ساحيا بقوه التحدى

البارت السادس 💕

( البارت السادس )

كادت ياسمين أن تقع بل**نها فى الحديث وتخبرها أن اليوم سايكون علمى علوم فقط وليس مشترك فلا داعى للذهاب فهى تذهب المدرسه فقط لكى ترى اياد .....ولكن مسكت ل**نها فى اللحظه الاخيره

لتحاول ياسمين أن تهرب من السوال بطريقه لطيفه لتقول ..... ياستى انتى ماسمعتيش عن الهرمونات قبل كده ولا ايه هى شويه هرمونات ساعه تروح وساعه تيجى ......وبعدين أنا مش حابه اروح النهارده عشان عندنا احياء وانا بكره المستر قوى أنا بفكر اقعد اذاكر لغايه مايجى معاد الدرس واروح الدرس وخلاص

= شكله كده الشبشب واحشك يا ياسمين وعايزه تتض*بى غورى يابت البسى روحى المدرسه بلا هرمونات بلا محن بنات قال عايزه تقعد فى البيت تذاكر قال ..... عليا أنا الكلام دا برضو عيب عليكى دا انا حافظاكى خمس دقايق لو مالبستيش هاجى اجيبك من شعرك

لتذهب ياسمين وهى تزفر وتحدث نفسها بصوت منخفض

= ياشيخه دا ابو لهب رحمه عنك لتتذكر فجاه أن ميار ستذهب إلى المكتب بدلا من والدها لتقول بحماس .... احسن حل انى أنا استنى لغايه ماتمشى وأكمل نوم براحتى

لترد عليها ميار ...... انا سمعاكى ياجزمه ومش هامشى غير لما تمشى على المدرسه يالا غورى البسى بدال ماااجيلك

ياسمين بغضب :- هو الفقرى فقرى ادينى ماشيه يااختى هو يوم باين من أوله والنعمه هاروح اقتلكم مستر الاحياء واجبلكم مصيبه عشان محدش يجبرنى اروح المدرسه تانى

★★★★★★★★★

واما سامر فكان مازال مستيقظا فاهو طوال الليل لم يغمض له جفن كان يجلس الليل بطوله وهو يتأمل فى صوره تلك الفتاه التى خ*فت قلبه

ليرتدى ثياب رسميه لم يعتاد عليها من قبل ويأخذ كاميرته ويذهب لكى يقدم طلب على وظيفه فى أحد الشركات ....فهو قرر اخيرا أن يسمع كلام والداته وان يبحث عن شغل اخر ....ويعتذر عن الفوتوسيشن فهو لم يستطيع تحمل أن يأخذ لها صور مع شخص آخر

********************

وفى نفس التوقيت ذهبت ميار من المنزل لكى تذهب إلى شركه لااول مره فااخر شئ كانت تريده أن تعمل فى شركه ولكن ها هى مجبره على ذلك

لتقود سيارتها وهى تفكر فى تلك الشاب الوسيم الذى يدعى سامر .

لتتفاحا بسياره تظهر أمامها فجاه لتنصدم سيارتها بتلك السياره التى ظهرت فجاه فى منتصف الطريق

لتنزل ميار من سيارتها وهى فى قمه غضبها

وينزل أيضا الرجل الذى يقود السياره الأخرى استعدادا للمعركه ....ليقول بااستهتار .... كنت متاكد انى اللى بتسوق العربيه دى وحده ست ماهو كل المصايب بتيجى من الستات ....اكيد كانت قاعده تحط روج فى العربيه ومش واخده بالها من الطريق أو كانت بتكلم حبيب القلب أنا عايز افهم دلوقتى لم انتو مالكمش فى السواقه بتركبو عربيات ليه مش عارف حاشرين نفسكم فى شغلنا ليه مش كفايه مزهدينا فى البيت لا وكمان فى الشارع وفى الشغل هانخلص منكم امتى عشان نرتاح ونعرف نعيش فى سعاده

لينفذ صبر ميار لتقول وهى فى قمه غضبها ....... وانتو اصلا هاتعرفو تعيشو من غيرنا اصلا انتو ماتسوش حاجه من غيرنا وبخصوصا انت ماتسويش قرش وبعدين انت اللى واحد متخلف فيه حد عاقل يجى يعدى بعربيته فجاه من قدام العربيات وفى نص الطريق لا وكمان نازل وليك عين تتكلم انت واحد قليل ذوق ومش محترم وبعدين مين قالك انى ماكنتش واخده بالى من الطريق لا أنا واخده بالى من الطريق كويس قوى بس انت اللى طالع عامل زى ا****ر

لتقف السياره التى بها سامر فى منتصف الطريق ليقول سامر للسائق بتساول ..... فيه ايه يااسطا وقفت ليه

= تقريبا كده فيه بنت بنتخانق مع سواق قدام وهى اللى مواقفه الطريق كده

ليبتسم سامر لمجرد الفكره أن فتاه لديها كل هذه الجراءه لتتخانق مع سائق على الطريق العام

لينزل سامر من السياره ويجهز كاميرته ليصور هذا الحدث التاريخى

ليقف سامر مصدومة وهو يرى ان الفتاه التى وقفت الطريق بااكمله هى نفسها تلك الفتاه المجرمه التى سرقت قلبه منه بعيونها القاتله

ليتتدخل سامر على الفور لكى يفض هذا الاشتباك الحادث ...

