40(تمت خطوبة )

1125 Words

أدهم : سرحانة في أيه يا جني !! مريم : هااااا ولا حاجة ..انا عايزة ارجع البيت أدهم : طيب هوصلك انتي كويسة مريم : اها شوية صداع بس ...وصلت عربية أدهم الفخمة قدام بيت مريم نزلت مريم من العربية و وداعت أدهم ودخلت جوة وكانت الخطوبة بكرة .. والفيلأ كلها جهزت للحفلة ... كلهم مبسوطين وبيضحكوا بس إلا مريم ....... طلعت مريم اوضتها من غير ما تكلم حد من الموجودين فضلت طول اليوم في اوضتها لحد ما كلهم ناموا الساعة 12 بعد منتصف الليل مريم في اوضتها و حست نفسها مخنوقة فا نزلت تعوم في البيسين ... و كان الوقت متأخر و برود الجو بيزيد بس برضو قررت تنزل لبست لبس البحر ... بيكيني اسود و رمت نفسها في المياه و غمضت عينها ... و فضلت تفكر ..... اد اية الحياة ظلمتها ... .والدها والدتها موتوا في حادثة عربية و قدام عينها .... و لما حبيت لأول مرة حبيت الشخص الغلط و هو أدهم و سابت اللي حبها بجد وهو محمود ... محمود مات قدام عينها و بسببها بقت مجنونة في نظر الناس و اتظلمت من حب عمرها ... و لما الحياة حابت تديها فرصة تانية للحب ...كان قلبها مات و لما بدأت تعشق رامي تاني الحياة خدته منها لأنه خاطب وهيتجوز و لما جات تنتقم من أدهم ...حبها فعلا وكان هيتجوزها انهارده شافت جريمة قتل هي الوحيدة اللي شاهدة عليها .. و القاتل بيطاردها في كل مكان حياتها في خطر بكل المقاييس ... حياة عبارة عن عقدة مستحيل تتحل .. حياتها بتقولها مش هتبقي سعيدة القدر بيلعب بيها اقذر لعبة و لسة في مفاجآت مستنية ...... مريم لنفسها : يمكن مكنش حلمي ادخل شرطة بس لما بقيت حسيت قد ايه ان حياتهم صعبة وان ليهم دور أساسي في حماية الناس رغم أن حياتهم معرضة للخطر دايما ... طلعت مريم من البيسين حست أنها رمت كل المشاكل دي في المياه و مبقتاش مهتمة بحاجة أو بقت تايهة و عايشة بدون سبب او هدف معين ..... عايشة بنص روح مجهولة مالهاش هدف في الحياة # ☆☆☆☆☆☆☆ و في اليوم التالي ....... جاء يوم خطوبة يوسف و مي ..... مي بتحط لمسات الأخيرة علي التحضيرات و غيرت لون البلونات للاحمر ... .فا يوسف شافها و راحلها يوسف : انتي بتعملي ايه !!؟ مي : انا بحب اللون الأحمر مش الأزرق ده يوسف : بس انا بكره اللون الأحمر و مش عايزاه مي : بس انا عايزها دي خطوبتي و انا العروسة يوسف : طب و انا العريس و دي كمان خطوبتي ..لونها هيبقى أزرق مي : لا أحمر يوسف بعصبية : انا قولت أزرق مي : خلاص يبقى بلاش خطوبة يوسف : بقي كده يا مي مي : اها كده يوسف : الخطوبة هتم مي : لا مش هتم انا مش عايزة اتجوز يوسف : لا بجد اومال واقفتي ليه من الأول عليا مي : معلش كنت عامية بقي يوسف : و ربنا لوريكي ... و مسك البالونات و فرقعهم كلهم ...مريم و رامي شافهم بيتخانقوا و هما ميتين من الضحك مريم بضحك : اهدي يا يوسف خلاص يوسف بزعل : بطلي ضحك و مش ههدي رامي : اهدي يا مي مي باستفزاز : انا هادية مش مجنونة زيه يوسف كان هيض*بها : انا اللي مجنون يا هبلة مي استخبت ورا مريم و رامي مسك يوسف يوسف : بلاش عند معايا مي : انت اللي ع**د مش انا يوسف : يابنتي متعصبنيش . مي : انا مش بنتك و انا عايزة اللون الأحمر يوسف : ايوة ما عشان انتي أهلاوية ..طيب انا عايز اللون الأبيض مي : لأنك زمالكوي ..