26( مجهول جديد ! ؟ )

3200 Words

قعدوا الاتنين في الصالون و بدوا يتكلموا بصت مريم القهوة و قالت بحنين "مش قصدي حاجة ... بس تعرف بابا كان دايما يقولي يا مريوم مش مريم .." رامي : بس اكيد هو كان بيقولها احلي مريم و هي بتشرب القهوة : اكيد طبعا رامي بضحك : عرفي الفيلا حلوة اوي ....واضح ان المهندس اللي عملها كان فنان مريم بحزن : بابا هو اللي عمل كل حاجة فيها ...عشان كده الفيلا دي غالية عليا اوي رامي : قوليلي بقي ...ناوية علي ايه ؟ مريم بهدوء : قصدك أدهم رامي : هو في غيرو !! مريم بضحك : ااها في ...غادة رامي باستغراب : ومين غادة دي كمان ؟ ؟ مريم : أخت أدهم رامي : برضو مش فأهم انتي ناوية تعملي ايه ؟ ؟ مريم : استني لما الناس اللي نايمين فوق دول يصحوا و هفهمك ... رامي : طيب سؤال مريم : اسئلتك كترت ..بس أسأل !! رامي باستغراب : احنا بجد هنسافر شرم ؟؟ مريم : ااها و بعدها نرجع هنا رامي : احنا رايحين إجازة مريم : هتفهم في الوقت المناسب رامي : ما الوقت المناسب ده مش بيجي اصلا مريم بضحك : لا هيجي أطمن رجعوا علاء و شهد و دخلين الفيلا سوا و هما ماسكين ايد بعض مريم : اية الرومانسية دي عيب كده ...معانا اطفال . و بتبص رامي قام رامي و قال بسرعة رامي : تقصدي مين بالأطفال بقي مريم : احم احم .....انت اللي واخد الكلام علي نفسك انا مالي رامي أتعصب فا حاول يستفز مريم رامي : لا يا طنط انا مش طفل .... مريم بعصبية : متقولش طنط دي رامي باستفزاز : حاضر يا طنط .... و طلع يجري علي فوق ....و جريت مريم وراء .... و علاء و شهد ميتين من الضحك علاء بضحك : رامي ده مجنون يارب يعرف يهرب منها شهد : معاك حق ...بس بيحبها علاء باستغراب : بيحب مين ؟ ؟ شهد بسخرية : يعني مش واخد بالك من نظراته و كلامه مع مريم .....الواد واقع اوي علاء : بس صعب أن مريم تقبل الحب ده شهد : بس مش مستحيل ....انا هحاول اقربهم من بعض علاء : و انا كمان هعمل كده ... ............&& مريم بتجري وراء رامي في الدور الثاني.... .و من سرعة رامي في الجري بيقع علي الأرض و مريم تقع فوقه و يوقع الاتنين علي بعض مريم بقت في حضنه ولأول مرة يبقوا قريبين للدرجة دي من بعض عيونهم في عين بعض نبضات قلب رامي كانت سريعة وابتسامته واضحة كانت كل حاجة باينة لمريم اللي فضلت ساكتة وباصة في عينه لثواني وبعد ثواني **ر رامي حاجز ال**ت رامي : انتي كويسة ؟ ؟ مريم حاولت تقوم و وقفت كانت متوترة و م**وفة و رامي فهم **وفها مريم بتوتر : اااها .كويسة مشيت مريم من قدام رامي و دخلت اوضتها .... و غابت عن نظر رامي ..... رامي لسة واقف مكانه و مش متخيل ان مريم كانت في حضنه .....و حس أنها لسة موجودة قدامه .. ............&& وبعد ساعة كلهم نزلوا علي السفرة و مريم طلبت بيتزا .... و قعدوا كلهم ياكلوا مع بعض يوسف : انا اكيد ليا بيتزا كبيرة لوحدي طبعا مي باستغراب: هتاكلها لوحدك !! يوسف بثقة : ااها طبعا ...اعوض المجهود اللي عملته امبارح علاء بضحك : انت لازم تروح للدكتور يا يوسف يوسف : ليه يعني ؟ علاء : عشان تقريبا معدتك فيها حاجة غلط عشان بتاكل الأكل ده كله .....انا خايف أقعد جمبك اصلا . ضحكوا كلهم... مريم : ليه بس يا علاء ده يوسف كيوت خاالص يوسف وهو بيأكل : قوليله يا مريم عشان يصدق مي بضحك: ده كيوت ده ....لغريبة انك بأكل الأكل ده كله ومش تخين يوسف : انتي بتغيري مني يا مي ... صح ؟ مي بسخرية : انا اغير منك انت يوسف بغزل : اهدي خلاص و بعدين هو انا أطول القمر ده يغير مني مي ات**فت و سكتت ..فا لاحظت مريم كده مريم :كول وانت ساكت ... ........... و بعد ما خلصوا أكل ...طلبت مريم منهم انهم يجهزوا عشان هيخرجوا يعملوا shopping عشان السفر و كمان هيشتروا فساتين للفرح و بدلة علأء و فستان شهد ... كلهم خلصوا و مريم اتاخرت في البس ..... فا شهد و علاء حسوا أن دي فرصة حلوة عشان مريم و رامي يتقربوا من بعض اكتر .... علاء : مممم رامي احنا هنروح علي المول و انت هات مريم و متتاخروش و لما تيجى نبقي نروح نجيب الفساتين للفرح...... رامي : طيب استني نروح كلنا مع بعض هي هتنزل شهد : لا احنا عايزين نوفر وقت ... يالا بينا بأي يا رامي ... مشيوا هما الأربعة من غير ما يسمعوا رد رامي و بعد ما مشيوا بثواني مريم نزلت مريم : اتاخرت صح !! رامي : خالص ...ده انتي لو في فرح مش هتاخدي الوقت ده كله مريم بضحك : هههههه معلش يالا بينا بقي ...هما فين ؟ رامي : مشيوا وراحوا علي هناك وانا استنيتك مريم : ايه الندالة دي مشيوا و سابوني رامي قرب منها رامي : وأية القمر ده ...ينفع كده ؟ مريم ب**وف : هااااا... ينفع ايه رامي : هو أنتي حلوة اوي كده طبيعي ولا ميك اب مريم بضحك : يالا نمشي عشان منتاخرش عليهم رامي بيغمزلها : وربنا عسل ... ات**فت مريم و ركبت العربية ... شغل رامي اغنية رومانسية (و بعدين بقي في قلت النوم و اليوم المخلبط ده في حد يحب كده من يوم ويتعلق بكده الله .... شغلني اوي و نسيت اسمي و انا اللي في ده جنان رسمي ....) وطي رامي الصوت و بص لمريم رامي : مالك انتي مش مبسوطة و لا ايه ؟ مريم : لا عادي لاحظ رامي أن مريم تعبانة رامي : انتي تعبانة أخدك للدكتور ؟ ؟ ردت مريم بسرعة مريم : لا لا مفيش داعي ده صداع وجع بسيط بيجي علي طول و بعدين بيروح مش مهم رامي : سلامتك يا قمر مريم : اسمي مش قمر .....اسمي جني رامي : أسألك سؤال ؟! مريم : اتفضل رامي : انتي لسة بتحبي أدهم..أو حتي بتحسي انك واحشك بصت مريم ل رامي مريم بجدية : لا طبعا.انت متخيل أني لسة بحب شيطان زيه واحد دمر حياتي كلها اتسلي بيا و بحبي و قتل أقرب صديق ليا كرهني في اليوم اللي بتحلم بيه كل بنت ازاي أحبه؟؟انا علي اد الحب اللي حبته للادهم انا دلوقتي بكرهه من كل قلبي رامي : مبسوط اوي من كلامك ده مريم : احنا وصلنا المول صح رامي : ااها وصلنا نزلوا الاتنين من العربية بعد ما اتصل رامي ب علاء و عرف انهم في كافية كبير جوا في المول .... دخلوا الاتنين الكافية و شافوا أصحابها فا راحوا باتجاهم مريم بعتاب : ينفع كده تسيبوني وتمشوا ؟؟ شهد : انتي اللي اتاخرتي يا مريوم ..