25(حب من طرف واحد )
2756 Words
و في مكان تاني ....
في فيلا مريم الضخمة ...
مريم اتصلت ب علاء اللي قالها انهم في الطريق للفيلا .......
دخلت مريم الفيلا هي و رامي ....و كإن منظر الفيلا
كأنها ميتة و فاقدة للحياة .....
اضاءت مريم جميع الأنوار و لأحسن الحظ الكهرباء كانت شغالة.....
رامي : الفيلا دي مدفونة ....آيه ده ؟؟
مريم : محتاجة تنظيف ...شهد و مي هيساعدوني لما يجوا
رامي : طيب انا و يوسف و علاء هنقعد فينا لحد ما تخلصوا
مريم : هتقعدو هنا و تساعدوني عشان نرتب الفيلا
رامي : هااااا.. انا اللي هساعدك
مريم : ااها انت مش عجبك يعني !!
رامي : و انا اقدر أتكلم يا مريومة اساعدك طبعا بس تعلمني عشان انا مبعرفش اعمل حاجة لوحدي
و لسة مريم هترد عليه ...
.سمعت صوت حد علي الباب ..
.راحت تفتح و كانوا أصحابها
مريم : آخيرا وصلتوا
يوسف و كان في أيده أكل
يوسف : خدي الأكل ده مني ...و هي الفيلا دي بعيدة كده ليه ...علاء مكنش عارف الطريق
علاء : أنا برضو مش انت اللي وصفت ليا الطريق غلط
مريم بضحك : بس كفاية خناق ....هاتوا الشنط و هطلع معاكوا عشان تشوفوا الاوض ....
شهد : يالا بينا .. بس قبل ما نطلع عايزة اقولك خبر حلو ؟؟
مريم : قولي في أيه ؟؟
شهد : ميعاد الفرح اتحدد علاء قابل بابا و كتب الكتاب بعد 5 أيام و بعدين هنسافر شهر عسل لشرم
مريم : بجد ..هي دي الأخبار الحلوة ..بس ليه كتب كتاب بس
علاء : يعني عشان نخلص التحضيرات بسرعة و لما نرجع من شهر العسل نعمل حفلة
مريم : فكرة حلوة جدا الف مب**ك يا علاء و يا شهد
علاء : الله يبارك فيكي يا مريوم
مريم : .يالا بينا بقي
طلعوا كلهم ورامي طلع جنب مريم و هو باصص في عينها
رامي : عقبالك ..
بصتله بارتباك
مريم : ميرسي
طلعوا كلهم للدور الثاني و كان في 7 اوض نوم
مريم : احنا هنرتب اوضتين دلوقتي ....أوضة ليا انا و شهد و مي ..و أوضة ليكوا
رامي بطفولية : لا انا عايز اوضة لوحدي
مريم : بقي كده ...خلاص يبقي روح اختار اوضة و هتنضفها لوحدك
رامي : ايه ؟؟ ...لا يا مريوم أهون عليكي انتي اكيد هتساعدني
مريم بضحك : ااها تهون عليا ...انا معرفكش اصلا
رامي : احنا فينا من الحركات دي يا مريم
مريم بلامبالاة : ااها اللي عايز حاجة يعملها لنفسه
يوسف ضحك : انا لو مكانك أوافق .علي الاقتراح الأول احسن ...
رامي : خلاص موافق
مريم :ايوة كده ...يالا انتو 3 هنتظفوا الأوضة اللي هتناموا فيها و انا و البنات هنظف الأوضة بتاعتنا
رامي : انتي مفترية اوي يابت انتي
مريم بضحك : لو مش وافق هتنام علي الأرض انهارده
علاء : يا عم وافق و اسمع كلام طنط مريم
مريم (بعصبية) : طنط !!!!
علاء بضحك : اهدي يا طنط العصبية مش حلوة عشانك
مريم : انا هوريك العصبية دلوقتي ....
و جريت مريم وراء علاء ....و كانت هتض*به .
وبعد دقائق ....
علاء : اهدي يا مجنونة كفاية جري تعبت
مريم : مش هسيبك
رجع علاء لاصحابهم و وقف
علاء بتعب : خلاص خلاص تعبت اهدي
مريم : تصدق انا كمان تعبت خلاص نكمل جري بعدين
علاء : انا بقول كده برضو يا طنط
مريم : تاااني ؟
علاء طلع شوكلاته من جيب الجاكت
علاء : آسف انا بهزر معاكي انتي اختي حببتي يا مريوم
مريم : ايوة كده ...كان لازم أتعصب يعني .
