The Woman who was Never Mine SPG

Wala na sana akong balak magmahal ulit. Simula nang mawala ang asawa at anak ko... parang may parte ng puso ko na tuluyan nang namatay. Kaya nangako ako sa sarili ko— tapos na ako sa pag-ibig. Pero minsan... kahit anong pilit mong kalimutan ang nakaraan, may mga taong babalik at babalik sa buhay mo. Katulad ni Maya. Ang babaeng unang nagpabilis ng t***k ng puso ko. Ang babaeng minahal ko kahit hindi niya alam. Ang babaeng pinangarap kong mapasakin... noon. Pero kahit kailan, hindi siya naging akin. Hanggang sa isang araw— nagkita ulit kami. Hindi sinasadya. Nagbago na ang lahat. Kasal na siya. May sarili na siyang buhay. At ako? Dapat wala na akong nararamdaman. Pero sa isang tingin lang sa kanya... bumalik lahat. Ang damdamin. Ang pangarap. Ang pagkahumaling. Lumapit ako sa kanya. Sinabi kong gusto ko lang makipagkaibigan ulit. At pumayag siya. Pero ang totoo? Noong araw na nakita ko siya ulit... alam kong nagsisimula na naman akong mahulog. At ngayon... wala na akong pakialam kung may asawa na siya. Kung mali man ito— bahala na. Sa pagkakataong ito, hahayaan ko na lang ang sarili kong tangayin ng kung ano mang pwedeng mangyari. Kahit alam kong... may mga pag-ibig na hindi dapat sinisimulan.