ساحيا بقوه التحدى

(المقدمه ) إذا كانت الحياه ضدى والظروف جميعها ضدى فاانا اعشق التحدى ....... الاستسلام للواقع هو اصعب شئ على الاطلاق ولكن ليس بهذه السهولة أن تحارب واقعك .... ولكن كما أن بعامل حفاز صغير تتم التفاعلات المستحيلة وهكذا أيضا يتم محاربه الواقع بوجود عامل حفاز يساعدك على مقاومه الوجع والألم ..... وهل يوجد عامل حفاز اقوى من الحب ؟؟ لا يوجد شئ اجمل من انك تتضع يدك بايد الذى تحبه وتحاربون معا تلك الظروف القاسيه ولكن لن يحارب معك سوء الذى حبه لك يتحدى السماء فى علوها ...... سانتحدى الصعاب ليس بهذه السهولة ولكن بالحب الصادق والصبر سانتحدى كل شئ لااجل الحصول على حياه افضل ..... الحياه والحب يستحق أن نحارب من أجلهم ونتحدى كل الصعاب .... ساحيا بقوه التحدى وساحيا بقوه الحب فمن يمتلك هذان القوتان فهو اقوى شخص على الاطلاق .... ولكن هل من الممكن أن توثر مشاكل الحياه على هذان القوتان ؟؟؟؟ ★★★★★★★★★★★. ( البارت الاول ) تشرق الشمس بااشعتها الذهبيه فى جميع أنحاء القاهرة لتخبر الجميع بقدوم يوم جديد .... لتستيقظ تلك الجميله على صوت رنين الهاتف وهى تزفر بضيق ...لتقول بغضب ....اف إيه الق*ف دا بقى شخص مزعج قوى وماعندوش دم كان يوم اسود يوم مااتخطبنا.... ليعلو رنين الهاتف أكثر = انا عارفه مش هايسكت غير لما ارد عليه لترد وهى تحاول أن تخفى غضبها عنه ليرد الطرف الآخر باابتسامه..... صباح العسل ايه اخبار القمر بتاعتى لتحاول كثير أن تخفى غضبها ولكنها فشلت وظهر غضبها بوضوح فى صوتها ..... ومن رايك اخبارى هاتكون عامله ازاى وانت مصحينى من احلى نومه ليرد الطرف الآخر بااعتذار ..... انا اسف ياروحى طيب خلاص أنا هاسيبك تكملى نومك بس لما تصحى كلمينى عشان انتى واحشانى مووووت انتى مش متخيله أنا بستنى الصبح يجى بالعافيه عشان اكلمك لتجيبه بااختصار وبرود شديد .... حاضر لتغلق الخط وتلقى الهاتف بغضب ( احب اعرفكم ميار وهى شابه فى العشرينات ٢٥ عام من عمرها وهى تمتلك تلك العيون البنيه الجميله وشعر اسود طويل يصل إلى منتصف ظهرها ...وبشره ناصعه البياض وأنف صغيره ...وجسد رائع متناسق ...وهى بنت رجل الأعمال الشهير طارق الدسوقى ) ( هيثم وهو خطيب ميار وفى نفس سن ميار وهو ابن أحد رجال الأعمال ووالده الصديق المقرب لى طارق الدسوقى وهذا كان الذى تمت بسببه خطوبه ميار وهيثم ) لتتدخل ياسمين غرفه ميار بااابتسامه وحماس كالعاده ( ياسمين وهى اخت ميار الأصغر تمتلك من العمر ١٨ عام وهى فى اخر عام فى الثانويه العامه وعلى الرغم من تفوقها كثيرا فى الدراسه ولكنها معظم الوقت تقضيه فى الاهتمام بالاشياء التافه ولكن فى النهايه تبهر الجميع بدرجاتها فى امتحانات المدرسين الذين يقيمون بها مدى تفوق الطلاب ..... وهى تمتلك من خفه الدم مايكفى ليفيض على الكره الارضيه بااكملها ..... فهى تشبه ميار كثيرا قبل خطوبتها !!! نعم فمذ أن تمت الخطوبه وهى أصبحت شخص كائيب يكره الحياه وكل مافيها ...... وكانها كالعصفور الذى جبرته الحياه ان يكون حابيس هذا القفص فااهى هكذا