27(شرم الشيخ ....)

3523 Words

كومنت علي الفقرات ومستنية رايكوا .. .. يلا نبدأ ?_? ☆☆☆☆☆☆☆☆ دخلوا الاتنين الفيلا ..... .و الشباب كانوا قعدين يأكلوا و يشوفوا ماتش الاهلى و الزمالك في التليفزيون علاء قام فجأة و هو بيقولوا علاء : جووووووووول .. و بيلف في مكان و بيشوف شهد و هي بتقول شهد : احنا جينا علاء واقف في مكانه و مصدوم و قرب من رامي علاء بصدمة : هي دي شهد اللي انا هتجوزها يا رامي او واحدة شبها رامي بضحك : تقربيا ااها هي ... يوسف : و دي مي يا رامي أو انا مش شايف كويس رامي بضحك : لا تقريبا هي مي برضو شهد قربت من علاء شهد : ايه رأيك ؟؟ علاء بضيق : ايه اللي انتي في ده ....الفستان ده قصير اوي شهد : بس شكله حلو علاء : اكيد دي فكرة طنط مريم صح شهد : طنط ايييه .....انا مش مصدقة أنها مريم اصلا علاء قرب منها : بس اول مرة اعرف اني هتجوز القمر ده كله....... و بيغمزلها شهد ب**وف : علاء علاء : قلب وروح علاء. بس الفستان ده يتغير حالا برضو قام رامي من مكانه لأنه سمع خبط علي الباب شهد : اكيد دي مريم .... رامي بلهفة : هروح افتحلها . شهد : بس اوعى تتصدم ###### فتح رامي الباب و شاف قدامه بنت جميلة بملامح تجذب أي شاب يشوفها لأول مرة ... رامي لنفسه : يالهوووي يخربيت جمالك ...مزة اوي رامي : انتي عايزة مين ؟ ؟ ؟ بصت مريم لرامي و هي بتضحك و بعدين دخلت و سابته واقف مصدوم مكانه ..... يوسف اول ما شافها .... يوسف : احم ...انتو تعرفوا بنات أجانب من ورايا و لا ايه مي بضحك : أجانب والله كنت متوقعة .... يوسف : أها طبعا دي زي القمر انتي اكيد من أمريكا صح شهد : لا مش من أمريكا يوسف : ?? you speak Arabic مريم بضحك : انت اهبل انا مريم اختك علاء بسخرية : حلو المقلب ده ..اسمك ايه بقي شهد /مي بصوت واحد : دي فعلا مريم رامي جه من وراها و بص في عينها رامي : انتي فعلا مريم وانا متأكد بس مكنتش اعرف أنك شبه الملايكة كده وهتعملي فيا كل ده مريم باستغراب : انت الوحيد اللي متأكد اني مريم ...ليه بقي ؟؟ رامي : من عيونك ...اللي بتقولي كل حاجة عنك مريم بخجل : كمان بتقرا العيون رامي : لا بعرف اقرا عيونك انتي وبس . علاء : مممممم تحبوا تقعدوا لوحدكو شوية .... يوسف : بلاش ت**فهم ..بس انا مش مصدق انك ضابط و كمان أمن دولة مريم : لا صدق بس الشكل الجديد ده لجني مش مريم . و يالا نطلع ننام عشان هنجهز نفسنا للفرح اللي بعد يومين و كمان نجهز الشنط .... رامي : احنا بجد هنسافر ؟؟ مريم : انت لسه بتسال طبعا بجد و اها تذاكر الطيران لكل واحد فيكوا اهيه ....جهزوا نفسكوا ..تصبحوا علي خير ☆☆☆☆☆☆☆ و مشيت مريم من قدأمهم و طلعت اوضتها وسط اندهاشهم من تصرفاتها .. .و الواضح أن مش شكلها بس اللي اتغير لانها فعلا بقت (جني ) رامي بقلق : انا خايف عليها علاء : كلنا خايفين بس احنا معاهم اطمن ... شهد : مش ملاحظين حاجة غربية !! يوسف : ايه هي ..؟؟ شهد : أن مريم بتعمل كل حاجة بسرعة و ازاي لاحقت تحجز تذاكر الطايرة بالسرعة دي مي : يمكن عملت كده عن طريق الموبايل شهد : لا لو فعلا عن طريق الموبايل مكنتش التذاكر هتوصل بسرعة دي للبيت .... علاء : انتي شاكة في حاجة .. !؟ شهد : لا انا متأكدة..إن مريم مخبية علينا حاجة رامي : حاجة زي ايه ؟؟ شهد : في حد بيساعد مريم غيرنا ... و هو اللي بيعملها كل حاجة بسرعة كده و كمان كان بيوصلها الأخبار و هي في المستشفى ؟؟؟ رامي : حد زي مين .... ! ؟ .########## و في غرفة مريم في الطابق الثاني ...... مريم غيرت هدومها و لبست شورت بينك و تيشرت ابيض خفيف و قعدت في منتصف السرير و كانت هتنام .... و فجاة ... رن موبايلها ب اسم حد مهم جدا اول ما شافته اسمه ردت بسرعة بدون تردد أو تفكير مريم : ايوة في أخبار جديدة ؟؟ الصوت : أدهم مسافر شرم مع حد مش لوحده مريم بصدمة : ازاي يعني حد مين ؟؟؟ الصوت : بصراحة ..؟؟ مريم ( بعصبية ) : قول انت لسة ساكت ! ! الصوت : مسافر مع حببته لارا اترسمت علي ملامحها ملامح غضب مريم بسخرية : قولتي حببته ...! ! الصوت : ايوة يا فندم ..انا مكنتش عايز اقولك عشان مدايقش حضرتك مريم : انت مدير أعمالي و لازم تعمل اللي بقولك عليه بحرف الواحد .أما بالنسبة لادهم فا خليه يعتبر أن دي آخر مرة يبقي مع حببته دي ... الصوت : و عندي ليكي خبر أهم ؟؟؟ مريم : و أيه هو ؟؟ الصوت : أدهم زهق من لارا دي و بيدور علي بنت جديدة مريم بسخرية : يبقي يعتبر نفسه لقي البنت الجديدة ...طيب و غادة فين !؟ الصوت : سافرت لبنان امبارح ...و هترجع في نفس اليوم اللي هيرجع منه آدهم من شرم مريم : كويس جدا.انا هحتاجك كتير الفترة الجاية .و بالنسبة لفلوسي في البنك هنروح بكرة و هنسحب الفلوس و هحطها في حساب جديد ب اسم ( جني راشد زيدان ) ؟ ؟ الصوت : حاضر يا فندم و كل الإجراءات تمت و كمان الباسبور و الهوية الجديدة طلعوا ب اسم جني مريم : برافو عليك ....بكرة هتاخد فلوسك لأن شغلك عجبني و معلوماتك بتساعدني جدا حتي لما كنت في المصحة كنت بتجيبلي كل الأخبار الصوت : ده شغلي يا مريم ...و أنا بكره عائلة (عز الدين ) زيك بالضبط مريم : عشان كده بتساعدني اني ادمرهم ؟ ؟ الصوت : ايوة يا مريم لانك عارفة ان والدي كان شغال مع والدك في شركة عز الدين زمان.... مريم : ااها عرفت ان بابا كان شغال مهندس د*كور عندهم و طردوا من الشركة بتهمة السرقة و التجسس علي ملفات خاصة مع انه معملش حاجة الصوت : و انا بساعدك لاني بكرهم و لسة مريم هترد عليه ...تسمع صوت خبط علي باب اوضتها مريم بقلق : اقفل دلوقت هكلمك تأني بأي ############# مريم : اتفضل .... دخلت شهد بعد ما اتاكدت أن مريم كانت بتكلم حد شهد : ايه يا مريومة لسه منمتيش ولا ايه !؟ مريم : لسة كنت هنام ... قعدت شهد علي طرف السرير قدامها شهد : انتي مخبية عني حاجة يا مريم !! اتوترت مريم من سؤالها مريم : انا...... لا طبعا هخبي ايه !! شهد : انتي عمرك ما خبتي عليا حاجة ....بس جني بتخبي عليا بصتلها مريم باهتمام زايد .. مريم : ادخلي في الموضوع علي طول !؟ شهد : انتي كنتي بتكلمي حد قبل ما ادخل مريم : بصراحة ...ااها شهد : مين بقي ؟؟ مريم : هتعرفي في الوقت المناسب بس انا مقدرش اقولك دلوقتي شهد : فهمت .....بس انا خايفة عليكي و بلاش تثقي في أي حد بسرعة مريم : متخفيش علي جني لانها قوية ...انا هبقي كويسة و اطمني الشخص ده بيساعدني و هو ميعرفش الخطة بتاعتي شهد : و ايه هي الخطة بتاعتك بقي !!؟ مريم : هتعرفوا قبل ما نسافر بس ركزي في فرحك اللي بعد بكرة ده ... شهد : انا خايفة اوي بس مبسوطة مريم : متخفيش علاء بيحبك و هتبقي مبسوطة يالا خلينا ننام بقي يا عروسة . شهد : اوكي تصبحي علي خير يا مريوم مريم : و انتي من أهله ########### أدهم فضل طول اليوم في الشركة و مشغول بالاجتماعات و الصفقات ... و كل ما يبقي في اجتماع ميكنش مركز في أي حاجة ..... رجع أدهم البيت و كان البيت فاضي .. أدهم و هو بيبص للبيت : واحشتني يا غادة انتي و بابا و ماما .البيت ميت من غيركوا .. طلع أدهم اوضته و خد شاور و لابس تيشرت اسود نص كوم و شورت اسود ..... قعد أدهم في مكانه المفضل و هو بلكونة القصر الكبيرة الموجودة في غرفته ... تحتها أزهار بأنواع كتيرة ...... مع كاس النبيذ المفضل له في ايده اليمين و في أيده الاخري ...صورة مريم راح أدهم في غيبوبة تفكير عميقة ..راح لعالم تاني مش موجود فيه غيرو هو و مريم ... غمض عينه و كان شايف في عالم خياله مريم بفستان الفرح... و بتضحك و كانت شبه الملايكة و مدت أيديها لادهم اللي واقف بيتابعها بنظرات حب وإعجاب ومد أيده ليها عشان يلمس أيديها ..... .وفجأة .... اختفت مريم من ذكرياته بمجرد ما فتح عينه فاق أدهم من غ*يوبته المؤقتة علي صوت موبايله شاف اسم لارا .... ساب الموبايل يرن و بعدها بدقايق مسك الفون و شاف 25 مكالمة من لارا ....فا اتصل بيها أدهم : ايوة يا لارا لارا : هو انت لسة فاكراني اصلا !؟ أدهم قرر انه عايز يسيبها بس في نفس الوقت ميقدرش يفضل في البيت لأن ذكريات مريم بتلاحقه في كل مكان فقرر انه لازم يسافر شرم مع لارا عشان ينسي مريم و ميشوفهاش تاني حتي في خياله بس مش كل حاجة الإنسان عاوزاها بتحصل !! أدهم : و انا اقدر انساكي يا حببتي لارا : انت كداب ...كنت فين طول النهار كنت قلقانة عليك أدهم بعصبية : انا مش عيل صغير و متقلقيش عليا انا طول النهار كنت في الشركة و اتخنقت من الشغل لارا : طيب احنا هنسافر كمان 3 أيام و مش هيبقى في شغل اطمن ... أدهم : انا اتصلت بيكي عشان اقولك جهزي نفسك لاني عايز أسافر بسرعة لارا : اوكي انا جاهزة متقلقش .