و المهم انك مجتيش لوحدك مريم : طيب انا عندي مشوار بعد ما نعمل shopping و نشتري فساتين الفرح رامي : هتروحي فين ؟؟ مريم : مشوار و هاخد شهد و مي معايا و انتوا ارجعوا علي الفيلا رامي : لا طبعا مش هسيبك لوحدك مريم : مش هتخ*ف يعني .و بعدين انت بتكلم بنات كان شغلهم في أمن الدولة يعني المفروض انا اللي اخلي بالي منك علاء بضحك : جبهتك طارت بس خلاص يا حضرت الضابط روحي المشوار اللي انتي عايزها بس متتاخريش عشان شهد هتواحشني مريم : ممممم يا حنين ...تصدق صعبت عليا.بس لما ارجع الفيلا متستغربهش مني يوسف : انتي هتتحولي ولا ايه ..!! مريم بضحك : خليها مفاجأة قاموا كلهم و اشتروا كل حاجة محتاجينها للسفر و كمان لشهر العسل ...و بعد ما خلصوا .... طلعوا من المول .... و راحوا لمحل مشهور في الزمالك لفساتين الأفراح ..... دخلوا المحل و شافت شهد كذا فستان عجبها ... اشتروا الشباب لبس للفرح و خلصوا بسرعة أما البنات فا بطبعهم بياخدوا وقت كبير ..... دخلت شهد تقيس فستان جميل و مريم و مي دخلوا معاها و الشباب مستنين برة ..... ...اتاخروا البنات جوا و علاء حس بالملل ... علاء : انا زهقت ..هما اتاخروا كده ليه ؟؟ رامي : واااااو بص ورائك كده بص علاء وراها و شاف شهد بفستان كبير الحجم نسبيا رقيق في تفاصيله كان بأكمام شفاف مزينة بفصوص لامعة صغيرة الحجم .. بان الانبهار علي ملامح علاء مع اول نظرة جمعته بشهد يوسف بضحك : انت عامل كده ليه ؟ علاء راح لشهد و قرب منها علاء بصوت عالي : هي فين شهد عروستي يا جدعان شهد ب**وف : علاء علاء : انت ازاي كده ؟؟ شهد : شكله حلو بجد ؟؟ علاء باعجاب : حلو عشان انتي اللي هتلبسيه مريم :نحن هنا راعي شعورنا بقي علاء بضحك : بس يابت دي مراتي مريم بغمزة : ماشي يا روميو يالا انا و مي هنروح نجيب فساتين بسرعة خلصوا و طلعوا و ركبوا العربيات .... وقفت مريم قدام رامي جنب العربية مريم : رامي هات مفتاح العربية رامي : ليه .؟؟! مريم : مش هسرقها .. بس اركب انت مع علاء و يوسف و انا هسوق و هاخد شهد و مي معايا رامي : خدي بس خلي بالك من العربية و من نفسك .... مريم بضحك : حاضر هخلي بالي من العربية ركب رامي مع علاء و يوسف و رجعوا علي البيت .. ######### و في عربية الشباب ..... رامي : تتوقعوا البنات هيروحوا فين ! ! يوسف : انا اتوقع انهم هيجبوا ليا أكل هي دي المفاجأة علاء بضحك : انت مش بتفكر في أي حاجة غير الأكل وبس يوسف : لا في حاجات كتير تاني .. رامي : ده واحد عقله في بطنه مالناش دعوة بيه.. بس حابين نعرف زي ايه حاجات كتير تاني !!! يوسف برومانسية : زي مي رامي : ممممم مي شكلك بتحبها ؟؟ يوسف : انا بعشقها مش بحبها بس رامي : طيب قولها ليه ساكت ؟! علاء : مينفعش ..لأنه فاكر أنها هترفض لأن هما الاتنين ع** بعض في كل حاجة تقريبا رامي : بالع** .لما تكونوا مختلفين هتكملوا بعض و حبكم هيبقى ناجح جدا الاختلاف أحيانا بيكون سر نجاح الحب .....# يوسف : تصدق اقتنعت ...