner namin, kaya hinayaan ko siya. Hindi pa rin masala sa isip ko ang mga nangyari kanina. Sa tuwing naiisip ko iyon ay si Charmien ang inaalala ko. Inaamin ko naman talagang gusto ko na siya pero sadyang nasa alanganin kaming sitwasyon, dahil lang rin sa akin. Hindi ko alam kung paano sasabihin sa kanya ang lahat. Kung paano ko ipapaliwanag sa kanya ang lahat. Napabuntong-hininga ako.
"Kuya, halika na!" narinig kong tawag ni Alexa mula sa labas ng kwarto ko.
"Sige!" sagot ko.
Naglakad ako patungo sa pinto at binuksan ito. Nakita kong nakatalikod na si Alexa sa akin, pero lumingon siya sa akin at hinintay ako. Sabay na kaming bumaba saka dumiretso sa kusina.
Nakita ko
