البارت السابع 💕

1793 Words

لتجلس ميار وسامر يحاول أن يشرح لها لينفجر سامر فجاه فى الضحك لتندهش ميار .....انتى بتضحك على ايه ؟؟؟ ليقول من وسط ضحكاته ...... اصلى أنا حاسس انى بدى درس لوحده فى أوله ابتدائى لتقول ميار بطفوله ..... بقى كده وانا اللى كنت فاكراك جدع وهتساعدنى جاى عشان تتضحك عليا طيب يعنى اعمل ايه انا واحده مالهاش فى الشغل دا انا أخرى اقعد ارسملى كام صوره ليقول سامر بااعجاب ..... ايه دا بجد انتى بتعرفى ترسمى لتتغير ملامحها فجاه عندما تذكرت الصوره التى رسمتها له لتسرح فى تفاصيل وجهه لدقائق لتفيق على صوته وهو يناديها ...... ايه يابنتى مالك روحتى منى فين على العموم يالا نخلص الشغل دا عشان نشوف حوار الرسم دا لتستعيد ميار تركيزها مره اخرى ..... ايه دا ايوه صح الشغل دا الورق كله لازم يخلص النهارده شوفت اهو انت اللى معطلنا وبعد حوالى ساعتين ينتهون من جميع الأوراق لتقول له ميار باامتنان ...... شكرا خالص خالص أنا مش عارفه اشكرك ازاي بجد انت لو ماكنتش موجود أنا ممكن كنت اقعد ابكى وماكنتش هاعرف اعمل حاجه = لو عايزه تشكرينى بجد توافقى انى نبقى أصحاب ليدق قلبها وكأنه طلب منها الجواز لينظر سامر فى عينيها ليتاملهم بحب وحنان لتشعر ميار بخجل لم تشعر به من قبل لتحاول أن تهرب من الموقف ......احمممم صح ماقولتليش لم انت متخرج من كليه تجاره امال بتشتغل مصور ليه ولا انت بتشتغل الاتنين = بصى ياستى أنا مش بحب الشغل فى الشركات والكلام دا بحس أنه بيضيع العمر على الفاضى الواحد يفضل طول عمره يضيع حياته فى لبس البدله والقاعده على المكتب بالساعات ويسب كل حاجه حلوه فى الحياه تستاهل أنها تتعاش ودا كله عشان الفلوس لكن أنا كده حاسس انى حر طليق بعمل اللى أنا عايزه ومش بعدى اى لاحظات حلوه فى حياتى وبصور كل حاجه حلوه بشوفها لتساله ميار بتعجب ..... امال جاى تقدم على وظيفه ليه مدام انت مش بتحب شغل الشركات ؟؟!!! = مجرد انى برضى امى مش اكتر وكمان لانى قررت انى مش هاعمل الفوتوسيشن وماينفعش طبعا انى اقعد كده من غير شغل لانى انا عندى اخت فى ثانويه عامه وابويا متوفى فاانا اللى بصرف على البيت وانا المسؤول عن اختى وامى لتساله ميار بتردد..... ه...و...هو أنا ممكن اعرف انت رفضت تعمل الفوتوسيشن ليه ؟؟ ليحاول أن يهرب من السؤال فماذا يقول لها ؟؟ هل يعقل أن يقول لها أنه يغار عليها من خطيبها الذى سايصبح زوجها قريبا ليجيبها سامر على سوالها بسوال اخر ..... انتى بتحبيه ؟؟ لتساله ميار بااستغراب ..... هو مين ؟؟؟!!! = اللى انتى هاتتجوزيه لتجاوبه باارتباك وترددد ..... هيثم شخص كويس مش زى رجال الأعمال المغرورين وكمان هو صديق عمرى ومع بعض من الطفوله وهو بيحبنى جدا ليسال سامر سواله مره اخر بت**يم اكبر ..... ميار أنا بسالك انتى بتحبيه أنا مش عايز اعرف هو كويس ولا لا ولا عايز اعرف هو بالنسبالك ايه انا عايزه اعرف انتى بتحبيه ولا لا = انا مش فاهمه انت ليه بتسال السوال دا هيثم خطيبى وشهر وهانتجوز سؤالك غريب ليجيبها بوضوح .......