تصبح علي خير يا بيبي بأي أدهم : و انتي من أهله بأي ########### و في اليوم التالي ....... الساعة 6 الصبح في فيلا مريم .... خرجت مريم من اوضتها و راحت علي شرفة الفيلا الضخمة عشان تشوف منظر شروق الشمس اللي بيرد روحها ... و فعلا وصلت بس شافت حاجة استغربتها هناك لقت رامي واقففي نفس المكان جات مريم من وراه و قربت منه و هي مستغربة ولمست باصابعها الباردة كتفه مريم : رامي ..بتعمل ايه هنا ؟؟ استدر رامي باتجاه الصوت رامي : مريم ...انتي ايه اللي مصحاكي بدري كده !! مريم : انا صحيت عشان اتف*ج علي منظر الشروق و انت ؟؟ رامي : و انا كمان معرفتش انام كويس فا صحيت و وقفت هنا مريم : معرفتش تنام ليه ؟؟ رامي :كان في حد شغال تفكيري طول الليل مريم : مين ؟ ؟ رامي : عادي ...بس تعرفي انا مبسوط اوي مريم : ليه بقي ؟ ؟ قرب رامي من وشها اوى و باصص في عينها رامي : عشان أجمل بنت واقفة جمبي و بنشوف منظر الشروق سوا ... ابتسمت مريم من كلام رامي مريم : بتبالغ بس ميرسي رامي : متعودتش أبالغ ..بس تعرفي بقيتي قمر اكتر من الأول مريم : انت هتهزر تاني !! رامي بضحك : لا خلاص اهدي يا مينفعش اقولك هتلر بقي لأنك قمر مريم بفرحة : الشمس طلعت ... وااااو شكلها تحفة رامي بيبص لمريم مش لمنظر الشروق رامي : فعلا هي احلي من القمر نفسه ... مريم : هي مين دي ؟؟ رامي : احم ...انا أقصد الشمس ضحكوا الاتنين سوا ... و بعدين نزلوا يفطروا و كلهم صحيوا ... و قعدوا علي السفرة و بدأ ياكلوا مريم : مش هنروح نشوف تحضيرات الفرح يا علاء ولا ايه الفرح بكرة يوسف و هو بياكل : ااها ياريت نروح مريم : كول و انت ساكت يا بابا انت ..الفرح بكرة و انا لحد دلوقتي مشوفتش أي تحضيرات لفرح اخويا علاء : ايوة بس احنا هنكتب الكتاب في بيت شهد و بعدين نسافر فورا مريم : نعععم ....يعني مفيش اتخطمري يا حلوة يا زينة و لا في رقص لا بقي انا زعلانة .. ضحكوا كلهم ... شهد : طيب لما نرجع من شهر العسل نبقي نعمل حفلة كبيرة مريم : ايوة هنبدا في التثبيت بقي علاء : لا يا مريوم ميهونش عليا زعلك طبعا بس كده احسن مريم : موافقة بس بشرط ! شهد : ايه هو ؟؟ مريم : الحفلة تتعمل هنا في الفيلا علاء : و احنا موافقين .... شهد : انا همشي كمان شوية عشان التحضيرات في البيت مريم : قبل ما تمشي يا شهد انا عايزة اقولكوا اول جزء من الخطة مي : اللي هو ؟؟ مريم : هرتبط ب أدهم الجميع في صدمة : نعععم !!!!! مريم : اهدوا ... ده اول جزء من انتقامي رامي : انتي مجنونة ...هترتبطي بيه رسمي بعد كل اللي حصل مريم : لا طبعا مش رسمي ...انا هخلي يحبني بجد و بعد كده هسيبه بأب*ع طريقة ...بس قبلها هكون دخلت علي عائلة عز الدين و ادمرهم واحد واحد و بكل بهدوء .... علاء : انتي شريرة اوي مريم بسخرية : عارفة بس الفضل يرجع لادهم... خلصوا الفطار و طلعوا كلهم يجهزوا الشنط و شهد راحت تشوف التحضيرات في بيتها .... ☆☆☆☆☆☆☆ عدي اليوم ده بحجم مختلف علي الجميع ... (أدهم ) طول 3 أيام في الشغل عشان السفر و بقي يروح التلاتة ايام لبيت لارا ...