خلاص الخطوبة دي مش هتم يوسف : احسن برضو .... انا هروح اشوف بنت زمالكوية و تبقي موزة اكتر منك مي : انت بستعبط يا يوسف بت مين دي ؟ يوسف : مش احنا مش هنتخطب يبقي مالكيش دعوة مي مسكت ايديه مي بنظرة بريئة : أهون عليكي يوسف : بلاش التثبيت ده .... هصالحك كده مريم : طيب انا عندي فكرة مي /يوسف : قولي ؟ مريم : نخلي البلالين بللون الأحمر و الأبيض يوسف : تصدفي فكرة و بيبص ل مى ويقول يوسف : احنا لية مفكرناش في كده مي : مش عارفة يمكن لأننا كنا بنتخانق يوسف بضحك : عموما انا اسف مي : و انا كمان آسفة يوسف : بحبك مي : و انا كمان بحبك اوي اوي مريم : انا بزهق من رومانسيه المخطوبين دي. يوسف بضحك : بعد الشر عليكي من الزهق مريم : اطلعوا برة البيت يالا مي : طيب والخطوبة مريم بضحك : لا انا اللي لغيت الخطوبة خلاص كده يلا برة يوسف : طيب ممكن سؤال قبل ما نطلع برة مريم : صبرني يارب ... اتفضل ؟؟ يوسف : احنا عايزين نخرج كلنا بعد الحفلة و لو رفضتي هتتض*بي مريم بضحك : لا خلاص موافقة و يالا اطلعوا أجهزوا الساعة بقت 5 وعائلتك انتي و هي بدأت توصل . مي /يوسف : اوكي ########## الساعة بقت 7 و الخطوبة هتبدا كمان ساعة و المعازيم كلهم وصلوا ... مي لبست فستان شيك باللون الروز هادي منفوش بدون اكمام نزلت مي بفستانها و جمال الملفت بهرت كل الموجودين و معاها شهد اللي لبست فستان باللون الكاشمير من الاسفل مع تزيين الجزء الاعلي من الفستان بفصوص صغيرة لامعه مع أكتاف كان للفستان و شعرها المنسدل كلهم بقي موجودين تحت وسط فرحة الكل و صوت الموسيقي رامي كان واقف جنب ميرا اللي لبست فستان ملفت بالون الاحمر ضيق فوق الركبة بأكمام شفافة طويلة مزينة بفصوص لامعة باللون الاحمر .. رامي كانت عينه في المكان كله و في كل جزء فيه لاحظ علاء نظراته الواضحة التائهة علاء راح لرامي علاء : هي مريم اتاخرت كده ليه !! رامي : معرفش ..انا هطلع اشوفها طلع رامي أوضة مريم ودخل بهدوء و شافها واقفة قدام المرايا و بتجهز نفسها .... .رامي سرح في ملامحها الجميلة ... و مكنش حاسس بأي حاجة غير أنه بيتمني انه يفضل معاها لحد آخر دقيقة في حياته.... هو بيعشقها و بيعشق تفاصيلها ومش قادر ينساها مع أنه حاول و لازال بيحاول ...... .بس فجأة شاف رامي حاجة كان مستحيل يتوقعها و هي ......... ############## ستوووووب آسفة علي التأخير بس فعلا انا مكنتش هنزل انهارده كمان لان الحلقة دي مكنتش جاهزة و انا كنت تعبانة اوي انهارده بس احتمال قليل أن الحلقة الجاية تبقي يوم الخميس ده لو منزلتش الاربعاء تتوقعوا رامي شاف اية في أوضة مريم !! اية الورق اللي أدهم مضي عليه ؟؟ رايكوا في خطة مريم بالنسبة للأدهم......؛ ؟ يوسف و مئ توصف علاقتهم بأية ،،؟ رايكوا في الحوار اللي بين مريم و ميرا ؟ ؟ ؟ رامي هيعرف حقيقة القاتل اللي بيطارد مريم ده و كمان حكاية مدير أعمالها تتوقعوا رد فعله هيبقى اية ساعتها ..،، رامي عارف عن حكاية مازن أو لا ! ! ؟ تتوقعوا هيحصل اية في الخطوبة دي عشان اكيد مش هتعدي بسلام كده ،؟ رايكوا اية في الحلقة و في الأحداث ؟ ميعادنا يوم الأربعاء أو الخميس الساعة 7 برضو والحلقة جديدة بعنوان ( اقتراب الحقيقة ) مستنية إجابات الأسئلة و توقعاتكوا ? فوت + كومنت = بارت جديد ✋ سيوووووووو ?

Free reading for new users

Scan code to download app

App Store Google Play

Facebookexpand_more