عشان مش شايف فى. عيونك لهفت الحب ولا عيونك بتلمع لم تيجى سيرته بلا بالع** بحس انك بتهربى ومش عايزه تتكلمى عنه لتلمع عيونها بالدموع وهى تقول .....هيثم مش وحش أنا اللى وحشه عشان مش عارفه احبه أنا هاتجوز بس عشان ارضى بابا بس من جوايا أنا مش راضيه على اللى أنا بعمله لانى هيثم معايا من الطفوله لو هاحبه كنت حبيته من زمان ....فاهم انت لم تكون حاطط حد فى خانه الإخوات أنا بالنسبالى هيثم اخويا فعلا مش زى اخويا وانا مش قادره اشوفه غير كده انا طول عمرى شايفاه اخوى ولغايه دلوقتى مش قادره أتقبل فكره أنه بقى خطيبى وهانتجوز قريب احنا كااصحاب خايلين جدا على بعض لكن كااتنين مرتبطين وفيه بنهم حاجه لا خالص مش خايل علينا الدور دا أما سامر فاكاد أن يقفذ قلبه من السعاده عندما سمع منها هذا الكلام لتتغير كل نظرته فى الحياه فى لاحظه واحده ليعود له الامل مره اخرى فهو لم يستطيع اخفاء سعادته فاابتسامته كانت واضحه فى عينه . لترفع ميار حاجبيها وتسأله بااستغراب ..... هو انت ليه مبسوط قوى كده انا بقولك على اكتر حاجه تعبانى وانت قاعد تتضحك ليحاول سامر أن يبرر لها موقفه ...... لالا خالص أنا مش قصدى واللهى بس انتى من طريقتك بحس انك طفله قوى دا اللى بيضحكنى ..... لينظر الى وجهها الملاكى وهو يقول بتأمل .... انتى حلوه قوى ياميار اللى يبص فى عيونك يحس نفسه أنه فى الجنه = نعم !!!! وااه صح انت مش جاى عشان الانترڤيو اتفضل عشان اعمل معاك الانترڤيو لينظر سامر حوله بااستغراب ...... نعم هو مين اللى. هايعملى الانترفيو ؟؟!!! لتجيبه بتأكيد ..... انا اكيد هو فيه حد غيرى ليجيبها بااستهتار ..... ياعم دا انتى محتاجه ترجعى لى اولى ابتدائى عشان تتعلمى من اول وجديد وبعدين خلاص أنا مش عايز اشتغل أنا عرفت ربنا جابنى هنا ليه النهارده وبالمناسبة أنا اللى هاعمل الفوتوسيشن وجهزى نفسك ياعروسه بااى ليتركها فى حيرتها من تصرفاته وقراراته المتغيره = هو ايه الواد المجنون دا ياربى يعنى أنا مجنونه وكل الناس اللى بتتدخل فى حياتى مجانين اكتر ...نفسى أقابل حد عاقل فى حياتى بالصدفه بس دا عشم ابليس فى الجنه ★★★★★★★★ واما عند ياسمين فقط اتات من المدرسه والان تستعد بحماس لذهاب إلى درس الفيزياء لتقف أمام المرايا لدقائق وهى تحدث نفسها .....معقوله ياياسمين تكونى بتحبيه مش فاهمه هو ياترا دا الحب اللى بجد اللى بيقوله عليه ولا دا مجرد اعجاب مش معقوله يكون مجرد اعجاب دا انا لو اتاخر دقيقه عن الحصه ببقى هاموت مش فاهمه ليه بحس انى روحى بترجعلى اول لما اشوفه كانى هو بقى كل امنياتي فى الحياه ....