ساحيا بقوه التحدى

البارت التانى 💕

( البارت الثانى )

للتدخل عليه تلك المزعجه وهى تغنى بصوت عالى

( سالى وهى الاخت الوحيده لى سامر أكثر فتاه مزعجه فى العالم وهى تمتلك من العمر ١٨ عام فى اخر سنه فى الثانويه العامه ....وهى تعشق الاغانى كثيرا وبخصوصا اغانى شرين عبد الوهاب ..... ورغم أن أسلوبها يشبه سو**ين الميكروباص ولكنها غايه فى الجمال تمتلك عيون سوداء واسعه وبشره بيضاء كالحليب وشعر اسود متوسط الطول وكثيف )

ليضع سامر يديه على أذنيه باانزعاج من تلك الصوت المزعج

= بس كفايه بقره بتغنى بذمتك ياشيخه دا صوت دا صوت

لتقول سالى بدلال ...... ياسمورتى ماتيجى تصورنى فديو بصوتى العسل دا وانا بغنى يمكن ربنا يسهل وادخل ذا ڤويس واتشهر والناس فى الشارع تشاور عليك ويقوله دا اخو سالى هما فى الاول هايستغربو لانى اكيد انت مش عسول زى بس عادى بعدين هايتقبلو الموضوع

ليرمى سامر فى وجهها المخده

= غورى ذاكرة يافشله ياأم صوت شبه صوت العرسه دا البقره صوتها احلى منك قال ذا ڤويس قال الحكام لو سمعو صوتك هايرحو ينتحرو ويموتو كافرين بسببك ..... حرام عليكى احنا مستحملينك شفقه بنقول حرام نعطف عليها لكن هما زنبهم ايه يستحملوكى

لياخذ كلام سالى محور الجد ....... سامورتى هو انت مش بتفكر تتجوز

ليضحك سامر بصوت عالى وكأنها قالت له نكته

= أنا اتجوز انتى هبله يابنتى أنا اخر واحد فى العالم كله يفكر أنه يتجوز ناقصه هى الحكايه ق*ف وجواز واصرف على واحده أنا ماعرفهاش اساسا وبعد سنه تجبلى عيل انا ماعرفوش برضو ويقولى يابابا وكل شويه تقولى روح هاتلى زبادى لى الواد وغير كل شويه فلوس تتضيع على روج وماسكرا وهدوم ومحن بنات وبعد دا كله تيجى اخر اليوم تنكد عليا وعلى اللى جاييبينى هى الحكايه ناقصه ق*ف ستات دول نكد وق*ف دا انا اروح انتحر احسن مااتجوز فى الحالتين هاموت كافر

لترفع سالى حاجبيها بغضب وهى تقول ...... بقى احنا نكد يااستاذ سامر

= انا بقول الستات استنى استنى اوعى تكونى انتى حاسبه نفسك من ضمن الستات يابنتى افهمى انتى اخرك جزمه مرميه فى البيت وريحتها معفنه كمان ومالهاش اى لازمه فى الحياه .....ويالا غورى من قدامى انتى مش عليكى درس جايه تزعجينى ليه هاتبقى انتى وامك عليا ايه البيت المزعج دا

لتنظر سالى لساعتها بفزع ايه دا معاد درس الكيمياء ودا مستر ابو لهب لو اتاخرت خمس دقايق مش هايدخلنى يالا بااى بس خلى بالك لسه الخناقه ماخلصتش هاتتجوز غظب عنك عشان أنا نفسى فى عيل كده العب بيه بدال العروسه بتاعتى اللى بايظه

كادت أن تذهب ولكن أوقفها صوت سامر وهو يسألها .... معاكى فلوس ؟؟

لتتردد سالى فى الاجابه لمده خمس ثوانى لتجيبه باابتسامه مزيفه .. .ايوه معايا ياسمورتى ماتقلقش عليا أنا معايا اللى يكفينى وزياده

