البارت الخامس 💕

1738 Words

لياتى المساء سريعا لتجلس ميار وهى تفكر فى هذا الشاب لتوبخ نفسها على تفكيرها المستمر فيه = ايه الهبل دا ياميار انتى مخطوبه لى واحد حتى لو مش بتحبيه بس تفكرى فى واحد تانى وانتى مخطوبه وعلى وشك الجواز دى خيانه وانا مش خاينه .....لتقررر أن تهرب من تفكيرها المستمر فيه بالرسم لتأخذ ادوات الرسم وتجلس ترسم بدون أن يكون فى مخايلاتها شئ ترسمه لتترك يديها ترسم لوحدها وبعد وقت ليس بقليل انتهت اخيرا من الرسمه لتنظر لها وملامح الذهول على وجهها فهذا نفسه سامر الذى شغل تفكيرها من اول لقاء لتنظر للرسمه وعيونها تلمع بدموع ...... فهى لم ترسم رسمه بالجمال هذا من قبل فقد شعرت أن الرسمه سوف تتحدث من شده الجمال ....لتنزل دموعها فى **ت وهى تقول ....هو ايه اللى بيحصل دا انا مش فاهمه حاجه ليه بيحصل فيا كده ومين دا اللى ظهر فى حياتى فجاه وخلانى افكر فيه طول الوقت ..... لتبكى بقوه وهى تناجى الله وتقول ..... يارب هو أنا ليه موجوعه قوى كده ليه حاسه انى قلبى بيتقطع انا تعبت بجد ياربى فهمنى ايه اللى بيحصل فى حياتى أنا مقدرش استحمل انى اظلم حد وبخصوصا لو الحد دا هو هيثم صديق عمرى مش كفايه انى مش بحبه لا وكمان بفكر فى حد غيره وانا لابسه الدبله بتاعته ليقاطعها صوت والدها وهو يتألم من شده الوجع لتمسح دموعها سريعا وتركض لترى ماذا أصاب والدها .....لتصل هى وياسمين فى نفس اللحظه الى غرفه والدهم ...ليقفو مصدومين وهما يشاهدون والدهم جالس على الأرض يبكى من شده الالم ليركضو إليه برعب ميار بقلق ..... بابا مالك فيه ايه وايه اللى حصل معاك قوم معايا حالا احنا لازم نروح المستشفى لازم الدكتور يشوفك دلوقتى حالا ليرفض طارق ويطلب منها بكلام متقطع من شده الالم أن تحضر له الدواء من أحد الإدراج لتقول ياسمين بتسال والدموع بين عينيها .....دواء ايه دا يابابا من امتى وانت بتاخد علاج وليه ماقولتش قبل كده انك بتاخد علاج معنى كده انى دى مش اول مره تحصل معاك لتقول ميار وهى تبكى على حاله والدها ....... نتكلم بعدين ياياسمين دلوقتى هاتى العلاج بسرعه بابا تعبان جامد ومش قادر أنه يتكلم لتركض ياسمين وتحضر الدواء سريعا لياخذ طارق الدواء وبعد القليل من الوقت بدأ يرجع لحالته الطبيعيه لتقول ميار بتساول ..... بقيت كويس دلوقتى = ااه ياحبيبتى بقيت احسن دلوقتى الحمدلله لتقول ميار برعب ..... طيب قوم نروح لدكتور أنا عايزه اطمن عليك أنا كنت هاموت وانا شايفاك فى الحاله دى انت اول مره تتعب بالطريقه دى = لا ياحبيبتى مافيش حاجه دول شويه إرهاق من الشغل مش اكتر لكن أنا كويس مافيش حاجه لتقول ميار بعدم اقتناع ...... إرهاق ايه يابابا انت طول عمرك بتشتغل وعمرك ماتعبت كده وبعدين علاج ايه دا اللى بتاخده ليه ماحكتليش عليه ولا مره ارجوك يابابا فهمنى وماتخبيش عنى حاجه ليرد عليها طارق باارتباك ..... ايه ...