.و خدت الشوكولاتة منه
.......
طلعوا كلهم و ابتدوا يترتبوا الفيلا .....
وكل شوية رامي ي**ر حاجة
مريم( بعصبية) : رامي تعالالي ....
رامي : عايزة ايه !!!
مريم : شايف الكرسي اللي هناك ده
رامي : ااها شايفاه ماله ؟؟
مريم : روح اقعد هناك و متلمسش حاجة تاني
رامي : ليه بس يا مريومة انا بساعدك
مريم : بتساعدني ايييه انت **رت نص الفيلا ...مش عايزة مساعدة اقعد و متعملش أي حاجة
رامي بضحك : حاضر هقعد .....
☆☆☆☆☆
خلصوا البنات الأوضة بتاعتهم ...و كمان الشباب خلصوا و كانت الساعة 6 الصبح ...
مريم و هي بتقعد علي أقرب كرسي
مريم : اااها ..انا تعبت واخيرا خلصنا
علاء : في حاجات كتير اوي بتوجعني
يوسف : انا علي المجهود اللي عملته ده ...لازم اعوض التعب ده بالأكل
مي : انت مش بتعمل حاجة في حياتك غير الأكل
شهد : انا هطلع انام يا شباب الساعة 6 الصبح و محدش فينا نام لحد دلوقتي
رامي بضحك : انا مستريح جدا ...و انتو تعبانين
مريم : طبعا ما انت ت**ر و انا اللي عملت كل حاجة لوحدي و انت قاعد
رامي : مش انتي اللي قولتي اقعد و انا مؤدب و سمعت كلامك
مريم بتريقة : مؤدب اووي فعلا
رامي : حاسس من كلامك انك بتتريقي
يوسف : حاسس مش متأكد....
مريم : يالا نطلع ننام عشان لسة ورانا حاجات كتير اوي
علاء : هو لسة في حاجة تاني انا تعبت
مريم : ااها ..احنا هنسافر بعد فرح علاء و شهد
الجميع : نععم !!!!
مريم : في أيه ؟؟؟
يوسف : انتي مجنونة يابنتي احنا مش قاردين نقف تقولي هنسافر و فرح كمان ... بس هنسافر فين بقي
بصت مريم ليهم كلهم
مريم :مريم : ااه ...احنا هنسافر
الجميع : نععم !!!!
مريم : في اية؟؟
يوسف : انتي مجنونة يابنتي ..احنا مش قاردين نقف تقولي هنسافر وكمان فرح ....هنسافر فين بقي
بصت مريم ليهم كلهم
مريم : هنسافر بعد 5 ايام ...و لازم تقولوا ليا جني مش مريم ....
رامي : برضو هنسافر نروح فين !!؟
مريم : شرم الشيخ
علاء : ليه ؟؟
مريم : عشان أدهم مسافر هناك بعد 5 ايام ...فا لازم نروح هناك
علاء : طيب انا عندي فكرة حلوة
مريم : ايه هي !؟
علاء : انا و شهد هنتجوز بعد كام يوم
مريم : ايوة ما انت اخيرا هتتجوز حببتك بعد سنين انتظار
علاء بلهفة : ااها طبعا انا ما صدقت احدد ميعاد
مريم بضحك : ماشي يا رومانسي
علاء : ما قولنا عشان بحبها بقي ?
..و يبص لشهد
شهد ات**فت و مردتش.....
كمل علاء كلامه بتركيز
علاء : الفرح هيبقى بعد 4 أيام ..هنتجوز و نسافر معاكي تاني يوم الفرح .....
شهد : و انا موافقة .....
وبعد ما كلهم باركوا لعلاء و شهد ...
رامي بص لمريم
رامي باستغراب : بس ازاي هتروحي لادهم اكيد هيعرفك
قربت مريم من رامي
مريم بضحك : مستحيل انت نفسك مش هتعرفني لما انفذ اللي في دماغي
رامي بقلق : انا خايف من دماغك دي و خايف عليكي
مريم بثقة : لا متخفش يالا ننام دلوقتي ...
طلعوا كلهم يناموا ...من كتر التعب
..............#$
و في قصر الشيطان ....
.قاعد قدام نافذة غرفته علي الكرسي و في أيده السيجار و بيفكر في مريم .