و قرر انه مش هيرجع بيته بسبب ذكريات مريم اللي مش بتسيبه .... (لارا) مبسوطة بوجود أدهم في بيتها لمدة 3 أيام و كمان رحلة الشرم اللي متحمسة ليها جدا لانها اول مرة تسافر مع أدهم و كمان لوحدهم ..بس مكنتش تعرف أنها اول و اخر مرة .... أصحاب مريم مشغولين في تحضيرات الفرح و كمان سافرهم و في طرح الأسئلة علي مريم بصفة دايمة ..اللي مش بتجاوب عليها و بتقولهم تفاصيل السفر وبس رامي كان غيران من أدهم و يوم وراء يوم حب مريم بيزيد اكتر في قلبه ... بس حبهم كان كل ما يزيد .....المشاكل بتزيد معاه و خايف لأنه حبه ده مكتوب عليه الفشل من قبل ما بدا ...لأنه حب من طرف واحد من وجهه نظره وكمان هو ميقدرش يتجوز بسبب حاجة دايما في باله ؟؟ أما بالنسبة مريم كانت حالتها غربية ... مكنتش عارفة تبقي فرحانة عشان هنتنقم و تاخد حقها وحق قتل محمود و حق إهانة والدها .. أو تكون زعلانة لانها عارفة بحب رامي ليها بس متجاهلة الموضوع ...لأن واحدة زيها مرت بتجربة زي تجربة مريم مستحيل تثق أو تؤمن بحاجة اسمها حب للمرة التانية ....و كمان هي متقدرش تتجوز رامي وده بسبب أفكارها اللي محدش يعرفها غيرها !! ****************** و جيه اليوم المنتظر بالنسبة للجميع ... و هو يوم فرح علاء وشهد .. شهد رجعت بيتها عشان تتأكد من التحضيرات للمرة الأخيرة و خدت مريم و مي معاها و فضلوا في أوضة شهد عشان يساعدوها تجهز .... أما بالنسبة للشباب فا كانوا في بيت شهد في أوضة تانية في البيت بيستعدوا للفرح ..... الساعة بقت 5 و كتب الكتاب الساعة 7 الكل مشغول بتحضير الحفلة ..... بس قلوب بعضهم كانت حزينة .. ساعات الجرح بيبقى كبير لدرجة انك مهما حاولت تشغل نفسك عشان تنسي الجرح ده مبتقدرش و ده كان شعور مريم ورامي ..... ☆☆☆☆☆☆ و عند شهد ..... مريم: استني هحطلك آخر حاجة اهوه شهد : كفاية ميك اب انا عروسة عادية مش عروسة المولد مي بضحك : بس زي القمر يا شهد و فجأة رن موبايل شهد وقامت و جريت بسرعة ترد لانها عارفة انه علاء مريم : يا رومانسية مي تعالي نطلع و نسيبهم شوية مي بغمزة : يالا بينا ... ######## و فجأة دخلت والدة شهد ( ابتسام ) ابتسام باستغراب : رايحين فين يا بنات ؟؟ مريم : هنطلع و نسيب شهد شوية عشان هي مش فاضية ابتسام بضحك : بتكلم علاء صح مي : اها يا طنط ابتسام قالت كلمة بحسن نية بس كلامها ده كان زي انفجار الذكريات في قلب مريم و رجعلتها جميع ذكريات فرحها المشؤوم .. ابتسام : عقبالك يا مريم انتي و مي مريم حاولت تضحك مريم : ميرسي يا طنط بعد اذنكوا . مشيت مريم و وقفت في البلكونة ... و حست أن دموعها هتنزل حاولت تمنعها بس دموعها كانت م**مة تفضحها ونزلت دموعها وفكرتها بيوم فرحها وكل ذكرياته .. ▪▪▪▪▪▪▪▪▪▪▪ و في نفس اللحظة عند علاء ... يوسف شايف علاء بيكلم شهد في الفون ... يوسف : يا عم الرومانسي كفاية ده انت هتتجوزها كمان دقايق كفاية محن بقي راعي شعوري و انا رامي الغلبان ده رامي بضحك : عقبالك انتي ومي يا جوو يوسف : هيييح ...