أنا مش عارفه هو اللى أنا فيه دا صح ولا لا أنا سايبه مذاكرتى وسايبه كل حاجه فى حياتى وطول الوقت بفكر فيه انا خايفه مستقبلى يضيع بسبب الحب والكلام دا بس اعمل ايه مش بايدى بلاقى نفسى طول الوقت بفكر فيه كل مااجى افتح الكتاب افتكره وافتكر نظراته ليا وافتكر دفاعه عنى فى كل موقف صعب عديت بيه لدرجه انه بقى حاجه اساسيه فى يوم ماقدرش استغنى عنها أنا مش عارفه لو دخلنا كل واحد كليه ماقدر اعيش من غير مااشوفه كل يوم ازاى لتفيق من شرودها على صوت رنين الهاتف = نعم يااستاذه مزعجه لتجيبها سالى .... اخلصى يابومه وانجزى معاد الدرس هايفوتنا انا قربت اوصل خمس دقايق وتكونى هنا مفهوم = مفهوم يالا غورى فى داهيه وبعد قليل من الوقت تصل ياسمين إلى مكان الدرس .... لتقا**ها سالى بالض*ب وهى تقول يابنتى حرام عليكى مابتعرفيش تيجى فى معاكم ابدا لازم كل مره تخلينا نتهزق بسببك لا وكمان جايه حلوه قوى يااختى الواد هايموت عليكى من غير حاجه حرام عليكى ارحميه شويه هو مش قد الجمال دا كله = طيب يالا ياأم ل**ن طويل لتقول سالى ...... يالا يااختى ماانتى ضامنه انك لو اطردتى هتلاقى حد يدافع عنك الدور والباقى عليا أنا غلبانه مين هيدافع عنى معنديش فى حياتى حد زى اياد عشان يدافع عنى لتغمز لها ياسمين وهى تقول...... ابقى خلى هشام يدافع عنك هو فاكره انى مش واخده بالى من نظرات الإعجاب اللى فى عيونك ليه لتجيبها سالى بحزن ..... رغم انى معجبه بيه بس حتى لو جاء قالى بحبك مش هوافق طبعا لانى عارفه ومتاكده أنه بتاع بنات وعارفه أنه مابيعرفش يحب بجد بس مش عارفه اعمل ايه فجاه بلاقى نفسى غظب عنى مركزه عليه بلاقى نفسى ينجذب ليه كل يوم اكتر من اليوم اللى قبله رغم انى عارفه أنه مستحيل يحبنى لانه مابيعرفش يحب وانا مستحيل اقبل بى حد يلعب بيا وبيتسلى بمشاعرى لتتدخل كلا من سالى وياسمين كالعاده متأخرين ولكن هذه المره لم تحدث مشاكل ليض*ب هشام اياد بخفه وهو يقول ...... الحق العروسه بتاعتك وصلت بسلامه الحمدلله المره دى مش هاتتجبر انك تقوم تتدافع عنها وتنقع المستر يدخلها الحصه كالعاده ليبتسم اياد وهو يقول بعشق .....ومين قالك يامتخلف انى مجبور انى ادافع عنها أنا بدافع عنها بمزاجى ولو طلبت روحى ماتغلاش عليها = ياسيدى ياسيدى على العشق ايه ياعم الحب دا كله شكلك بقيت شاعر وانا ماعرفش ..... خلاص انت هاتعلق ياسمين وانا اعلق صاحبتها سالى ليعضب اياد على هشام ....... اولا ماسمهاش اعلق ياسمين هى مش لعبه عشان تتعلق دى ست البنات وتاج فوق راسى وتانى حاجه إياك تفكر تستخدم اساليبك الزباله دى مع سالى هى مش زى البنات اللى انت تعرفهم دى اول واخر مره اسمعك تتكلم على ياسمين أو سالى بالطريقه الزباله دى وانا بحذرك ياهشام سالى لا ياهشام سالى لا = ايه ياعم مالك بتتدافع عنها ليه كده هى من بقيه اهلك انت مش بتحب ياسمين مالك ومال سالى بقى ولا انت حابب تتسلى عشان لو مافيش ياسمين تبقى فيه سالى لينفذ صبر اياد ليكاد