أجبرتها الحياه ان تكون محبوسه فى هذه العلاقه بالاجبار ....... رغم أنها تعلم أن هيثم شخص لطيف كثيرا بالاضافه أنه يعشقها منذ الصغر والجميع يعلم بمدى حبه لها ولكنها لا ترى فيه الشخص الذى كان فى مخيلتها ) ياسمين بحماس ..... صاحى النوم ام بوز قامت أخيرا مش عارفه بجد من غيرك كنت هانكد وازعج مين على الصبح كده واطلع قهرت الثانويه العامه فيه = بت انتى أنا مش ناقصاكى أنا عفاريت الدنيا بتتنط قدامى غورى شوفى مذاكرتك لترد عليها ياسمين باابتسامه مستفزه ...... طيب ماتجيبى عفريت منهم يجى يفهمنى الفيزياء دا انا اختك حبيبتك ..... وبعدين ايه الجديد ماانتى من وقت ماخطبتى وكل يوم تقوليلى نفس الجمله خلاص اتعودت على بوزك دا اللى على الصبح مش عارفه هلاقيها منك ولا من الكيمياء والفيزياء لتقول ميار بطفوله ...... هو أنا بقيت نكديه قوى كده = نكدبه بس دا انتى حد لا يطاق اهو انتى اللى تامر حسنى قال عليها بطلت العالم فى النكد لترد ميار بحزن ....... اعمل ايه طيب انا مش بحبه ومش عارفه احبه أنا مش فاهمه هو ازاى فيه اب يعمل كده فى بنته ويجبرها انى تخطب واحد هى مش عايزاه بس عشان هيثم ابن صاحبه وابن رجل اعمال مشهور هو أنا كيس جوافه يعنى عشان هايبيعو ويشترو فيا لتتحدث ياسمين معاها بعقلانيه ...... اولا انتى عارفه بابا كويس مستحيل يبيعنا زى ماانتى بتقولى وبعدين احنا كلنا عارفين انى هيثم بيحبك وبيموت فيكى بعيدا عن غلاسه أبوه ابو ضحكه مق*فه وأمه اللىى شبه البومه .... بس هيثم شخص لطيف وكويس ودا كفايه أنه لسه مستحمل طريقتك المق*فه معاه ودا دليل أنه بيعشقك لتزفر ميار بغضب وحزن وهى تقول ......... ماانا عارفه أنه بيحبنى وعارفه أنه شخص كويس ودا اللى مزعلنى هو مايستهلش يحصل فيه كده هو يستاهل واحده احسن منى يستاهل وحده تحبه وتقدره انا طول عمرى بحب هيثم زى اخويا وكمان هو كان صديقى الوحيد وكان اقرب ليا من نفسى وبيفهمنى من غير ما حتى اتكلم بس هو ضيع علاقه الصداقه الحلوه دى بسبب حبه ليا وانا دلوقتى مش عارفه اعتبره صديقى زى الاول ومش عارفه احبه زى ماهو بيحبنى ....وبلاقى نفسى غظب عنى بتصرف معاه بطريقه وحشه بس انا حقيقى مش عايزه اظلمه معايا .....هو بالنسبالى اخ مش اكتر والمصيبه الأكبر أنه عارف انى مش بحبه ومع ذلك لسه عايز يكمل فى العلاقه ولسه عايز يستمر فى الخطوبه المزيفه دى لترد عليها ياسمين بجديه على ع** عادتها ....... بصى ياميار انا ماقدرش اقولك انى هيثم غلطان عشان الحب الحقيقى والصادق اللى نابع من القلب عمره ما كان غلط وكمان ماقدرش اقولك أنه راجل ماعندوش شخصيه عشان عارف انك مش بتحبيه ولسه مكمل عشان دا غظب عنه هو بيحبك ومش قادره يبعد عنك رغم معاملتك الوحشه ليه ...... بس لو حد غلطان فى الموضوع يبقى انتى عشان انتى عارفه من الاول انى هيثم بيحبك وعمره ماعتبرك أخته ولا مجرد صديقه عنده ورغم انك عارفه بكده وفضلتى مكمله معاه ودا خلاه يتعلق بيكى اكتر ومش سهل عليه خالص أنه ينسى واحده بيحبها من ايام ابتدائى هو هاينسى بس فى حاله واحده لو جات واحده غيرك