ليمد لها الفلوس وهو يقول ..... خدى دول خليهم معاكى

لترد سالى سريعا ...... لالا أنا معايا خليهم معاك انت هاتحتاجهم أنا معايا

ليقول لها باامر ...... هو أنا بطلب منك ولا بااخد رايك وبقولك هتاخديهم ولا لا أنا بقولك خديهم يعنى دا أمر ياروح امك وبعدين انتى هبله أنا اخوكى الكبير لو ماكنتش هتاخدى منى هتاخدى من مين وانا عارف انك محتاجه ملخصات وملازم كتيره عشان كده شايلك فلوس الملخصات والملازم على جنب يعنى ماتقلقيش ولا تشيلى هم حاجه وانا موجود

لتلمع عيون سالى بدموع ولكنها ليس دموع الحزن بل دموع الفرح ..... لانى هذه هى عادته فهو لم ينسى اى شئ يخصها ورغم فقره ولكن لم يجعلها تحتاج إلى شئ فى يوم فهو لم يوافق أن تاخد دروسها عند اى مدرسين بلا جعلها تاخذ دروسها عن اشطر واكبر المدرسين وفى اغلى الإمكان مع اولاد رجال الأعمال لم يجعلها فى يوم تشعر أنها أقل من أبناء رجال الأعمال ليظن الجميع انها بنت أحد رجال الأعمال ....... لتحاول سالى بكل جهده تتدخل أحد الكليات القمه حتى لا تشعر بالذنب ناحيه أخيها ورغم ظن والداتها فيها انها مهمله فى مذاكرتها بسبب انها تعشق المذاكره على صوت الاغانى إلا أنها فى الحقيقه كانت تبذل كل جهدها وكانت متفوقه بشكل كبير

لتذهب سالى إلى درسها لتقابل صديقتها المقربة

لتقا**ها سالى بفرحه وحماس .... ياسمينه واحشانى مووت

لتقول يااسمين وهى ترفع حاجبيها بااستغراب ....... واحشاكى ؟؟!!! ماتبطلى سهوكا يابت انتى واحشاكى ايه دا احنا لازقين في بعض اربعه وعشرين ساعه ....ومع بعض فى كل حاجه المدرسه بنروح وبنيجى مع بعض وفى نفس الفصل وبنهرب من الحصص مع بعض وفى الدروس كلها مع بعض وياريت بنزهد من بعض لا بنروح نتكلم مع بعض على الواتس لغايه نص الليل ونقفل واتس نتكلم ماسنجر ونقفل ماسنجر نتكلم تليجرام يعنى مافيش وقت انى اوحشك ياضنايا انتى اربعه وعشرين ساعه فى واشى

= لا بس ماتنسيش أنى النهارده كان فيه اجازه من المدرسه ..... لتغمز لها وهى تقول ..... بس سيبك انتى من كل دا وتعالى اعترفى يا ياسمين انتى جايه ولابسه اللى على الحبل ومتشيكه موزه قوى كده ليه ..... لتكمل حديثها وهى تبتسم بخبث ..... ااه صح دا انا نسيت انى النهارده كيمياء وبتوع علمى رياضة هايكونو معانا أو بالتحديد استاذ اياد هايكون معانا

ليحمر وجهه ياسمين خجلا وهى تقول .... بس يازفته انتى اياد مين اللى هاتشيك علشانه انا طول عمرى شيك وموزه لوحدى وبعدين قولتلك مليون مره انا واياد مستحيل وبعدين الواد محترم وبيعاملنى زى أخته مش اكتر

= اه اه ماانا عارفه أنه بيعاملك زى أخته طبعا وبيفضل متنح فيكى الحصه كلها عشان يراقب جمال أخته وبيتخانق مع اى حد يضايقك عشان خاطر انى انتى أخته طبعا ...... ويوم معمل الكيمياء لما التجربه بتاعتك عملت اشتعال فجاه وانتى مش واخده بالك وكنتى هتتاذى كان مرعوب عليكى وخدك فى حضنه قدام المعمل كله وعيونه كانت هاتدمع من كتر خوفه عليكى طبعا عشان هو زى اخوكى وطبعا هو بعد دا كله بيعاملك زى أخته ....... دا ناقص لما يجى يتقدملك تقوليلى بيتقدملى عشان أنا زى أخته وهاتتجوزو وتجيبو عيال عشان هو بيعتبرك أخته ...... يابت اعملى الشوايا دول على حد غيرى بلاش أنا دا انا بفهمها وهى طايره