= ايه يااسطا مالك مش عيب انك تقف تتخانق مع بنت فى نص الطريق كده عيب عليك كده وبعدين انت اللى غلطان برضو وعلى العموم حصل خير العربيات ماحصلهاش حاجه وانتو بخير فخلاص نفض الخناقه بقى وكل واحد على شغله

أما ميار فكانت فى عالم اخر من شده الصدمه لتسأل نفسها بدهشه ....من أين أتى هذا ؟؟؟ لتفكر فى بدايه الامر أن هذا كله خيال ولكن يبدو أن الأمر حقيقه

لتفيق على صوت سامر وهو يقول لها بااحترام ..... اتفضلى يااستاذه اركبى عربيتك

لتفيق من صدمتها وتتدرك أن الأمر واقع ....لتحدثه بعصيبه مفرطه

= انت مين اصلا عشان تقولى اتفضلى ولا ماتتفضاليش وبعدين احنا لسه بنتخانق وانا عايزه اورى للحمار دا قيمته انت ازاى تفض الخناقه وتخلى الراجل يمشى من غير ماتاخد اذنى

ليبتسم سامره ابتسامته الساحره وهو يقول بصوت منخفض نسبيا ...... وانا اللى كنت فاكر أنى مافيش بنت حلوه ول**نها طويل غير سالى اختى ادينى لقيت حد ل**نه اطول من ل**ن سالى لا وايه رغم طولت ل**نها بس قمر ماقدرش أنكر

لتقطع شروده ميار وهى تقول بعدم فهم ..... نعم حضرتك بتقول حاجه

= لا أنا بقول لحضرتك انك تمضيلى ورقه عشان اقدر افض الخناقه ولا مايكونش حضرتك لسه ماطلعتيش الغيظ اللى جواكى من الراجل حرام عليكى دا الراجل بقى شبه الخنزير من كتر الدبش اللى قولتهوله دا انتى بتتطلعى حجاره من بوقكك مش كلام

كادت أن تبتسم ميار ولكن حاولت قدر الإمكان أن تكتم ضحكاتها لتحاول أن تستجمع قوتها وهى تقول ..... طيب اوعى انت التانى من قدامى ولا حابب تكون انت كمان شبه الخنزير

ليميل عليها وهو يهمس فى أذنيها ويقول ..... ماتحاوليش تانى مره انك تخفى ابتسامتك لانى هى باينه قوى فى عيونك اللىى بتلمع دى

كادت أن توبخه على جرائته معها بهذه الطريقه ولكنه تركها وذهب

لتذهب هى أيضا إلى الشركه

ليتفاجاء الجميع بوجود ميار فى الشركه فاجميع يعلم مده كرها لشغل الشركات .....لتتدخل وكأنه مكان غريب بالنسبه لها رغم أنها شركه والدها

ليقا**ها الجميع بالترحاب

ليمر ساعه فقط لتشعر ميار بااختناق فاهى لم تفهم شئ فى هذا الشغل المعقد لتشعر بالارتباك .... لتقرر أن تتحدث مع هيثم فلا يوجد حل اخر سوء هذا

هيثم :- صباح الخير القمر بتاعى عامل ايه ؟؟

لترد ميار وهى على وشك البكاء ....... هيثم الحقنى أنا مش فاهمه حاجه فى الشغل دا كله حسابات وق*ف وانا مش فاهمه اى حاجه خالص والدنيا بايظه وفيه ورق مهم لازم يخلص النهارده وبابا هو اللى كان بيعمله بنفسه وبابا تعبان وانا اللى لازم اعمله بس انت عارفنى أنا مش بفهم فى شغل الحاسبات دا خالص وهاتشل مش فاهمه اعمل ايه

ليرد عليها بااسف ........ بس انا ياحبيبتى النهارده يومى مليان وعندى اجتماع مهم جدا ماينفعش انى أجله دى صفقه مهمه جدا حاولى انك تخلى حد من الموظفين يفهمك اى حاجه وانا هحاول انى اخلص اجتماعى بدرى واجيلك

