“Stubborn much?”
Tumango si AJ. “And it got worse.”
IKATLONG araw na ni AJ sa bahay ni Iñaki at tatlong araw na rin niyang ipinupuslit doon si Gilbert. Sa umaga ay dinadala muna ni Pattie ang bata sa kanya upang mapakain nang maayos at mabihisan nang tama. Pagkatapos ng eskuwela ay sa kanya kumakain ng tanghalian ang bata. Minsan ay nagpapadala na ng pagkain si Ate Ana. Tutulungan niya si Gilbert sa school work at maglalaro silang dalawa. Nami-miss pa rin daw siya ng alaga, gayumpaman. Hindi pa rin siya nakakabuo ng desisyon kahit na alam niyang hindi siya maaaring magtagal sa unit na iyon.
Masaya si AJ na kasama ni Iñaki. Palaging may dala itong pasalubong para sa kanya sa pag-uwi. Madalas na pagkain na sa palagay nito ay magugustuhan niya at minsan ay may kasamang bulaklak ang mga
