CHAPTER 50
NAYLL POV
Apat na taon na ang lumipas.
Apat na taon na simula nang mawala si Cataleya sa buhay ko. Pero bakit ganito? Bakit hanggang ngayon, pangalan pa rin niya ang sinisigaw ng puso ko?
Tahimik ang gabi. Andito ako ngayon sa mini bar ng mansion. Wala na si Manang Delia, nasa probinsya kasama ng mga apo niya. Wala rin si Seraphina dahil tuluyan ko na siyang pinaalis tatlong buwan na ang nakalipas nang mahuli ko siyang may kasamang ibang lalaki sa mismong kama kung saan dati kami ni Cataleya natutulog.
Napatingin ako sa shelf ng alak. Kinuha ko ang pinaka-matapang, pinaka-mahal, at pinaka-limited edition na bote. Dinala ko ito sa kwarto ang kwarto naming dalawa ni Cataleya.
Pagpasok ko, halos hindi ko makilala ang sarili ko sa salamin. Nanghihina. Walang direksyon. Walang