.و مكنش عارف اذا هو مبسوط أو زعلان و أيه الشعور الغريب اللي جواه ليه حاسس بخوف وقلبه مش مطمن ..
.وليه حاسس أن في كارثة هتحصل ..
أسئلة كتير كانت واخداها بعيد عن الواقع ..
و في وسط تفكيره دخلت غادة الأوضة
قربت منه بهدوء
غادة بقلق : أدهم اللى سمعته ده صح ......مريم ماتت !!
قام أدهم و راح باتجاه النافذة و رمي السيجار في الأرض وطفها
أدهم بضيق : ااها ماتت مقتولة أو انتحرت معرفش
قربت غادة منه
غادة : انت اللي قتلتها بصراحة ؟؟
أدهم : انتي اتجنتي اقتل مين ..لا طبعا انا مقدرش اقتل مريم مهما حصل
غادة بسخرية : يا حنين .....طيب مين اللي عمل كده ؟
أدهم : معرفش يا غادة و لو سمحت اطلعي برة ...الطيارة بتاعتك بعد ساعتين اتفضلي امشي
غادة : طيب يا أدهم ...انت حر في حياتك انا همشي بأي
و خرجت من الأوضة و اغلقت الباب بقوة
######
خرجت غادة
و أدهم كان هيتتجنن ازاي مريم تموت ؟؟ و مين اللي عمل كده !! مريم مش هتبقي موجودة تاني معاه؟؟....
..و في وسط اسئلة أدهم اللي مش بتخلص .
.رن موبايله اللي قطع تفكيره ..
.وشاف ادهم اسم المتصل وكانت ( لارا )
أدهم : أوووووف هو ده وقتك ..انا زهقت منك .احنا اول ما نرجع من شرم هرميكي يا لارا لاني زهقت
رد أدهم عليها
أدهم : ايوة يا لأرا
لارا : ممكن أفهم ايه الجنان اللي عملته امبارح ده ؟
أدهم : لا مش ممكن ....انا آسف متزعليش
لارا : مالك يا أدهم متغير كده ليه
أدهم : يابنتي مفيش حاجة بس تعبان شوية ....حضرتي نفسك للسفر قدمنا 5 أيام بس
لارا : ااها يا أدهم حضرت كل حاجة ...
أدهم : طيب هبقي ابعتلك تذكرة السفر علي البيت
لارا بحزن : يعني مش هشوفك تاني طول 5 ايام
أدهم : معرفش انا لازم أخلص الشغل هنا عشان اعرف أسافر معاكي ....لما أخلص شغل هبقي اشوفك بأي
لارا : بأي ..
############
و في فيلا مريم ...
الساعة بقت 4 الضهرا .
.صحيت مريم .....
و ملقتش شهد وعلاء اتصلت بيهم و عرفت انهم روحوا يجهزوا شقتهم و يشتروا شوية حاجات بسيطة ناقصة في الشقة ...
.و بعدها نزلت مريم للدور الأرضي لتتفاجا ب رامي قدامها
رامي جه من وراها
رامي : مريم
بصت في اتجاه الصوت
مريم بخوف : خوف*ني ...انت بتظهر منين ؟
رامي بضحك : انا مش بخوفك يا مريم...بس انا كده خدت حقي منك.
مريم : حق ايه !؟
رامي : فكرة المقلب اللي عملتيه فيا لما كنت نايم و خلتيني اصحى وانا مبلول ب المياه ..
مريم بضحك : انت لسة فاكر .انت قلبك اسود اوي
رامى : بالع** لو قلبي اسود مع أي حد .بس مش هيبقي اسود معاكي انتي ابدا ولا كاني طفل صغير معااكي .
بصت مريم لرامي و حاولت تغير الموضوع
مريم : تشرب قهوة معايا !!
رامي : موافق ...
دخلت مريم المطبخ و رامي وراها .....مريم بتعمل القهوة و رامي واقف باصصلها اوي و بيتابعها بنظراته اللي بتقول كل حاجة في قلبه ....
مريم : واقف كده ليه ؟
رامي : هااا ....عادي يعني مستني القهوة بتاعتي
مريم و هي بتحضر القهوة
مريم : بس نظراتك مش عادي
رامي : يعني ايه ؟ ؟ !
مريم : اتفضل القهوة بتاعتك
رامي : ميرسي يا مريوم...بس عايز اعرف قصدك ايه برضو
قعدوا الاتنين في الصالون و بدوا يتكلموا
بصت مريم القهوة و قالت بحنين
"مش قصدي حاجة ... بس تعرف بابا كان دايما يقولي يا مريوم مش مريم .."