لتض*بها ياسمين على كتفها بقوه وهى تقول ...... الله يخرب بيتك جواز ايه وعيال ايه مالك كبرتى الموضوع كده ليه وبعدين وقت المعمل الكيمياء ياحيوانه هو مش حضنى هو حط أيده عشان الاشتعال مايحرقنيش ...... وبعدين هو كان جنبى بظبط وطبيعى يعنى أنه كان هيساعدنى دا مش معناه انى هو بيحبنى .... وبعدين طبيعى برضو أنه يخاف عليا ما المعمل كله خاف عليا حتى المستر كان خايف عليا هل دا معناه انى حتى المستر كمان بيحبنى ؟؟؟!!! فابطلى هبل ويالا ندخل الحصه عشان مانطردش زى المره اللى عدت وكله بسببك أنا مش عارفه ايه اللى لمنى على واحده فاشله زيك وكل شويه نتهزق عشان حضرتك بتسيبى الحصه وتقعدى تغنى وانا عشان انسانه غلبانه وضعيفه وبرئيه بضعف وبغنى معاكى وطبعا المدرسين بيسبوكى انتى ويمسكو فيا أنا

لترد عليها سالى وهى تذهب ....... طيب يالا يا ملاك امشى قبل ما يطلعلك جناحات او قبل ما ربنا يسخطك قرد بسبب كدبك دا قال غلبانه قال

تعالو بقى اعرفكم مين استاذ اياد اللى بيتكلمو عنه من الصبح ?

( اياد وهو شاب فى نفس عمر ياسمين وسالى ولكنه فى شعبه علمى رياضه لحبه الشديد في أن يدخل كليه حاسبات ومعلومات ....وهو شاب لديه جسم رياضى رائع وعيون عسليه شديه الجمال .....وشعره الاسود الكثيف والمصفف بعنايه مما يزيد من وسامته وبشرته القمحيه ...... ليظن كل من يراه أنه فى العشرينات من عمره )

لتصل كلا من ياسمين وسالى إلى مكان الدرس

ليبتسم اياد فور رويتها لينظر بااعجاب لمن خ*فت قلبه عقله وجعلته فى عالم اخر

لتخ*ف ياسمين نظره لتلك الذى ينظر إليها باابتسامته الساحره ...... كادو أن يدخلون ليوقفهم صوت يعرفونه جيدا .... نعم فهذا صوت المستر الذين يطلقون عليه اسم ابو لهب

ليقول بصوته الخشن ..... انتى يااستاذه منك ليها كام مره وقولت أنا معادى بالدقيقه لو اتاخرتى دقيقه يبقى مالكيش عندى حصه

لترد سالى باارتباك ...... يا...ا..ستاذ احنا اسفين على التاخير بس احنا بيتنا مش جنب مكان الدرس هو بعيد عنه خالص وبناخد وقت لغايه مانوصل والدنيا زحمه زى ماحضرتك شايف والمواصلات حاجه صعبه

ليرد المستر بعصبيته المعتادة ...... طيب انتى اتاخرتى عشان الموصلات والهانم اللى العربيه بتجيبها لغايه هنا ولا بتركب موصلات ولا حاجه ايه بقى اللى آخرها ولا ماكنتش فاضيه معلش يعنى لو ازعجنا حضرتك وخلانكى تقومى من النوم

لتقف ياسمين صامته لا تعلم ماذا تقول كما أنها تعلم أنها مهما قالت يستحيل أن يصدقها