وقدرت تخ*ف قلبه ساعتها بس هايتخلى عنك غير كده هايفضل ماسك فيكى لانى الولد لما بيحب بجد بيكون عامل زى الطفل الصغير اللى ماسك فى أمه وخائف تمشى وتسيبه وهيثم حبك بجد لترد عليها ميار بااعجاب من طريقه تفكير اختها الصغيره ...... على الرغم انك صغيره ومفعوصه وعامله زى عقله الاصبع بس كلامك صح ..... بس انا كملت معاه عشان ماكنتش عايزه اخسر صديقى المقرب لترد عليها يااسمين بغضب ....... بقى أنا صغيره ومفعوصه على فكره أنا عندى ١٨ سنه لو مش واخده بالك ليقطع حديثهم دخول والدهم ليقول باابتسامه ..... ايه بناتى الحلوين بيعملو ايه؟؟؟!!! ممكن ادخل ؟؟ لتركض إليه ياسمين وتحضنه بااشتياق ..... بابا حبيبى انت جيت امتى من السفر ليعانقها هو الآخر بحب ابوى وهى يقول ...... لسه واصل دلوقتى حالا وعشان عارف انى فى الوقت دا اكيد بتتخانقو جيت على هنا علطول عشان اتف*ج على الخناقه بتاعت بناتى المشاغ*ين بس حظى وحش ماكنتش خناقه زى بتوع زمان لترد عليه ياسمين بحماس وحب ..... انت مش متخيل يابابا انت واحشتنا كد ايه لينظر طارق إلى ميار التى مازالت جالسه مكانها بجمود بدون أن تنتطق كلمه واحده = بس من الواضح انى واحشتك انتى بس ..... ليقول وهو يتقدم منها .....هى عروستى الحلوه زعلانه منى لدرجه انها مش عايزه تسلم عليا لتنظر له ميار بعتاب شديد وهى تقول ......... انت عارف يابابا أنا زعلانه ليه = تانى ياميار تانى هانرجع نتكلم فى الموضوع دا .... مش انتى طول عمرك بتثقى فى رأى ليه المره دى مش واثقه فى قرارى دا انا ابوكى معقوله تشكى انى ممكن اعمل حاجه ماتكونش فى مصلحتك ؟؟؟؟ لتحاول ميار إقناع والدها أن هيثم ليس الشخص الذى كانت تتمنى أن يصبح شريك حياتها = يابابا أنا مش فاهمه ليه المره دى بذات انت جابرنى على حاجه مش عايزها مع انك عمرك ماجبرتنى على حاجه مش عايزها حتى لما كانت المرحومه ماما عايشه لما كانت تجبرنى على حاجه حضرتك كنت بتقولها لا سبيها تعمل اللى هى عايزاه وماتجبرهاش .... ليه جاى فى موضوع زى دا وتجبرنى مع انى حضرتك عارف ومتأكد انى الجواز الحاجه الوحيده اللى ماينفعش تكون بالاجبار ليحدثها بمنتهى الهدوء ........ يابنتى هو أنا بجوزك تاجر م**رات دا هيثم صديقك من الطفوله وانتى اكتر واحده عارفه أنه بيحبك من زمان ودا اكتر واحد ممكن يحافظ عليكى بعدى وعمره ما هيزعلك لتفقد ميار صبرها لترد بتهجم ....... بس انا يابابا مش بيعه عشان اتجوز واحد لمجرد أنه ابن صاحبك وابن رجل اعمال حتى لو هو بيحبنى أنا مش بحبه ليتالم والدها كثيرا فور نطقها بهذه الجمله فكيف تظن ابنته أن والدها ممكن أن يبيعها ...ليرد عليها وهو فى منتهى الحزن ...... كده ياميار معقوله شايفه ابوكى وحش لدرجه عشان يبيع بنته لى اى واحد معاه فلوس معقوله دا تفكيرك فيا دا انا طول حياتى وانا بشتغل عشان اكون ليكى ولااختك ثروه تعيشكم طول حياتكم مرتاحين عشان مايجيش يوم وتعجبو بواحد عشان فلوسه على العموم أنا هاقولك كلمتين وخليهم فى دماغك أوقات يابنتى الايام بتجبرنا نعمل حاجات احنا مش عايزينها لتلمع عيونه بدموع وهو يقول ......