رامي : بس اكيد هو كان بيقولها احلي
مريم و هي بتشرب القهوة : اكيد طبعا
رامي بضحك : عرفي الفيلا حلوة اوي ....واضح ان المهندس اللي عملها كان فنان
مريم بحزن : بابا هو اللي عمل كل حاجة فيها ...عشان كده الفيلا دي غالية عليا اوي
رامي : قوليلي بقي ...ناوية علي ايه ؟
مريم بهدوء : قصدك أدهم
رامي : هو في غيرو !!
مريم بضحك : ااها في ...غادة
رامي باستغراب : ومين غادة دي كمان ؟ ؟
مريم : أخت أدهم
رامي : برضو مش فأهم انتي ناوية تعملي ايه ؟ ؟
مريم : استني لما الناس اللي نايمين فوق دول يصحوا و هفهمك ...
رامي : طيب سؤال
مريم : اسئلتك كترت ..بس أسأل !!
رامي باستغراب : احنا بجد هنسافر شرم ؟؟
مريم : ااها و بعدها نرجع هنا
رامي : احنا رايحين إجازة
مريم : هتفهم في الوقت المناسب
رامي : ما الوقت المناسب ده مش بيجي اصلا
مريم بضحك : لا هيجي أطمن
رجعوا علاء و شهد و دخلين الفيلا سوا
و هما ماسكين ايد بعض
مريم : اية الرومانسية دي عيب كده ...معانا اطفال .
و بتبص رامي
قام رامي و قال بسرعة
رامي : تقصدي مين بالأطفال بقي
مريم : احم احم .....انت اللي واخد الكلام علي نفسك انا مالي
رامي أتعصب فا حاول يستفز مريم
رامي : لا يا طنط انا مش طفل ....
مريم بعصبية : متقولش طنط دي
رامي باستفزاز : حاضر يا طنط ....
و طلع يجري علي فوق ....و جريت مريم وراء ....
و علاء و شهد ميتين من الضحك
علاء بضحك : رامي ده مجنون يارب يعرف يهرب منها
شهد : معاك حق ...بس بيحبها
علاء باستغراب : بيحب مين ؟ ؟
شهد بسخرية : يعني مش واخد بالك من نظراته و كلامه مع مريم .....الواد واقع اوي
علاء : بس صعب أن مريم تقبل الحب ده
شهد : بس مش مستحيل ....انا هحاول اقربهم من بعض
علاء : و انا كمان هعمل كده ...
............&&
مريم بتجري وراء رامي في الدور الثاني....
.و من سرعة رامي في الجري بيقع علي الأرض و مريم تقع فوقه و يوقع الاتنين علي بعض
مريم بقت في حضنه ولأول مرة يبقوا قريبين للدرجة دي من بعض عيونهم في عين بعض
نبضات قلب رامي كانت سريعة وابتسامته واضحة
كانت كل حاجة باينة لمريم
اللي فضلت ساكتة وباصة في عينه لثواني
وبعد ثواني
**ر رامي حاجز ال**ت
رامي : انتي كويسة ؟ ؟
مريم حاولت تقوم و وقفت كانت متوترة و م**وفة و رامي فهم **وفها
مريم بتوتر : اااها .كويسة
مشيت مريم من قدام رامي و دخلت اوضتها ....
و غابت عن نظر رامي .....
رامي لسة واقف مكانه و مش متخيل ان مريم كانت في حضنه .....و حس أنها لسة موجودة قدامه ..
............&&
وبعد ساعة كلهم نزلوا علي السفرة و مريم طلبت بيتزا ....
و قعدوا كلهم ياكلوا مع بعض
يوسف : انا اكيد ليا بيتزا كبيرة لوحدي طبعا
مي باستغراب: هتاكلها لوحدك !!
يوسف بثقة : ااها طبعا ...اعوض المجهود اللي عملته امبارح
علاء بضحك : انت لازم تروح للدكتور يا يوسف
يوسف : ليه يعني ؟
علاء : عشان تقريبا معدتك فيها حاجة غلط عشان بتاكل الأكل ده كله .....انا خايف أقعد جمبك اصلا .
ضحكوا كلهم...