لا ..لا ياحبيبتى مافيش حاجه دا علاج عادى خالص بس عشان الشغل كتير عليا اليومين دول ومضغوط وكده لكن أنا كويس وزى الفل اطمنى لتقول له ميار باامر ..... طيب عشان تبقى فاهم بس مافيش شغل تانى غير لما تبقى كويس وانا اللى هامسك الشغل لغايه ماحضرتك تخف خالص وانا اللى هاعملك الأكل وهاكلك بنفسى عشان اكل المكتب دا والأكل اللى بتاكله مش عاجبنى خالص ومش صحى خالص ليبتسم وهو يقول ...... حاضر ياماما هابقى ولد شاطر وهاتبع الكلام اى أوامر تانيه ياستى ماما عشان أنا مش عارف هو مين اللى مسوول عن مين = اتريق عليا براحتك مااشى هانشوف هاتبع الكلام ولا لا لينظر طارق فلم يجد ياسمين ليقول بتساول ..... هى ياسمين راحت فين لتنظر ميار بااستغراب ..... ايه دا هى راحت فين دى لسه كانت واقفه هنا ...طيب استريح انت يابابا وانا رايحه اشوفها راحت فين الهبله دى لتتدخل ميار غرفه ياسمين لتجدها منهاره من البكاء .... لتركض إليها وتحضنها بحنان أمومى وهى تقول ... ايه ياروحى مالك بتبكى ليه صدقينى بابا بقى كويس وكان بيضحك معايا دلوقتى حتى روحى شوفيه لتزداد ياسمين فى البكاء وهى تعانق ميار وكأنها طفله صغيره تعانق والداتها ..... لتقول من وسط شهقاتها المتزايده = انا مش هاستحمل بابا يبعد عنى مش كفايه ماما سابتنا مش هاستحمل ياميار انا كنت هاموت وانا شايفه بابا فى الحاله دى حسيت فى لاحظه وحده انى ممكن اخسر بابا اللى هو اهم حاجه فى حياتى أنا ماقدرش اعيش من غيرك انتى وبابا انتو الاتنين عندى بالدنيا كلها انتو كل حاجه فى حياتى أنا مقدرش اعيش من غيركم أنا ماما سابتنى وانا كنت صغيره خالص بس ربنا عوضنى بيكى عشان تكونى امى واختى وكل حاجه فى حياتى بس بابا لو سابنى مش هلاقى ليه بديل .... طمنينى ياميار قوليلى انى بابا كويس ارجوكى لتحضنها ميار بقوه ودموعها تنزل فى **ت ولكن تحاول أن تتظاهر بالقوه ..... لا ياروحى ماتخافيش بابا كويس هو بس شويه تعب وضغط من الشغل وانتى عارفه انى بابا طول الوقت فى الشغل عشان كده مش واخد باله من صحته بس على مين من النهارده أنا وانتى هناخد بالنا منه وهانعمل فيها ظباط شرطه ونحبسه هنا فى البيت هو فاكر نفسه أنه مخلف شويه عيال ولا ايه دا احنا جامدين جدا ومسيطرين كمان ..... لتمسح لها دموعها وهى تقول ..... وبعدين طفلتى الصغيره ماينفعش تبكى وطول ماانا عايشه مش هاسمحلك تبكى ابدا ياقلب اختك ماتخافيش أنا معاكى دائما انتى بنتى وصديقتى واختى وماقدرش اشوف دموعك دى غاليه عليا قوى أنا متعوده على ل**نك الطويل لكن الدموع دى حاجه جديده عليا ياعم لتبتسم ياسمين اخيرا وهى تقول ..... لا اتعودى على الدموع دى عشان فى أيام الامتحانات هاعملك جنازه كل يوم حتى لو كنت حاله حلو هابكى برضو هو كده البنات فى تالته ثانوى لازم تتطلع من الامتحانات