انا هقولها قريب بس يارب توافق . ☆☆☆☆☆☆☆ و في عربية البنات ..... شهد : احنا هنروح فين بقي يا حضرت الضابط !! مريم : تتوقعي هنروح فين ؟ مي : ممممم هنروح النادي مريم بضحك : لا مش نادي ...هو مكان انا اول مرة اروحه بس للاسف لازم اروح .. و بعد دقايق ..وقفت العربية في مكان شيك قدام بيوتي سنتر كبير شهد باستغراب : بيوتي سنتر ..... !!! مريم : ااها ...متقلقيش انا حجزت لينا احنا 3 يالا انزلوا مي : هنعمل اية بقي؟؟ مريم : هتعرفي دلوقتي دخلوا التلاتة جوا ..... مريم : انا قدامي ساعتين و هخرج اوعى تمشوا من غيري شهد : حاضر يا مريوم بس متأخريش مريم : اوكي ... ☆☆☆☆☆☆☆☆ وبعد ساعتين...... شهد و مي خلصوا .... شهد غيرت شكلها و غيرت لون شعرها للبني فاتح و كانت لابسة جاكت كحلي طوله متوسط بحزام دهبي في المنتصف مع بنطلون جلد اسود لامع و لبس مي كان عبارة عن تيشرت متدرج بخطوط من الابيض و الاسود بكوم مع بنطلون ابيض و بعد مرور ساعتين ونص ...... شهد : هي مريم اتاخرت كده ليه !! مي : مش عارفة ..اكيد هتطلع دلوقتي شهد : تتوقعي مريم هيبقى شكلها ازاي ...؟ ؟ و لسة شهد هتكمل كلامها يسمعوا خطوات وراهم قاموا الاتنين من مكانهم بسرعة بسبب اللي شافوا ؟؟؟ ############# و في مكان تاني ....... أدهم قرر انه يروح الشركة ... بعد سفر غادة ل لبنان وصل أدهم الشركة و دخل مكتبه و بعد وصوله بدقايق دخلت السكرتيرة السكرتيرة : صباح الخير يا فندم حابه افكرك باجتماع مهم بعد ساعة أدهم : تمام انا جاهز . مر الوقت وهو قاعد علي مكتبه ب**ت سرحان في اللاشيء دخل الاجتماع و فضل علي نفس الحالة مش سامع صوت من دوشة أفكاره اللي موجودة فيها مريم رغم أنه مس حزين ع وفاتها إلا أنه مش عارف يتخطي اليوم ده مهما حاول ..... خلص الاجتماع... و ادهم سرحان في عالم تاني ... شكل مريم و هي بفستان فرحهم و صوتها و هي بتقوله بحبك اوي و لمسة ايديها لما كانت بتحضنه و ضحكتها اللي بقت قدامه طول الوقت ... أدهم مكنش عارف اية الشعور ده ؟؟ ده ندم علي انها ماتت أو ضميره بيعاقبه علي اللي عملوا في مريم أو هو فعلا حبها .. .بس اللي زي أدهم مش مومن بالحب .... وكالعادة فضلت كل الافكار دي من غير أي إجابة واضحة جوا تفكيره الدائم ############ نرجع ل شهد و مي ....... قاموا الاتنين و الصدمة علي ملامحهم بسبب شكل مريم أو بمعني أصح (جني ).... مريم جاية باتجاهم وقفت قدأمها و هي بتضحك بهزت الضحكة جمالها اكتر مريم : ايه رايكوا ؟؟ شهد سحبت مي ناحيتها شهد : مي مش البنت دي فيها شبه بسيط من مريم صح مي : هاااا ...ااها بس تتوقعي دي تكون مريم صحبتي اللي أعرفها شهد : لا طبعا مريم بضحك : ايه اللي بتقولوا ده .انا مريم صحبكتوا ..