MAINIT ang ulo ni Alejandro Villarin. Hindi pa man siya nakakaupo sa mahogany conference table ng kanilang pribadong boardroom sa pinakatuktok ng Villarin Group of Companies, naroon na agad ang tensyon. Limang board members ang naroroon, may kanya-kanyang posisyon sa kumpanya’t mga illegal nilang negosyo. Lahat ay seryoso ang mukha at halatang may gustong itanong.
Isa-isa silang tumingin kay Alejandro habang binubuksan nito ang leather folder sa harap niya. Ngunit bago pa siya makapagsimula, isang tinig ang bumasag sa katahimikan.
“Alejandro, we need answers,” umpisa ni Mr. Perez, ang pinakamatagal nang kasosyo ni Alejandro sa ilang offshore projects ng pamilya. “The footage of Angelo’s arrest is all over social media. Trending sa Twitter, f*******:, pati na sa mga news sites. This is ba