تبكى سوء حاله أو لا ليقطع حديثهم صوت والدهم من الخلف وهو يقول ..... ومين قالك انى هاسمح لى بنتى حبيبتى انى تنزل دمعه واحده طول ماانا عايش لتركض إليه ياسمين وتعانقه بطفوله .... بابا حبيبى انت كويس أنا اسفه انى سبتك فى الحاله دى بس انا مقدرتش اشوفك كده ماستحملتش اشوفك بتتالم كده = لا أنا كويس ياحبيبتى وبعدين مالك بقيتى نكديه كده ليه على العموم أنا هافرحكم ياونى ماكنتش حابب اقول بس انا محضر ليكم انتو الاتنين كل واحده مفاجاه احلى من التانيه ليتحمسو كالاطفال لتقول ياسمين بطفوله .... بجد يابابا ايه هى قول بسرعه ليبتسم على طفولتهم ..... لالا دا بعد اسبوع بقى لتجيبه ميار بتذمر ....... لا أنا لسه هاستنى اسبوع بى حاله دا كده كتير = ماكله بسبب المفاجاه بتاعتك هى اللى واخده وقت كبير عشان تجهز لتبتسم ميار وهى تقول ..... لا شكلها مفاجاه تستاهل الانتظار خلاص هحاول استحمل الاسبوع دا وربنا يصبرنى بقى ********************* وأما سامر فكان يجلس فى عالمه الخاص فمنذ أن أتى من الخارج وهو على هذا الوضع جالس بمفرده فى غرفته ورافض أن يتحدث مع أحد لتتدخل الام لتساله بااستغراب ..... مالك ياضنايا ؟؟؟ من وقت ماجيت من برا وانت قاعد فى الأوضه لوحدك كده ومش راضى تاكل ولا تشرب !! فيك ايه ياابنى لو زعلان عشان الشغل بكرا ربنا يحلها انشاء الله وتتقبل فى شركه ليجيبها ببرود ..... انتى عارفه ياماما انى أنا مش بحب شغل الشركات وعمرى ما هزعل عشان الشغل واصلا أنا عايز اعترفلك انى أنا النهارده ماروحتش اقدم على وظيفه زى ماقولتلك أنا روحت اتفق مع رجل اعمال مشهور عايزنى اعمله فوتوسيشن ويمكن بسبب كذبتى عليكى حصلى اللى حصل النهارده أنا أول مره فى حياتى اندم يارتنى كنت روحت دورت على شغل زى ماقولتلك ليزداد قلق والداته أكثر لتساله بقلق ..... فيه ايه يابنى ايه اللى حصل معاك ريح قلبى وقولى فيه ايه انا عمرى ماشوفتك فى الحاله دى ليمسك يد والداته وهو يقص عليها كل ماحدث معه اليوم ليقول بحزن ...... انا قبلت واحده النهارده ياامى قلبت كيانى خلتنى فى عالم تانى عيونها البريئه خلتنى عايزه افضل ابص عليها العمر كله .....هى جميله بشكل صعب وصفه ....ولما عرفت انها مخطوبه حسيت احساس عمرى ماحسيته قبل كده وكانى حد جاب سكينه وحاطها فى نص قلبى وشوفى الحظ بقى مابين مليون مصور اخترونى أنا عشان اعمل ليهم الفوتوسيشن بتاع الفرح رغم انهم ناس معاهم فلوس كتيره واغنياء جدا ومشهورين ويقدرو يجيبو مليون مصور احسن منى بس خطيبها أصر انى أنا اللى اعمل الفوتوسيشن مع انى كنت وقح جدا معاهم وغلطت فيه حتى من قبل مااشوفه .....