ليرد اخيرا المنقذ لها ومن غيره فهو اياد منقذها الوحيد .... يااستاذ معلش لو هدخل فى الموضوع بس هو حقيقى الطريق النهارده كانت واقفه خالص حضرتك أنا مش جاى موصلات برضو وجاى فى عربيه مخصوصه وجيت بالعافيه احنا اصلا كنا طالعين بدرى جدا عشان نروح مكان تانى بس الدنيا كانت زحمه يدوب قدرنا نيجى على المعاد ولو حضرتك مش مصدقنى قدامك الشباب اهم اسالهم

ليتفقو جميعا معا على كلام اياد فهم جميعا يعلمون أن اذا فكر أحدهما أن يقول شئ اخر غير هذا الكلام سايتلقى أشد العقاب من اياد فاالكل يعلم بمدى حبه لى ياسمين وليس اى حب فهو العشق بنفسه

ليقتنع المستر بكلام اياد ويوافق أن يدخلون الحصه

لتنظر ياسمين باامتنان لى اياد ليبتسم لها اياد بحب وعشق ..... لتلاحظ هذا سالى لتض*ب ياسمين بخفه وهى تهمس لها بصوت منخفض ..... يارب اوعدنى بحد يدافع عنى زى اياد كده

لتبتسم ياسمين بخجل ..... فاجمل شئ على الطلاق أن يكون لك منقذ فى هذه الحياه ينقذك من المواقف الصعبه ومن أخطر المشاكل

ورغم صغر سن اياد الا انه قادر أن يخرجها من كل المواقف الصعبه التى تمر بها لتطمئن كلما رأته فهى تعلم أنه لا يسمح لشئ أن ياذيها فاهى حبيبته وجميلته

لتنتهى الحصه بسلام لتخرج كلا من ياسمين وسالى ليقف اياد يراقبهم حتى ذهبت بعربيتها

لياتيه صوت من الخلف ..... ايه ياعم لدرجه دى بتحبها دا انت مش بتشيل عيونك من عليها

ليجيبه اياد بعشق ..... بحبها ايه ياعم هشام دا انا بعشقها عشق ياااه لو كنت فى كليه كان زمانى دلوقتى خاطبها امتى بقى واخلص السنه دى وادخل الكليه اللىى عايزها واروح لى باباها اقوله أنا مش هامشى غير لما اخد بنتك اللى خدت قلبى دى معايا

تعالو بقى اعرفكم مين هشام دا

هشام وهو صديق اياد المقرب وهو ايضا فى علمى رياضه ....وهو شخص يرى أن البنات مخلوقين لتسالى فقط ومن وجهه نظره أن الحب شئ تافه ولا يستمر

ليقول هشام بااستهتار ...... حب ايه وعشق ايه دا كله كلام فاضى يابابا كلمه بحبك دى بنقولها للبنات عشان نضحك عليهم بيها ونسلى وقتنا شويه لكن نحبهم حقيقى لا دا كله كلام تافه عشان هى سنه بس وهاتخليك تكره حياتك ....البنت بتكون رقيقه لطيفه فى الاول واول لما ترتبط بيها بتقلب جعفر علطول وتنكد عليك لليل ونهار لغايه ماتكره وتنتحر امال هما بيقوله اكبر نسبه انتحار بتكون فى الرجاله ليه ما عشان نكد الستات دول ابطال العالم فى النكد ..... فااحنا نكلمهم ونعيش حياتنا ونخرج ونتفسح واول لما تبدأ رحله النكد بتاعتها انتى من طريق وانا من طريق وطبعا البلوك اهم حاجه عشان ماتتدخلش كل شويه تقولك هو أنا مش واحشاك وكلام المحن دا بتاع البنات

★★★★★★★★★

من رايكم ياسمين بتحب اياد فعلا ولا هو مجرد اعجاب مش اكتر ؟؟؟؟

وياترا حبهم ممكن يستمر ولا هى فتره وهاتنتهى ؟؟

وياترا هشام ممكن يغير نظرته فى البنات ولا لا ؟؟؟