Chapter 47
Unti-unti itong naglaho sa aking harapan. Hindi ko alam ngunit nakaramdam ako ng kaginhawahan sa ginawa ko. Eto ba ang totoong ako? Eto ba ang lakas na pinakaaasam ko? "Grant, anong ginawa mo? Bakit mo siya pinatay?" Hindi ko alam ngunit tila nababalisa si Jin. Nakikita ko ang pamumuo ng takot sa kaniyang mga mata maging ang pagkalitong hindi ko alam kung saan nagmumula. Mali ba na ipagtanggol ko naman ang aking sarili? Mali ba na ipaalala ko sa kaniya na kahit na kailan ay hindi nya ako kakayanin? "Pinoprotektahan ko lang ang aking sarili, Jin," sagot ko. "Nagpapatawa ka ba? Pinoprotektahan mo ang sarili mo gayong alam mong higit na mas malakas ka sa kaniya. Kahit alam mo namang walang tsansang mapaslang ka niya." Hindi ko alam kung bakit pero nagagalit ba siya? Dahil lang pinaslang ko
- Writer