مش عارف ايه الحظ دا ومش فاهم ليه القدر عايز يعذبنى بشكل دا = ياابنى دا مجرد اعجاب بس مش اكتر مش معقوله انك هاتحب واحده لسه اول مره تشوفها وبعدين انت اعجبت بيها وانت عارف انها مخطوبه يعنى مش اعجبت بيها وبعدين اتخطبت عشان تبقى مجروح كده ...... وبعدين ياابنى انت مدام مخنوق كده فاايه اللى جابرك انك تكمل وتوافق تشتغل معاهم خلاص ياابنى سيبك منهم خليهم يدورو على مصور تانى غيرك ليجيبها سامر بااختصار شديد ...... ربنا يسهل ياامى ويقدم اللى فيه الخير ..... بعد اذنك ياامى أنا تعبان وحابب أنام شويه فاتتركه ينام فاهى تعلم أن ابنها متى حزن من شئ يقضى وقته كله نوم ..... ولكن هذه المره كانت مختلفه فهو لم ينام بلا أخرج كاميرته وقضى الليل بااكمله وهو يتطلع على صورتها كأنه يحاول أن يحفظ كل تفصيله فى وجهه الملاكى ★★★★★★★ لينتهى اليوم بسلام وياتى يوم جديد ملئ بالاحداث الجديده لتتدخل ميار غرفه ياسمين وهى تقول ........ كما توقعت الهانم لسه نايمه لغايه دلوقتى أنا مش فاهمه ازاى دا شكل واحده فى تالته ثانوى الله يرحم ايام ماكنت فى تالته ثانوى كلها مانمتش اربع ساعات على بعض خالص لكن الهانم بتنام اربعه وعشرين ساعه ....لتحاول كثيرا أن تجعلها تستيقظ ولكن كالعاده فشلت كل محاولاتها لتلجاء إلى طريقتها المعتادة لتصرخ ميار بالاعلى صوتها وهى تقول ......فار فار الحقونى فار لتستيقظ ياسمين بفزع وهى تجرى خارج الغرفه وتصرخ فار فار الحقونى يابابا الحقنى الفار هايموتنى عايزه النجده الحقونى الفار هايموتنى لتنفجر ميار ضاحكه على اختها المجنونه فأكل يوم على هذا الوضع والغريب انها فى كل مره تستيقظ بفزع وتقول نفس الكلمات ولم تتعلم ابدا ان هذا مقلب لتجيبها ياسمين وهى تحاول التقاط أنفاسها فاهى لاتستطيع التقاط أنفاسها من شده الفزع ....... حرام عليكى ياميار الزفته بقى كده كل يوم تخلينى اصحى مخضوضه شكله كده موتى هايكون على أيدك .....اصبرى بس عليا اخلص تالته ثانوى واوريكى المقالب على حق هاخليكى تقطعى الخلف من كتر الرعب اللى هاعيشك فيه فرحانه بنفسك قوى وبتستقوى عليا عشان أنا ضعيفه وم**وره عشان فى تالته ثانوى استنى بس يابت طارق أنا هاوريكى لتبتسم ميار وهى تقول بااستفزاز ...... لما نشوف هاتعملى ايه ياأم ل**ن طويل ....وبعدين تعالى هنا انتى ايه حكايتك بظبط يابت انتى يوم تبقى فرحانه انك هاتروحى المدرسه وتصحى اول وحده فى البيت وتبقى متحمسه وتفضلى ساعه قدام المرايا كانك رايحه فرح ..... ويوم تانى تنامى لغايه المغرب وماتبقيش عايزه تروحى المدرسه ولو روحتى بتبقى شبه امنا الغوله .....تعالى اتقعدى هنا وفهمينى ايه حكايتك بظبط ★★★★★★ من رايكم ياترا ايه اللى حاصل مع طارق وياترا علاج ايه اللى بياخده وهو بيعانى من ايه ؟؟؟؟ وياترا ياسمين هاتقدر تقول لى ميار على حبها لى اياد ولا مش هاتقدر ؟؟ وياترا سامر هيوافق أنه يصور الفوتوسيشن لى ميار وهيثم ولا هايرفض ؟؟؟

Free reading for new users

Scan code to download app

App Store Google Play

Facebookexpand_more