أن ينفجر من الغضب وهو يقول ...... انت ايه مش بتفهم خالص هو كل حاجه عندك بقت كده ماله تفكيرك بقى حاجه مق*فه ليه انا بحب ياسمين ولا مافيش ياسمين يبقى مافيش حد تانى ولا سالى ولا مليون غيرها بس انا بقولك بلاش سالى لانى سالى واحده محترمه وبنت ناس مش زى الزباله اللى انت تعرفهم وبعدين البنت باين عليها انها معجبه بيك فبلاش تلعب بمشاعرها دى لو اختك مش هتوافق أنها يتعمل فيها كده ....خليك فى البنات الشمال اللى انت بتكلمهم هما تفكيرهم زى تفكيرك المتخلف وابعد عن بنات الناس المحترمه ليشعر هشام أنه غلط فى حق سالى نعم فهى لم تستحق منه أن يفعل بها هكذا .....ليقول بااسف... أنا اسف ياصحبى انت معاك حق ليتقبل اياد اسفه لتبقى ياسمين طوال الحصه وهى تتأمل فى اياد وهذا كان سبب سعاده وازعاج اياد فى نفس الوقت فاهو كان سعيدا بسبب اهتمام ياسمين دليل على حبها له ....وكان مزعج بالنسبه له لأن بدأت أن تهمل دروسها ولا تنتبه للشرح المستر وهذا بالطبع سايواثر على مستقبلها وهذا لن يرضى اياد فهو يريد أن يراها انجح واحده فى العالم بااكمله ليخرج الجميع وبما فيهم المستر وكادت أن تذهب سالى وياسمين ولكن اوقفتها يد اياد ......ليستاذن اياد من سالى بلطف وهو يقول = معلش ياسالى عايز اقول لى ياسمين كلمه ماتخافيش هى كلمه واحده وهاتتطلع مش هتتاخر ليقع قلب ياسمين من شده القلق والارتباك لتقول بتلعثم ...... لا ...ا...ن..ا..عايزه امشى دلوقتى حالا ليقول لها وهو ينظر فى عينيها لكى تتطمئن .....ماتخافيش يا ياسمين ليطمئن قلب ياسمين قليلا ولكنها مازالت تشعر بالقلق والخجل لتتردد سالى فى بدايه الامر فكيف تترك صديقتها مع شاب غريب لوحدهم ولكنها هى تعلم من هو اياد جيدا وتعلم أنه يعشق ياسمين ويخاف عليها أكثر من اى حد لتطمئن قليلا وتذهب لكن فصولها كاد أن يقتلها لتعرف بماذا يتحدث اياد مع ياسمين ليبتسم اياد عندما رأى ياسمين تفرك باايدها بقلق وتوتر .....ليمسك ياديها وهو يقول ...ياهبله انتى معقوله خايفه منى أنا يا ياسمين يابت دا انا بخاف عليكى من الهوا معقوله هاذيكى يعنى كادت ياسمين أن تحترق من شده الخجل لتقول باارتباك .... انت بتقول ايه انا مش فاهمه حاجه ليغمز لها اياد وهو يقول باابتسامه ..... يابت مش عليا أنا الكلام دا عيب عليكى احنا مش هانحور على بعض يعنى انتى فاهمه وانا فاهم بس انا مش حابب نتكلم فى المواضيع دى دلوقتى لانى مش وقته أنا عايزك فى موضوع تانى أهم بكتير بس عايزك تركزى كويس فى كلامى ★★★★★★★ ياترا ايه سامر فجاه وحده غير رأيه وقرر يعمل الفوتوسيشن ؟؟ وياترا هو بيفكر فى ايه ؟؟؟ وياترا هشام ممكن يغير نظرته فى البنات ويحب سالى بجد ولا لا ؟؟؟ وياترا ايه الموضوع المهم اللى اياد عايز ياسمين فيه ؟؟؟

Free reading for new users

Scan code to download app

App Store Google Play

Facebookexpand_more