مريم : ليه بس يا علاء ده يوسف كيوت خاالص
يوسف وهو بيأكل : قوليله يا مريم عشان يصدق
مي بضحك: ده كيوت ده ....لغريبة انك بأكل الأكل ده كله ومش تخين
يوسف : انتي بتغيري مني يا مي ... صح ؟
مي بسخرية : انا اغير منك انت
يوسف بغزل : اهدي خلاص و بعدين هو انا أطول القمر ده يغير مني
مي ات**فت و سكتت ..فا لاحظت مريم كده
مريم :كول وانت ساكت ...
...........
و بعد ما خلصوا أكل ...طلبت مريم منهم انهم يجهزوا عشان هيخرجوا يعملوا shopping عشان السفر
و كمان هيشتروا فساتين للفرح و بدلة علأء و فستان شهد ...
كلهم خلصوا و مريم اتاخرت في البس .....
فا شهد و علاء حسوا أن دي فرصة حلوة عشان مريم و رامي يتقربوا من بعض اكتر ....
علاء : مممم رامي احنا هنروح علي المول و انت هات مريم و متتاخروش و لما تيجى نبقي نروح نجيب الفساتين للفرح......
رامي : طيب استني نروح كلنا مع بعض هي هتنزل
شهد : لا احنا عايزين نوفر وقت ... يالا بينا بأي يا رامي ...
مشيوا هما الأربعة من غير ما يسمعوا رد رامي و بعد ما مشيوا بثواني مريم نزلت
مريم : اتاخرت صح !!
رامي : خالص ...ده انتي لو في فرح مش هتاخدي الوقت ده كله
مريم بضحك : هههههه معلش يالا بينا بقي ...هما فين ؟
رامي : مشيوا وراحوا علي هناك وانا استنيتك
مريم : ايه الندالة دي مشيوا و سابوني
رامي قرب منها
رامي : وأية القمر ده ...ينفع كده ؟
مريم ب**وف : هااااا... ينفع ايه
رامي : هو أنتي حلوة اوي كده طبيعي ولا ميك اب
مريم بضحك : يالا نمشي عشان منتاخرش عليهم
رامي بيغمزلها : وربنا عسل ...
ات**فت مريم و ركبت العربية ...
شغل رامي اغنية رومانسية
(و بعدين بقي في قلت النوم و اليوم المخلبط ده في حد يحب كده من يوم ويتعلق بكده الله ....
شغلني اوي و نسيت اسمي و انا اللي في ده جنان رسمي ....)
وطي رامي الصوت و بص لمريم
رامي : مالك انتي مش مبسوطة و لا ايه ؟
مريم : لا عادي
لاحظ رامي أن مريم تعبانة
رامي : انتي تعبانة أخدك للدكتور ؟ ؟
ردت مريم بسرعة
مريم : لا لا مفيش داعي ده صداع وجع بسيط بيجي علي طول و بعدين بيروح مش مهم
رامي : سلامتك يا قمر
مريم : اسمي مش قمر .....اسمي جني
رامي : أسألك سؤال ؟!
مريم : اتفضل
رامي : انتي لسة بتحبي أدهم..أو حتي بتحسي انك واحشك
بصت مريم ل رامي
مريم : ..................
###########
ستووووووب
الحلقة دي أطول من اللي فاتت حاولت أطول البارت شوية اهوه فا اية رايكوا؟ ؟ ؟
الحلقات الجاية هتبقى أطول بكتير و ممكن توصل 2500 كلمة كمان و الحلقة الجاية كمان طويلة
و الوقفة مش رخمة المرة دي بقي استوب لطيف اهوه
تتوقعوا رد مريم هيبقي اية علي سؤال رامي؟ ؟ ؟
علاء و شهد هينجحوا و يقربوا رامي و مريم من بعض.. ؟
اية رايكوا في رد فعل غادة بعد ما عرفت عن موت مريم !؟،
في حد هيساعد مريم في انتقامها غير أصحابها و رامي أو لا .؟ ؟
مريم نفسها تقرب من رامي بس مينفعش ..بس اية السبب ! ! ! ؟
اية اكتر شخصية عجبتكوا لحد دلوقتي في الرواية ... و مين اكتر شخصية شريرة ..؟
اية اللي هيحصل في كتب كتاب علاء و شهد ! ! !
اية رايكوا في شخصية مريم من قبل ما تبقي جني ... كانت غ*ية أو مظلومة ؟ ؟ ؟
( فوت + كومنت ) = بارت جديد
و كل سنة و انتو طيبين و تبقي بصحة و سعادة في العيد ده و كل عيد انشاء الله ? ?
سيوووووووو ❤
- Writer