اطمنوا شهد : ده مقلب صح ...!!! مريم : لا مش مقلب يالا نمشي بقي راحت مريم للعربية و مي و شهد وراها و مش مصدقين أنها اتغيرت اوي كده مريم غيرت لون شعرها للبني الفاتح شوية و لبست فستان قصير لأول مرة في حياتها باللون النبيتي الغامق كان عبارة عن كتف واحد فقط وحزام اسود رقيق في المنتصف و حطت لينسيز في عينها بالون الأزرق ****************** ركبوا البنات العربية و مشيوا و في طريق رجوعهم للبيت ..... شهد و مي قعدوا وراء و مريم قدام .... شهد : تتوقعي لما نروح البيت هيعملوا ايه .. انا اتوقع ان علاء مش هيعرفها مي : و انا اتوقع ان يوسف هيفتكرها واحدة صحبتنا وهيقول أنها مش مصرية اصلا شهد : نفسي اعرف رامي يقول ايه !!! مي : أشمعنا يعني ؟ شهد : عادي .... بس انا عمري ما شوفت مريم حاطة ميك اب و لابسه فستان زي ده ..... انا خايفة منها و خايفة عليها مي ( بصوت عالي ): هو انتي متأكدة انك ضابط في أمن الدولة مريم بضحك : ااها متأكدة شهد : بس انا شاكة انك مريم صحبتي مريم : لا اتاكدي يا شهد ...انا عايزة أسأل سؤال مي / شهد : اتفضلي مريم : متوقعين أن أدهم أو غادة ممكن يعرفوا اني مريم ؟؟ شهد : ده مستحيل بالشكل ده اكيد مش هيعرفك انتي اتغيرتي 180 درجة .. مريم : و ده المطلوب ...انزلوا احنا وصلنا ..ادخلوا و انا جاية ☆☆☆☆☆☆☆ دخلوا الاتنين الفيلا ..... .و الشباب كانوا قعدين يأكلوا و يشوفوا ماتش الاهلى و الزمالك في التليفزيون علاء قام فجأة و هو بيقولوا علاء : جووووووووول .. و بيلف في مكان و بيشوف شهد و هي بتقول شهد : احنا جينا علاء واقف في مكانه و مصدوم و قرب من رامي علاء بصدمة : هي دي شهد اللي انا هتجوزها يا رامي او واحدة شبها رامي بضحك : تقربيا ااها هي ... يوسف : و دي مي يا رامي أو انا مش شايف كويس رامي بضحك : لا تقريبا هي مي برضو شهد قربت من علاء شهد : ايه رأيك ؟؟ علاء بضيق : ايه اللي انتي في ده ....الفستان ده قصير اوي شهد : بس شكله حلو علاء : اكيد دي فكرة طنط مريم صح شهد : طنط ايييه .....انا مش مصدقة أنها مريم اصلا علاء قرب منها : بس اول مرة اعرف اني هتجوز القمر ده كله....... و بيغمزلها شهد ب**وف : علاء علاء : قلب وروح علاء. بس الفستان ده يتغير حالا برضو قام رامي من مكانه لأنه سمع خبط علي الباب شهد : اكيد دي مريم .... رامي بلهفة : هروح افتحلها . شهد : بس اوعى تتصدم ###### فتح رامي الباب و شاف قدامه بنت جميلة بملامح تجذب أي شاب يشوفها لأول مرة ... رامي لنفسه : يالهوووي يخربيت جمالك ...مزة اوي رامي : انتي عايزة مين ؟ ؟ ؟ بصت مريم لرامي و هي بتضحك و بعدين دخلت و سابته واقف مصدوم مكانه ..... يوسف اول ما شافها .... يوسف : احم ...انتو تعرفوا بنات أجانب من ورايا و لا ايه مي بضحك : أجانب والله كنت متوقعة .... يوسف : أها طبعا دي زي القمر انتي اكيد من أمريكا صح شهد : لا مش من أمريكا يوسف : ?? you speak Arabic مريم بضحك : انت اهبل انا مريم اختك علاء بسخرية : حلو المقلب ده ..اسمك ايه بقي شهد /مي بصوت واحد : دي فعلا مريم رامي جه من وراها و بص في عينها رامي : انتي فعلا مريم وانا متأكد بس مكنتش اعرف أنك شبه الملايكة كده وهتعملي فيا كل ده مريم باستغراب : انت الوحيد اللي متأكد اني مريم ...ليه بقي ؟؟ رامي : من عيونك ...اللي بتقولي كل حاجة عنك مريم بخجل : كمان بتقرا العيون رامي : لا بعرف اقرا عيونك انتي وبس . علاء : مممممم تحبوا تقعدوا لوحدكو شوية .... يوسف : بلاش ت**فهم ..