“He was right...”
“YAYA? Yaya? Yaya!”
Napapitlag si AJ nang sumigaw malapit sa kanyang tainga si Gilbert. Salubong ang kilay na nilingon niya ang alaga. May kailangan ba sa kanya ang bata? Nakasimangot si Gilbert na suot ang monster costume nito. “You’re free, Yaya.”
“Ha?” Hindi niya gaanong naunawaan ang sinasabi ng alaga.
“May wala sa sarili niya,” nanunudyong sabi ni Madam Isabel.
Napatingin si AJ sa amo. Nakasuot si Madam Isabel ng Wonder Woman costume. Sandali niyang inalala kung bakit ito naka-costume. Ang sabi nito ay iyon ang paborito nitong Halloween costume noong hindi pa nag-aasawa. Kasya pa rin sa balingkinitan nitong katawan ang costume kahit na nakapanganak na ang amo. Daig nito ang pigura ng mga artistang sampung taon na mas bata rito.
Naglalaro nga pala silang ta