لتقول ميار بحزن ......... مااشى لتغلق الخط وهى تزفر ..... اف انا اعمل ايه انا دلوقتى لا وكل واحد فى الشركه يجى يحطلى شويه ملفات ويمشى وكله حسابات هما فاكرين مين يعنى دا انا واحد زاد اتنين بجمعهم باالاله حاسبه

لتتدخل السكرتيره لتقول لها ....... استاذه ميار فيه واحد برا جاى يعمل انترڤيو عشان الوظيفه

لتقول ميار بتساول ......طيب هو مش المفروض أن يكون فيه حد فى الشركه هو اللى بيعمل انترڤيو للناس اللى جايه تقدم على وظيفه

= لا يافندم طارق باشا هو اللى كان بيعمل الانترڤيو بنفسه

لتقول ميار بحيره ...... طيب وانا اعمل ايه ولا ايه يعنى يا بابا انت لازم تكون دبلوماسى فى كل حاجه وكل حاجه هنا كنت بتعملها بنفسك مش فاهمه ايه فايده الموظفين اللى هنا .... لتوجه كلامه لسكرتيره .... داخليه ياابنتى لما نشوف اخرتها هو يوم باين من أوله شكله كده هايبقى اول وآخر يوم ليا فى الشركه

لتاذن له السكرتيره بالدخول

ليقفو هما الاثنان أمام بعض وهما منصدمين لم يعرفو ماذا يتحدثون

ليقطع هذا ال**ت صوت ميار الغاضب وهى تقول ...... ايه دا انت بترقبنى ولا ايه كل مااروح مكان تيجى ورايا هو فيه ايه بظبط

ليرد عليها سامر بنفس عصبيتها ...... انتى متخلفه يابت انتى أنا اعرفك منين عشان اراقبك انتى فاكره نفسك مين يعنى فاكره انى العالم كله بيراقبك الناس كلها سايبه كل مشاغلها وبيشوفه استاذه ميار راحت فين واستاذه ميار جات منين

لتوقفه ميار عند هذه الجمله ..... استنى استنى انت عرفت أسمى منين انشاء الله ؟؟؟؟!!!!

ليجييبها بدبلوماسية ....... انتى نسيتى انى أنا اللى هاعملكم الفوتوسيشن أو اللى كنت هاعملكم الفوتوسيشن وبعدين ما خطيبك قال اسمك قدامى مليون مره ليقول هذه الجمله والحزن واضح فى عينه

لتتغير فجاه نبره ميار وتصبح أكثر هدوء

= ليه بتقول كنت هو انت غيرت رايك مش هاتعملنا الفوتوسيشن ...... حصلت حاجه بينك وبين حمزه زعلك فى حاجه

ليقتله الفضول فيسالها ......وانتى مهتميه تعرفى ليه مايكونش انتى حابه انى أنا اللى اعملكم الفوتوسيشن ولا انتى بتسالى من باب الفضول اكيد بتسالى من باب الفضول لانى فيه مليون واحد يتنمنى انى هو اللى يصور الفرح التاريخى دا

لترتبك ميار كثيرا ولكن بداخلها تمنت أن تقول له أن يبقى فهى تريد أن تراه دائما ولا تعرف لماذا وكأنها تعرف منذ الصغر

وقبل أن تتحدث اى كلمه تتدخل السكرتيره وتقطع حديثهم وهى تتضع ملف على المكتب وتقول ......استاذه ميار الملف دا مهم جدا ولازم يخلص النهارده ضرورى طارق بااشا بدأ فيه وكان هايخلصه النهارده

كادت أن تبكى ميار وهى تقول .......حرام ايه دا كله أنا مش فاهمه حاجه طيب اعمل ايه اخلص دا كله ازاى كان يوم اسود يوم ماقولت لى بابا أنا هانزل الشغل مكانه

ليبتسم سامر على طفولتها ليقول وهو يحاول أن يهديها ...... طيب أهدى طيب الحكايه مش مستاهله كله دا اقعدى بس واستريحى وانا هساعدك ماتقلقيش كل حاجه هاتخلص

لتلمع عيونها بالأمل

= ايه دا بجد انت هاتعرف تساعدنى واخيرا لقيت حد يساعدنى بس انت هاتفهم فى الشغل دا

ليقول بثقه ...... باين عليه شغل محسابات وانا متخرج من كليه تجاره والحسابات دى ملعبى

★★★★★★★★

من رايكم سامر هايعمل الفوتوسيشن ولا لا ؟؟

وياترا ميار فى النهايه هتختار مين هيثم صديق عمرها ولا سامر اللى لسه متعرفه عليه ؟؟؟

وياترا فعلا سامر هايقدر يساعد ميار فى شغلها ولا لا ؟؟؟؟

وياترا سامر هايقبل فى الوظيفه ولا لا ؟؟