PAGLABAS ni Angelo mula sa opisina ng kanyang ama, ramdam niya pa rin ang mabigat na tinig ng ama sa kanyang isipan.
"Walang anak ang Alejandro Villarin na duwag!"
Paulit-ulit na umuugong sa tenga niya ang mga salitang iyon habang bumababa siya sa hagdan. Pakiramdam niya ay pinunit ng ama ang kaunting respeto na mayroon siya para sa sarili. Ang mga kamay niya’y nakasara dahil sa galit pero wala siyang magawa para maipagtanggol ang sarili at sa bawat hakbang niya ay parang napakabigat.
Diretso siyang pumasok sa personal gym na nasa loob ng kanilang bahay—isang malapad na silid na puno ng mabibigat na equipment, punching bags. Isinara niya nang malakas ang pinto, halos mabasag ang doorknob sa lakas ng pagsara niya.
Hindi na siya nagpalit ng damit. Hinubad lang niya ang coat at tinira an