أنا لو باايدى كنت خليتكم جنبى طول العمر وكنت مستحيل افكر انى اجوزك بس الموضوع مش بايدى كادت ميار أن تتحدث ولكنه لم يترك لها فرصه ليذهب ويتركهم خلفه فى حيره ..... لماذا هو مجبور على هذا ؟؟؟؟؟!!!! ★★★★★★★★★ لننتقل إلى مكان آخر وبالتحديد فى إحدى الاحياء الشعبيه المتوسطه فى مدينه القاهره ...... ليستيقظ هذا الشاب الوسيم كعادته كل يوم على نفس الكلمات من والداته = ياابنى قوم بقى اتحرك وروح شوفلك شغلانه بدال ماانت نايم اربعه وعشرين ساعه والساعتين اللى بتقوم فيهم بتمسك الكاميرا اللى ادهالنا ربنا عشان تخليك عاطل طول عمرك أنا مش فاهمه ايه الفايده من انك تاخد الكاميرا وتنزل الشارع تقعد تصورلى فى صور ملهاش لازمه وتقعد تلزق على الحيطه دا اللى فالح فيه حرام عليك دا حتى الحيطان بقى شكلها مق*ف ...... لا دا غير المصايب اللى بتعملها بسبب الزفته الكاميرا فاكر اخر مره صورت بنت من غير أذنها واتحبست ....... انت يعنى عايز تموتنى ناقصه عمر ياريتنى موت مع ابوك عشان تستريح انت واختك اللى لليل ونهار حاطه السماعه فى ودنها وبتضحك عليا وبتفهمنى انى هى كده بتذاكر هبله أنا ........ يانيلت بااختى فى ولادى الاتنين مش عارفه اودى واشى من الجيران فين بسببكم واحد عاطل والتانيه مقضيها اغانى ورقص كأنى اكبر طموحها انها تشتغل رقاصه فى شارع الهرم ....دى لو بت فاتحيه اللى فى الدرو الرابع جابت اكتر منها هايبقى يومها منيل بنيله ليستيقظ تلك الشاب باابتسامته الساحره ووسامته كالعاده وكأنه لم يسمع شئ من تلك الاسطوانه المتكرره كل يوم ليقول باابتسامته الساحره ...... موزتى زعلانه على الصبح ليه كده بس خليكى متعصبه كده عشان وانتى متعصبه بتكونى موزه اكتر وبعدين أنا اللىى مش عارفه اورى واشى للجيران كل لما اروح معاكى مكان الناس تفكرك اختى مش امى حرام عليكى ياست الكل خفى جمال شويه لتبتسم الام فهذه عادته فمهما كانت غاضبة يجعلها تبتسم بى خفه دمه = طيب قوم ياقدرى لغايه ما احضرلك الفطار تكون خلصت لبس عشان تنزل تتدور على شغل عشان شغل الكاميرا والافراح دا مش على مزاجى خالص انا مادخلتكش كليه عشان تقعد كده ليهز رأسه بالإيجاب ( سامر وهو شاب في أوائل الثلاثينات ٣١عام يمتلك من الجمال ما يكفى لجذب بنات العالم إليه فهو يمتلك عيون زيتونيه رائعه الجمال لامعه بشده تسحر كل الفتيات وانف حاده تجعله غايه فى الوسامه وجسد رياضى جذاب بعضلات مشدوده وقامه طويله بالاضافه الى خفه دمه وابتسامته الساحره ..... فهو خليط من ابطال السينما المشهورين وجهه يشبه احمد عز وعضلاته تشبه عضلات احمد السقا ..... وفى نفس طول امير كراره وخفه دم كريم عبد العزيز وهو يعشق التصوير عشق ليس له مثيل لدرجه انه رفض أن يشتغل محاسب فى افخم الشركات وقرر أن يعمل بموهبته وهذا بالطبع لن يرضى والداته فهى ترى عمله بتصوير شئ تافه وتعتبره أنه عاطل ) ★★★★★★ ياترا ميار ممكن تحب هيثم ولا لا ؟؟ وياترا ليه والد ميار جبرها على الجواز من هيثم ؟؟؟؟ ( انتظرو البارت القادم ) بقلم :- Enas Shenoua