يااريت وانت كمان عقبالك لما تتجوز و تقع يا كبير رامي باستغراب : اتجوز !! يوسف : طبعا و لا انت ناوي تفضل سنجل طول حياتك رامي بحزن : حتي لو عايز كده مقدرش ... يوسف باستغراب : قصدك ايه !! رامي : ولا حاجة انا هطلع برة شوية .... راح رامي علي البلكونة ..... مريم مسحت دموعها و كانت هتخرج و فجأة لقت رامي قدأمها و هي خارجة ...... .الاتنين استغربوا و قالوا في نفس الوقت رامي : مريم مريم : رامي ... رامي : انتي هنا ليه ؟؟ مريم : مفيش بس تعبت من الدوشة و حبيت أقف لوحدي شوية ..انت بقي هنا ليه ؟ رامي بضحك: حبيت أقف مع نفسي شوية برضو مريم بابتسامة خفيفة مريم : مش هنخرج الموسيقي اشتغلت ... رامي مسك دراعها رامي : قبل ما نخرج ..لازم اعرف ايه اللي مزعلك مريم بعدت عنه مريم : مفيش حاجة انا تمام .... ولسه هتخرج رامي وقف قدام الباب رامي : مش هجبرك انك تحكي بس عاوزاك تعرفي اني دايما موجود عشانك مريم : انا كويسة قولتلك لو سمحت خليني أخرج بعد رامي عن الباب و خرجت برة .... و خرج رامي بعدها بدقايق الاتنين كانوا مجروحين .. .مريم بتفتكر فرحها .... بس رامي مش مرتبط بس ليه بيزعل اول ما بيسمع سيرة الجواز ... !!! ☆☆☆☆☆☆ ..الماذون وصل و عائلة شهد كلها موجودة ..مي و ابتسام راحوا يجيبوا شهد من الاوضة خرجت شهد بفستانها الابيض مثل بياض التلج وبشكلها الملائكي بهرت كل الموجودين و بالذات علاء ... ........ مي واقفة و باصة لشهد و هي فرحانة و جه يوسف جمبها و قال بهمس يوسف : عقبالك يا قمر .... مي بصت ليوسف اللي شكله أنيق جدا مي : ممممم ..أتلم يا يوسف يوسف قرب منها يوسف : اتلم ايه ...انتي ازاي حلوة كده مي بضحكة بسيطة : ميرسي بس استني هنا.ايه الشياكة دي كلها ؟؟ يوسف : عجبتك صح ...طبعا انا عارف اني قمر انتي بس اللي مش واخدة بالك ..بس انتي قمر اكتر كانت لابسة فستان باللون الروز الهادي طويل بدون اكمام مع شعرها بطوله المتوسط المنسدل ع ضهرها و عند مريم كانت لابسه فستان سماوي رقيق بأكمام فضفضاء واسعة شفافة و فستان مزين بحبيبات لامعه في نصفه العلوي مع رفع شعرها بطريقة أنيقة ذادت من جمالها ... مريم واقفة باصة لفرحه شهد و نظراتها حبها لعلاء .... حست للحظة أنها شايفة نفسها هي و أدهم ...نزلت دموعها للمرة التانية و الوحيد اللي شافها هو اللي عينه عليها دايما طول الوقت رامي جه من وراها و خضها رامي : يالهوي ايه ده !؟ مريم بخوف : ايه في ايه ؟ رامي : بوصي القمر بيعيط مريم : فين ؟ رامي بيغمزلها: وهو في قمر غيرك هنا يا جميل... مريم ابتسمت مريم : انت مش بتحرم ؟؟ رامي قرب منها رامي : بصراحة لا و بعدين اضحكي ضحكتك بترد الروح مريم ضحكت تاني و كانت مبسوطة رامي : ياااة بوصي هناك كده مريم ب لامبالاة : لا مش هبص رامي بضحك : جبانة .. مريم : رخم علي فكرة .. و مشيت و سبته رامي لنفسه : رخم بس بحبك يا مريم ▪▪▪▪▪▪▪▪▪▪▪ و بعد دقايق تم كتب الكتاب وسط فرحة كل الموجودين و فرحة علاء و شهد ... اشتغلت الموسيقي و قام يرقصوا علي أنغام اغنية رومانسية ... (معاك نفسي أعيش و انتي جمبي هنا ...مقدرش اغيب والله عنك انا ...أجمل ما فينا حبيبي أننا في الحب تاني مفيش زينا ... في حاجة فيك غير كل الناس عمر ما كان في كده إحساس ده اللي في قلبي و بحلم بيه عشته معاك يا حبيبي خلاص ...) علاء : مب**ك يا جميل شهد ب**وف : الله يبارك فيك علاء : بحبك يا شهد ..أخيرا بقيتي مراتي شهد : و انا كمان بحبك اوي علاء : بس ايه الحلاوة دي ؟ شهد : أتلم يا علاء علاء قرب منها علاء ؛ هو انا لسة عملت حاجة شهد بخجل : علاء علاء : قلب و روح و عيون علاء .... ☆☆☆☆☆☆ رقص يوسف مع مي يوسف : تعرفي اني مبسوط أن برقص معاكي مي : لا عادي يعني يوسف : يعني انتي مش مبسوطة !؟ مي بخجل : لا عادي برضو يوسف بضحك : حلو ان عينك بتفضحك ### و عند رامي طلب من مريم الرقص اللي أترددت لثواني و بعدها وافقت رامي : تعرفي نفسي في ايه ؟ مريم : ايه ؟؟ رامي : الناس كلها تختفي من المكان و نفضل ف الوضع ده علي طول و افضل شايفاك قدامي مريم : و ده مش هيحصل فا شيله من دماغك رامي بغزل : دبش اوي بس علي قلبي زي العسل مريم برخامة : طب اوعا يا عسل الرقصة خلصت بعدت عنه بسرعة و مر الفرح طبيعي و بعد انتهاء الفرح .... راح علاء و شهد علي بيتهم و رجعوا مي و يوسف و رامي و مريم ....علي الفيلا و أول ما دخلوا مريم : انا تعبانة اوي رامى : الف سلامة عليكي يا مريوم يوسف : ممممم نحن هنا ..... مي : يلا يا مريم نطلع ننام عشان الطيارة بكرة الصبح مريم : يلا ☆☆☆☆☆☆☆ و بعد ما طلعوا البنات وقف يوسف قدام رامي يوسف بشك : شكلك واقع اوى ولا ايه !!؟ رامي اتوتر رامي : بلاش هبل يا جووو مريم دي اختي يوسف باستغراب : اختك ...عليا برضو ؟؟ رامي :......... ######### ستووووووووو ب الحلقة 2500 كلمة أظن مفيش أطول من كده .. مين راشد زيدان ده و أي الصلة بينه و بين و مريم !!!؟ راشد ده شخصية حقيقة أو خيالية و مجرد اسم .؟؟ مريم مينفعش تتجوز رامي بسبب ايه ..و السبب ده ممكن يتحل أو لا !!!؟ رامي ازاي مش هيبقي لمريم وليه مش قادر يبقي معاها ،،،؟ مريم هتقابل أدهم ازاي . . ؟ أدهم هيعجب بمريم من أول ما يشوفها أو لا !!! ادهم ازاي هسيب لارا ؟؟ فوت + كومنت = بارت جديد سيوو و و و و ❤

Free reading for new users

Scan code to download app

App Store Google Play

Facebookexpand_more