NAUNANG nagising si Zen kinaumagahan kay Angelo.. Tahimik siyang bumangon mula sa kama at iniwasang magising si Angelo na mahimbing pa ring natutulog sa kanyang tabi. Dahan-dahan niyang sinuot ang kanyang robe at lumabas ng kwarto. Sa kusina, inumpisahan niyang ihanda ang almusal, fried rice, itlog, ham at ginisang corned beef. Sanay naman siya sa gawaing bahay sa America kung kaya balewala sa kanya ang pagluluto… Habang hinihiwa ang sibuyas at kamatis, pilit niyang binubura sa isip ang mga eksenang naganap kagabi ng ilang ulit. Napapakagat labi na lamang siya at natutulala… Mainit. Mapusok. Mali.
Pero sa likod ng lahat ng iyon may isang bahagi ng kanyang damdamin na hindi niya maitatanggi na nagustuhan niya ang mga nangyari. Parang may binuo si Angelo sa kanyang pagkatao na matagal ng ku
