“HONEY... AJ, wake up.”
Napapitlag si AJ nang maramdaman ang banayad na paghaplos ng isang kamay sa kanyang pisngi. Pagmulat niya ng mga mata ay kaagad niyang nakita ang guwapong mukha ni Iñaki. Napangiti siya. Gumanti ng ngiti ang nobyo. Hindi niya namalayan na nakatulog na siya sa paghihintay sa loob ng unit nito. May susi siya roon dahil minsan ay nakatulog din siya sa paghihintay sa labas ng pintuan nito. Hindi niya kabisado ang schedule ng nobyo sa linggong iyon dahil nga hindi sila nag-uusap ngunit nagbakasali pa rin siya.
“Hi,” bati ni Iñaki.
“Nakauwi ka,” nakangiti niyang sabi. Bumangon siya at naupo sa mahabang sofa.
“Sana ay nag-text ka para mas maaga akong nakauwi. I was out with some friends. Nagkayayaan pagkatapos ng shift.”
Naaamoy nga ni AJ ang alcohol mula sa nobyo. Hi