بس انا مش مصدق انك ضابط و كمان أمن دولة مريم : لا صدق بس الشكل الجديد ده لجني مش مريم . و يالا نطلع ننام عشان هنجهز نفسنا للفرح اللي بعد يومين و كمان نجهز الشنط .... رامي : احنا بجد هنسافر ؟؟ مريم : انت لسه بتسال طبعا بجد و اها تذاكر الطيران لكل واحد فيكوا اهيه ....جهزوا نفسكوا ..تصبحوا علي خير ☆☆☆☆☆☆☆ و مشيت مريم من قدأمهم و طلعت اوضتها وسط اندهاشهم من تصرفاتها .. .و الواضح أن مش شكلها بس اللي اتغير لانها فعلا بقت (جني ) رامي بقلق : انا خايف عليها علاء : كلنا خايفين بس احنا معاهم اطمن ... شهد : مش ملاحظين حاجة غربية !! يوسف : ايه هي ..؟؟ شهد : أن مريم بتعمل كل حاجة بسرعة و ازاي لاحقت تحجز تذاكر الطايرة بالسرعة دي مي : يمكن عملت كده عن طريق الموبايل شهد : لا لو فعلا عن طريق الموبايل مكنتش التذاكر هتوصل بسرعة دي للبيت .... علاء : انتي شاكة في حاجة .. !؟ شهد : لا انا متأكدة..إن مريم مخبية علينا حاجة رامي : حاجة زي ايه ؟؟ شهد : في حد بيساعد مريم غيرنا ... و هو اللي بيعملها كل حاجة بسرعة كده و كمان كان بيوصلها الأخبار و هي في المستشفى ؟؟؟ رامي : حد زي مين .... ! ؟ .########## و في غرفة مريم في الطابق الثاني ...... مريم غيرت هدومها و لبست شورت بينك و تيشرت ابيض خفيف و قعدت في منتصف السرير و كانت هتنام .... و فجاة رن موبايلها ب اسم حد مهم جدا اول ما شافته اسمه ردت بسرعة بدون تردد أو تفكير مريم : ايوة في أخبار جديدة ؟؟ الصوت : أدهم مسافر شرم مع حد مش لوحده مريم بصدمة : ازاي يعني حد مين ؟؟؟ الصوت : بصراحة ..؟؟ مريم ( بعصبية ) : قول انت لسة ساكت !! الصوت : مسافر مع حببته لارا اترسمت علي ملامحها ملامح غضب مريم بسخرية : قولتلي حبيبته .. ! ! الصوت : ايوة يا فندم .. انا مكنتش عايز اقولك عشان مدايقش حضرتك مريم : انت مدير أعمالي و لازم تعمل اللي بقولك عليه بحرف الواحد .أما بالنسبة لادهم فا خليه يعتبر أن دي آخر مرة يبقي مع حببته دي ... الصوت : و عندي ليكي خبر أهم ؟؟؟ مريم : و أيه هو ؟ ؟ الصوت : ............ ######## ستو و و و و ب أظن الحلقة دي طويلة بقي ... ? لو في تفاعل هنزل حلقة تاني بليل بمناسبة العيد بقي ... ايه الخبر الأهم اللي هيقولوا لمريم بخصوص أدهم ،،،؟ ايه رايكوا في تغير مريم لجني ؟ ! ! يوسف هيسمع كلام رامي و يعترف لمئ بحبه أو لا ! ! ؟ المجهول ده صفته ايه بالنسبه لمريم ! ؟ ؟ ايه خطوة مريم الجاية بعد فرح علاء و شهد !! !! أدهم زعلان علي موت مريم أو حاسس بالذمب ؟ ؟ الشخص المجهول ده كويس أو شرير ؟؟؟؟ ايه اكتر قصة حب عجبتكوا لحد دلوقتي ؟؟ علاء و شهد ..أو يوسف و مي أو أدهم و لارا أو رامي و مريم ... فوت + كومنت = بارت أسرع .. . .? ? مستنية إجابات الأسئلة و كومنت علي الفقرات عشان عايزة اعرف رايكوا ... سيو و و و و و و ? ?

Free reading for new users

Scan code to download app

App Store Google Play

Facebookexpand_more